2 KARAENG-KARAENG 4:8 - KITTA' MATANGKASA'

⁸ Ri Sunem nia' sitau baine kalumanynyang ammantang. Ri se'reang allo ri wattunna a'lampa Elisa mange ri Sunem, nibuntulimi ri anjo bainea mae angnganre. Baku'na anjo punna assengka Elisa ri Sunem, tuli angnganrei ri balla'na anjo bainea.

2 KARAENG-KARAENG 4:8 ပူးပေါင်းရင်းမြစ်များ

PA'JARIANG 19:3

Mingka napala' dudumi Lot, na kale'bakkanna antama'mi ke'nanga siagang ia ri balla'na. Appasadiami Lot kanre-kanreang nyamang, siagang attunumi roti siganna'na, nampa angnganremo ke'nanga.

2 SAMUEL 19:32

Anjo lapung Barzilai sanna'mi toana, umuru'na narapi'mi sagantujupulo taung. Teai sipato' kalumanynyanna. Na ri wattunna ammantang karaenga pirangalloang ri Mahanaim, iaminjo Barzilai ampasadiangi apa lanakanrea karaenga.

1 KARAENG-KARAENG 1:3

Jari nipa'boyammi ri sikontu Israel se're tulolo ga'gaya. Ri Sunem nia'mo nigappa sitau tulolo sannaka ga'gana, niarenga Abisag. Nierammi mae ri karaenga, nampa najagai siagang naparakai karaenga. Mingka tena nasikatinroang karaenga siagang ia.

2 KARAENG-KARAENG 4:18

Ri wattunna lompomo anjo anaka, ri se'reang allo, ri wattu pakkattoang, a'lampai anjo anaka mae ri manggena niaka ri kokoa siagang pakattoa.

AYUB 1:3

Pantaranganna anjo jai suro-surona, nia' 7.000 gimbala'na, 3.000 untana, 1.000 sapinna, siagang 500 keledaina. Bodona kana, iami kaminang kalumanynyang ri sikontu pandudu' niaka bageang iraya.

AYUB 32:9

Na'jari cara'de' taua, teai lanri toana umuru'na; na napahang taua annabaya, teai lanri tinggina umuru'na.

PANGNGEBARANG 7:21

Kammaminjo batena anjo bainea angngodoki anjo tau rungkaya siagang kana-kana panynyonyo' angngontaka, sa'genna nigodamo anjo lapung tau rungka.

MATIUS 25:17

Kamma tomminjo nagaukanga palayang annarimaya ruassa'bu doe' ringgi' bulaeng; nanggappamo passawallang ruassa'bu doe' ringgi' bulaeng.

LUKAS 1:15

La'jari tu nipakalompoi ri dallekanNa Allata'ala. Talangnginungai anggoro' siagang inungang terasa'. Pakkaramula battu ri nilassukanna lanirurungangi ri RohNa Allata'ala.

LUKAS 14:23

Jari nakanamo anjo karaenga, ‘A'lampamako assulu' ri pantaranganna kotaya, mangeko kioki tau niaka ri agang-agang lompoa, siagang ri sepe'-sepeka; suro ngasemmi ke'nanga battu, sollanna rassi ballakku.

LUKAS 24:29

mingka nitahammi ri ke'nanga. Nakana ke'nanga ri Ia, “Ammantang maKi' ri balla'na ikambe, nasaba' la'birimmi bangngi siagang appakkaramula tommi sassang.” Jari antama'mi Isa ri balla'na ke'nanga nammantang a'bangngi.

LAMPA-LAMPANA 16:15

Nije'ne'mi Lidia siagang sikontu bone balla'na. Le'baki nije'ne', nakio' maki' mange ri balla'na. Nakana Lidia, “Punna kipikkiri' ngasengi angkanaya ma'nassa tappa' tojeng-tojemma' ri Isa, umbamo kimange a'bangngi ri ballakku.” Napala' dudumi sollanna niturukiang pappala'na.

YOSUA 19:18

Antamaya ri daerana ke'nanga iamintu: Yizreel, Khesulot, Sunem,

HAKING-HAKING 19:20

Nakanamo anjo tau toaya, “Teako batai, sinampe' nakutulungko. Tea' mako a'bangngi ri lapanganga anne.”

1 SAMUEL 28:4

Jari ri wattunna a'rappungang tantara Filistin siagang akkema ri ampi'na kota Sunem, napa'rappungang tommi Saul tu Israel, nampa akkema ke'nanga ri Moncong Gilboa.