2 KARAENG-KARAENG 4:41 - KITTA' MATANGKASA'

⁴¹ Jari assuro allemi Elisa sike'de' labu', nampa napakioro' antama' ri anjo uringa. Le'baki anjo nakanamo, “Bagemi pole anjo kanrea.” Natenamo bahayana anjo kanrea.

2 KARAENG-KARAENG 4:41 ပူးပေါင်းရင်းမြစ်များ

2 KARAENG-KARAENG 2:21

Nampa a'lampamo Elisa mange ri timbuseng je'neka na napasambila anjo ce'laya antama ri je'neka siagang nakana, “Kammaminne kananNa Batara, ‘Kupa'jari tangkasaki anne je'neka sollanna tenamo napassabakki kamateanga siagang nalari cera' baine tiananga!’ ”

2 KARAENG-KARAENG 5:10

Nasuromi Elisa sitau palayang untu' akkana kamma anne ri Naaman, “A'lampaki' a'je'ne' pintuju ri Binanga Yordan, nakiammolle taba sikali sallang.”

2 KARAENG-KARAENG 6:6

Akkuta'nammi Elisa angkana, “Kemaei tu'guru'?” Nipicinikiammi ri anjo taua tampa' katu'guranna anjo pangkuluka. Nampa annatta' Elisa sipolong kayu siagang napasambila antama' ri anjo tampaka. Nammumbamo nai' ri tompo'na je'neka anjo pangkuluka.

KALAPPASSANG 15:25

Appala' doang dudumi Musa mae ri Batara. Nampa nipicinikiammo ri Batara sipolong kayu. Naallemi Musa anjo kayua nampa napasambila antama' ri je'neka, sa'genna a'jari la'ba anjo je'neka, nakkullemo niinung. Anjoremmi ri tampaka assare Batara paratorang-paratorang mae ri ke'nanga, siagang anjoreng tommi Naso'ri ke'nanga.

YOHANES 9:6

Le'baki akkana kamma Isa, appi'rumi naung ri buttaya, nampa Naleo' anjo pi'runNa siagang buttaya. Nampa Napasapu mange ri matanna anjo taua,

LAMPA-LAMPANA 28:5

Mingka nasoeammi Paulus anjo ularaka antama' ri pepeka siagang tena sikali manna sike'de' pa'risi'na nakasia'.

1 KORINTUS 1:25

Nasaba' ia dongoka nicini' ri Allata'ala, iami la'bi poreangngang nakaporeanna rupataua. Na ia lammaya nicini' ri Allata'ala iami gassingangngang nakagassinganna rupataua.