2 KARAENG-KARAENG 5:20 - KITTA' MATANGKASA'

²⁰ appikkiri'mi Gehazi, iamintu palayanna Elisa, angkana, “Eh, angngapa nanilappassang a'lampa natena na'bayara'? Musti natarima bapakku anjo passarena tubattua ri Siria! Lanri Batara mattallasaka, musti kuondangi anjo taua sollangku anggappa apa-apa battu ri ia!”

2 KARAENG-KARAENG 5:20 ပူးပေါင်းရင်းမြစ်များ

1 KARAENG-KARAENG 17:1

Nia' sitau na'bi niareng Elia. Assala'na tubattu ri Tisbe, iamintu se'reang kota ri daera Gilead. Ri se'reang allo battui mae ri Karaeng Ahab na nakana, “Lanri Batara, Allata'ala mattallasaka, Ia nasombaya tu Israel siagang Ia kulayania, kupabattuangki' angkanaya lalang ruampulo yareka tallumpulo taung labattua anne latena saliu' yareka bosi manna sike'de', pantaranganna punna kukanangi.”

2 KARAENG-KARAENG 13:19

Larromi Elisa nampa nakana, “Mustina sa'genna pillima yareka pingngannang nutunrung, nampa akkulle nuancuru' tabasikali bansa Siria. Mingka kamma-kamma anne lapintallunji nubeta.”

2 KARAENG-KARAENG 4:12

nasuromi palayanna iamintu Gehazi, mange angkioki anjo bainea. Battunamo anjo bainea,

2 KARAENG-KARAENG 4:25

Jari a'lampami anjo bainea mange ri Moncong Karmel ri tampa'na Elisa. Battu bella nacini' memammi Elisa battu anjo bainea. Nakanamo Elisa ri Gehazi, “Ciniki, anjo baine battua ri Sunem niaki battu!

2 KARAENG-KARAENG 4:31

A'lampa riolomi Gehazi ri dallekanna ke'nanga untu' ampadongkoki takkanna Elisa ri kalenna anjo anaka, mingka tena sikali sa'ra yareka pammatei maraengannaya angkanaya attallasaki anjo anaka. Nampa a'lampamo Gehazi ambuntuli Elisa na nakana, “Tena nambangung anjo anaka.”

2 KARAENG-KARAENG 4:36

Nasuromi Elisa anjo Gehazi untu' angkioki amma'na anjo anaka. Na antama'namo anjo bainea nakanamo Elisa ri ia, “Anne anatta.”

2 KARAENG-KARAENG 5:16

Appialimi Elisa angkana, “Lanri Batara mattallasaka, iamintu kulayania, tena nalakualle manna pole passare apa.” Napassa-passami Naaman sollanna ero' Elisa antarimai passarena, mingka tuli teana Elisa angngallei.

2 KARAENG-KARAENG 5:21

Nampa naondammo Gehazi anjo Naaman. Ri wattunna nacini' Naaman angkanaya nia' tau battu, naummi battu ri karetana nampa akkuta'nang angkana, “Apa kutadeng?”

2 KARAENG-KARAENG 6:31

A'gorami karaenga angkana, “Anne alloa musti mate memangi Elisa. Lappassamma' Nahukkung Allata'ala manna pole antekamma battala'na punna tena nakubunoi Elisa!”

2 KARAENG-KARAENG 8:4

Anjo wattua Gehazi palayanna Elisa le'ba'mi nipala' ri karaenga untu' ancaritakangi sikamma passala' kajariang appakalannasaka, le'baka nagaukang Elisa.

2 KARAENG-KARAENG 8:7

Ri se'reang wattu a'lampai Elisa mange ri Damsyik. Sitabangi Karaeng Benhadad garring anjo wattua. Nalangngere'na karaenga angkanaya niaki Elisa ri Damsyik,

PAMMUJI 10:3

A'bicara borroi tu ja'dalaka untu' kaerokang ja'dala'na, tau angngoaya natunrai siagang natollaki Batara.

KALAPPASSANG 20:17

Teako kacinnai barang-baranna parannu rupatau, kammaya: balla'na, bainenna, ata-atanna, olo'-olo'na, keledaina, yareka apa-apa mamo baranna parannu tau.”

KALAPPASSANG 20:7

Teako tappu bawang-bawangngi arengKu, saba' iNakke, Karaeng Allata'alanu, anghukkungi manna pole inai ampake salayai arengKu.

PANGNGEBARANG 26:16

Lapung tau malasaka nakanai kalenna la'bi cara'de' na tujua tau annabaya pappialinna.

YESAYA 48:1

Pilangngeri, he turunganna Yakub, turunganna Yehuda ammakea areng Israel, nukana numangakui Allata'alana Israel, siagang assumpako lalang arenNa Batara. Mingka tena nannarrusu' kana-kanannu antama' ri atinnu.

YEREMIA 22:17

Mingka ikau, Yoyakim, maraengi. Ikau kaparalluang kalennu bawang nuboya. Nubunoi tau tenaya salana, siagang nujallakkangi ra'yaka nukapallakki.

HABAKUK 2:9

Nitunraiko ikau! Nupa'jari kalumanynyangi kaluarganu battu ri passawallang nugappaya lanri gau' palla'nu, sollanna balla' kalennu a'jari amang siagang bellai battu ri kasusaanga siagang balaya.

MATIUS 10:4

na kala'busanna iamintu Simon nigallaraka Patriot, siagang Yudas Iskariot ambalukangai Isa.

MATIUS 26:9

Akkullei nibalukang ka'jala' anjo minynya'-minynyaka nampa nipassareang ballinna mae ri tau kasi-asia!”

LUKAS 12:15

Nampa Nakana Isa ri sikamma tau niaka anjoreng, “Tutuko siagang jaga-jagako, gassingka a'jariko tau mangngoa. Nasaba' teai battu ri kakalumanynyanganna nattallasa' rupataua, manna pole sanna' jaina pa'barang-baranganna.”

LUKAS 16:8

Jari nipujimi ri karaenna anjo pagawe ammolika doe' tenaya nalambusu' ri jama-jamanna, lanri cara'de'na a'boya akkala'. Nasaba' cara'dekangangi tau ammantanga lalang lino angngurusuki urusanna kala tau ammantanga lalang ri singaraka.”

YOHANES 13:2

Angnganre bangngi Isa siagang ana'-ana' gurunNa. Antama'mi Billisika ri atinna siagang cinnana Yudas, ana'na Simon Iskariot, sa'genna ero'mi Yudas ambalukangi Isa.

YOHANES 6:70

Appialimi Isa Nakana, “Sai sampuloko anrua Kupile? Mingka nia' sitau ri kau a'jari setang!”

LAMPA-LAMPANA 5:2

Anjo doe' ballinna anjo tanaya, naboliki tawaruanna untu' kalenna ke'nanga, nampa tawaruanna maraenga napassareang mae ri tunisuroNa Allata'ala. Anne apa nagaukanga naasseng tongi bainenna.

2 TIMOTIUS 4:10

nasaba' nabokoima' Demas lanri nakarimangnginna anne linoa. A'lampami mange ri Tesalonika. A'lampami Kreskes mange ri Galatia, siagang Titus a'lampami mange ri Dalmatia.

TITUS 1:7

Nasaba' anjo pamimping jama'aka, iami angngurusuki jama-jamanga untu' Allata'ala; jari takkulleai nia' callanna. Takkulleai tampo yareka pa'larroang, yareka painung sa'genna nangai nasa'ring, yareka nangai assiba'jia, yareka mangngoai ri doe'.

1 PETRUS 5:2

sollanna nukalawaki sikamma gimbala' Napappirannuanga Allata'ala mae ri kau ngaseng. Kalawaki ke'nanga siagang sannang pa'mai'nu, sangkamma Nakaerokanga Allata'ala. Teako battalaki pa'mai'nu angkalawaki ke'nanga. Tea tongko lanri ero'nuji anggappa passawallang nanugaukang jama-jamannu. Passangalinna lanri ero'nu attojeng-tojeng allayani.

1 SAMUEL 14:39

A'janjia', lanri Batara attallasaka, ia le'baka assarei Israel pammetang, angkanaya tau salaya lanihukkung matei, manna pole ebara' angkana Yonatan ana' bura'neku.” Mingka tena manna sitau barani appiali.