2 KARAENG-KARAENG 5:14 - KITTA' MATANGKASA'

¹⁴ Lanri kammana anjo a'lampami Naaman mange ri Binanga Yordan nampa antama' ampaselangi kalenna pintuju sangkamma napassuroanga Elisa. Na'jari baji'mo Naaman. A'jari baji'mi ammotere' tanja'na kalenna sangkamma kale turungka.

2 KARAENG-KARAENG 5:14 ပူးပေါင်းရင်းမြစ်များ

1 KARAENG-KARAENG 17:16

Siagang sangkamma apa le'bakamo Napau Karaeng Allata'ala tete ri Na'bi Elia, anjo mangkoka tuli nia'na labu' bonena, siagang anjo pole botoloka tuli nia'na minynya' bonena.

2 KARAENG-KARAENG 4:35

Ambangummi Elisa nampa a'jappa anrai' kalau' lalang ri anjo kamaraka, nampa ammopang pole naung ri kalenna anjo anaka. Kale'bakkanna burassingammi anjo anaka pintuju, nampa nasungke matanna.

2 KARAENG-KARAENG 5:10

Nasuromi Elisa sitau palayang untu' akkana kamma anne ri Naaman, “A'lampaki' a'je'ne' pintuju ri Binanga Yordan, nakiammolle taba sikali sallang.”

2 PATTOTTORANG 20:20

Ammukona bari'basa' dudu, assulu'mi ra'yaka nampa a'lampa mange ri daera parang lompoa ri ampi'na Tekoa. Ri wattunna ero' appakkaramula ke'nanga a'lampa, appasammi Karaeng Yosafat ri ke'nanga angkana, “He ra'ya' Yehuda siagang Yerusalem! Tappakko mae ri Karaeng Allata'alanu, sollannu akkulle attahang. Tarimai pappakainga'na na'bi-na'binu, sollannu akkulle ammeta.”

AYUB 31:13

Ri wattuna akkunrareng atangku lanri kupassala-salang ha'na, kupilangngeri kunrarenna, na kubajiki gaukku mae ri ia.

AYUB 33:25

La'jari sanna' kassa'na kalenna akkamale kamma tau rungka.

KALAPPASSANG 4:7

Nampa Nakana Batara, “Pantamaki ammotere' anjo limannu ri bajunnu.” Nagaukammi Musa anjo kammaya, na ri wattunna napasulu' pole ammotere', a'jari baji'mi ammotere' anjo limanna.

PANGNGEBARANG 9:9

Punna tau cara'de' nupakainga, pila' la'jari katambangi cara'de'na. Siagang punna tau mannuruki ri Allata'ala nuajara', pila' lakatambangi pangngassenganna.

KAIMANGNGANG 13:58

Na punna le'baki nibissai nampa tappela' tanja'na anjo jappoka ri anjo baranga, anjo baranga musti nibissai pole, na nampamo akkulle nikana tangkasa' anjo baranga.

ZAKHARIA 13:1

Nakana Batara Kaminang Koasaya, “Ri anjo alloa lappasolongA' se're timbuseng je'ne' untu' ampakatangkasaki jari-jarina Daud siagang pandudu'na Yerusalem battu ri dosana siagang ri gau' panynyombanna ke'nanga ri barhalaya.

ZAKHARIA 14:8

Ri anjo alloa, la'lo'loroki je'ne ci'nonga battu ri Yerusalem; tawaruanna anjo je'neka la'lo'loro' mangei ri Tamparang Matea nampa bageruanna pole la'lo'loro' mangei ri Tamparang Tangngaya. La'lo'loroki anjo je'neka tunggala' taung, baji' nawattu bara' kammayatompa ri wattu timoro'.

LUKAS 4:27

Kammayatompa ri jammang nia'na Na'bi Elisa, jai tau garring sala ri Israel. Mingka manna sitau battu ri ke'nanga tania' niballei ri Elisa. Passangalinna Naaman bawang, anjo tu niaka ri Siria.”

LUKAS 5:13

Naangka'mi limanNa Isa, nampa Nasero anjo taua, siagang Nakana, “ErokKa', a'jari baji' mako.” Anjo wattua lanynya' silalonnami garrinna anjo taua.

YOHANES 2:5

Mingka nakanamo amma'Na Isa ri pala'-palayanga, “Gaukang mami apa Napassuroanga ri kau ngaseng.”

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

YOSUA 6:4

Tuju imang, massing angngerang tarompe' musti a'jappa ri dallekanna Patti Parjanjianga. Ri makatujuna alloa, ikau siagang tantaranu musti nuinroi anjo kotaya pintuju nampa sikamma imanga natui' ngasengi tarompe'na.