2 KARAENG-KARAENG 5:12 - KITTA' MATANGKASA'

¹² Binanga Abana siagang Parpar ri Damsyik la'bi bajikangngangi na binanga manna pole kemae binanga niaka ri Israel. Akkullea' a'je'ne' anjoreng nampa a'jari bajikka'!”

2 KARAENG-KARAENG 5:12 ပူးပေါင်းရင်းမြစ်များ

2 KARAENG-KARAENG 2:14

nampa napatunrung anjo jubana Elia ri tompo'na je'neka nanakana, “Kemae Batara, anjo Allata'alana Elia?” Le'baki napatunrung anjo jubaya ri tompo'na je'neka, ta'bage ruami anjo je'neka nampa a'jappa anta'leang.

2 KARAENG-KARAENG 2:8

Nala'gasimi jubana Elia, nampa nagulung siagang napatunrung ri tompo'na je'neka ri anjo binangaya. Nata'bage ruamo anjo je'neka, sa'genna akkullemo Elia siagang Elisa a'jappa ri dapara'na kalotoroka anjo binangaya.

2 KARAENG-KARAENG 5:11

Nalangngere'na anjo kana kammaya larromi Naaman nampa nakana, “Kupikkiriki angkanaya kalenna lassulu' ambuntulia', siagang appala' doang mae ri Batara, Allata'alana, kammayatompa napagio' limanna irateanna anne kalengku garringa nampa a'jari bajikka'.

2 KARAENG-KARAENG 5:17

Nampa nakanamo Naaman, “Punna kamma tenana kiero' antarimai passareku, kipa'biamma' angngerang butta siapa-siapa jaina akkulle naerang siayoka bagal. Nasaba' appakkaramula anne wattua tuli lassarea' koro'bang untu' Batara bawang, teai untu' rewata maraengannaya.

PANGNGEBARANG 14:17

Tau nangaia larro dongoki panggaukanna; tau cara'deka sa'baraki sipa'na.

PANGNGEBARANG 16:32

Bajikangngangi tenaya nilinta' larro, kala anna'gala' koasa; bajikangngangi nilewaia kalea, kala ammeta se're kota.

PANGNGEBARANG 19:11

Tau cara'deka akkullei natahang larrona. Nipuji lanri tanajampangiai kasalanna taua mae ri kalenna.

KELONG MALA'BIRI' 4:8

Umba kinaung battu ri Libanon, buntingku, umba kinaung battu ri Libanon. Naungko battu ri coppo'na Amana, battu ri coppo'na Senir siagang Hermon, tampa' pammantanganna macanga siagang singaya.

YEREMIA 49:23

Iaminne kananNa Batara ri sesena Damsyik. “Pandudu'na kota Hamat siagang Arpad ranggaselai siagang lussaki lanri allangngereki kabara' kodi. Lussaki siagang ta'ronang-ronangi atinna ke'nanga rapang bombang ri tamparanga.

ZAKHARIA 13:1

Nakana Batara Kaminang Koasaya, “Ri anjo alloa lappasolongA' se're timbuseng je'ne' untu' ampakatangkasaki jari-jarina Daud siagang pandudu'na Yerusalem battu ri dosana siagang ri gau' panynyombanna ke'nanga ri barhalaya.

ZAKHARIA 14:8

Ri anjo alloa, la'lo'loroki je'ne ci'nonga battu ri Yerusalem; tawaruanna anjo je'neka la'lo'loro' mangei ri Tamparang Matea nampa bageruanna pole la'lo'loro' mangei ri Tamparang Tangngaya. La'lo'loroki anjo je'neka tunggala' taung, baji' nawattu bara' kammayatompa ri wattu timoro'.

MARKUS 1:9

Anjo wattua nia'mi Isa battu ri Nazaret ri daera Galilea, na nije'ne' ri Yohanes ri Binanga Yordan.