2 KARAENG-KARAENG 5:11 - KITTA' MATANGKASA'

¹¹ Nalangngere'na anjo kana kammaya larromi Naaman nampa nakana, “Kupikkiriki angkanaya kalenna lassulu' ambuntulia', siagang appala' doang mae ri Batara, Allata'alana, kammayatompa napagio' limanna irateanna anne kalengku garringa nampa a'jari bajikka'.

2 KARAENG-KARAENG 5:11 ပူးပေါင်းရင်းမြစ်များ

PA'JARIANG 20:7

Mingka kamma-kamma anne poterangi mae ri bura'nenna. Na'bi bura'nenna antu bainea, na lanapappala' doangangko sollanna tena numate. Mingka punna tena nanupoterangi, u'rangi angkanaya ikau siagang sikontu ra'ya'nu lamate ngasengko!”

2 KARAENG-KARAENG 4:5

Jari ammotere'mi anjo bainea mange ri balla'na. Le'ba'namo antama siagang ana'-ana'na ri balla'na na natongko' pakke'bu'na, naallemi anjo botolo' ca'di niaka minynya'-minynya'na, nampa napatiri' antama' ri botolo'-botolo' napassareanga ana'na mae ri ia.

2 KARAENG-KARAENG 5:10

Nasuromi Elisa sitau palayang untu' akkana kamma anne ri Naaman, “A'lampaki' a'je'ne' pintuju ri Binanga Yordan, nakiammolle taba sikali sallang.”

2 KARAENG-KARAENG 5:12

Binanga Abana siagang Parpar ri Damsyik la'bi bajikangngangi na binanga manna pole kemae binanga niaka ri Israel. Akkullea' a'je'ne' anjoreng nampa a'jari bajikka'!”

PANGNGEBARANG 1:32

Tau tenaya pangalamanna lamatei lanri tanajampangia', kammayatompa tau toloa laancuruki lanri tanajampangia'.

PANGNGEBARANG 13:10

Katampoanna poro pa'beserang bawang napaumba; tau cara'deka eroki annarima pangngajarang.

PANGNGEBARANG 3:7

Teako nanukana kalennu la'bi cara'dekangangko na sitojennaya; turuki Batara siagang pakabellai kalennu battu ri ja'dalaka.

MATIUS 15:27

Appialimi anjo bainea nakana, “Kammatojengi tuang, mingka kanre nakanrea kongkonga, iamintu sesa-sesa kanre tu'guruka battu ri mejang pangnganreanna karaenna.”

MATIUS 19:22

Nalangngere'na akkana kamma Isa, a'lampami anjo tau rungkaya; si'na sikali atinna nasaba' akkalumanynyang sikali.

MATIUS 8:8

Mingka appialimi anjo perwiraya nakana, “Tea' maKi' mangei ri ballakku Bapa'. Nasaba' tena nakusiratang Kibattui ri ballakku. Kiparentakang mami bawang, ma'nassa la'jari baji'mi antu pajamaku.

LUKAS 14:11

Nasaba' inai-nai ampakalompoi kalenna, iami lanipakatuna, mingka inai-nai ampakatunai kalenna, iami lanipakalompo.”

YOHANES 13:20

Annaba tojengi anne kanangKu: Inai-nai antarimai tau Kusuroa, Inakkemi natarima. Na inai-nai antarimA', natarima tommi anjo assuroa ri Nakke.”

YOHANES 4:48

Nakanamo Isa ri anjo pagawena karaenga, “Ka'de' tanucinika anjo gau'-gau' appakalannasa' le'baka Kugaukang, tena ngaseng nulatappa'.”

IBRANI 12:25

Lanri kammana, tutu laloko, gassingka taerokako ampilangngeri kananNa Tau ampabattuai biritta battua ri Allata'ala. Ia tau tenaya naero' ampilangngeri biritta nipabattua battu ri Allata'ala lalang ri anne linoa, takkulleai allariangi kalenna. La'biangampa ikatte anne, allangngerekai anjo a'bicaraya battu ri suruga! Punna taerokaki' ampilangngeri, antekamma bateta lakkulle ta'lappasa'.