2 KARAENG-KARAENG 4:38 - KITTA' MATANGKASA'

³⁸ Ri se'reang wattu natujui sikontu pa'rasanganga bala kacipurang. Jari ammotere'mi Elisa mange ri Gilgal. Ri wattunna sitabang angngajara' siapa are jaina na'bi, nasuromi palayanna angngalle uring lompo nampa napappalluang ke'nanga.

2 KARAENG-KARAENG 4:38 ပူးပေါင်းရင်းမြစ်များ

PA'JARIANG 25:29

Ri se'reang allo ri wattunna sitabang appallu Yakub gangang campe' eja, battumi Esau, ammotere' battu assoso'. Na sanna' cipuru'na anjo wattua.

2 SAMUEL 21:1

Ri wattu ammarentana Daud, le'baki naalle cipuru' lompo taua tallun taung sallona. Nampa appala'mo pangngunju' Daud mae ri Batara lanri anjo passalaka, na Nakanamo Batara, “Anjo bala kacipuranga passabakkang kasalanna Saul siagang kaluargana, iamintu lanri nabunona tu Gibeon.”

1 KARAENG-KARAENG 17:1

Nia' sitau na'bi niareng Elia. Assala'na tubattu ri Tisbe, iamintu se'reang kota ri daera Gilead. Ri se'reang allo battui mae ri Karaeng Ahab na nakana, “Lanri Batara, Allata'ala mattallasaka, Ia nasombaya tu Israel siagang Ia kulayania, kupabattuangki' angkanaya lalang ruampulo yareka tallumpulo taung labattua anne latena saliu' yareka bosi manna sike'de', pantaranganna punna kukanangi.”

2 KARAENG-KARAENG 2:1

Narapi'mi wattunna ero' Batara angngangkaki Elia nai' ri suruga lalang ri anging barubua. Anjo wattua a'lampami Elia siagang Elisa battu ri Gilgal,

2 KARAENG-KARAENG 2:3

Nia' siapa are na'bi ammantang anjoreng a'lampa mange ambuntuli Elisa siagang akkuta'nang angkana, “Nuassenji angkanaya anne alloa la'lampai bapa'nu ambokoiko lanri laniangkaki ri Batara?” Appialimi Elisa angkana, “Iyo, kuassenji. Mingka teami nibicarai anjo passalaka.”

2 KARAENG-KARAENG 4:1

Ri se'reang allo nia' sitau baine janda le'ba' baine na'bi a'lampa mange ri Na'bi Elisa nampa angkana, “Bapa', matemi bura'nengku! Nakiasseng tonja angkanaya anjo le'ba' bura'nengku tau mappilangngeri todong ri Allata'ala, mingka nia' inranna mae ri se'reang tau. Kamma-kamma anne battui anjo taua ero' angngalle rua anakku nampa napa'jari ke'nanga atanna, salaku pa'bayara' ri inranna tumate le'ba' bura'nengku.”

2 KARAENG-KARAENG 4:39

Kalase'renna battu ri anjo na'bi-na'bia assuluki mange ri kokoa untu' a'boya gangang-gangang; na nia'mo nabuntulu' kamma lamung-lamung boyo' taniparakai. Naallemi rapponna anjo boyoka sipajai-jaina nampa naerang ammotere'. Tanaassengai angkanaya lamung-lamung apa anjo nampa naallemo nae'ba'-e'ba' nampa napantama' ri anjo uringa.

2 KARAENG-KARAENG 8:1

Ri se'reang wattu appabattui Batara bala kacipurang ri Israel niaka tuju taung sallona. Rioloannaya le'ba'mi napau memang Elisa anjo passalaka mae ri baine battua ri Sunem le'baka napattallasa' poleang ana'na. Nasuro tongi Elisa anjo bainea a'lette' siagang kaluargana mange ri pa'rasangang maraenga.

AYUB 30:4

Ammi'buki ke'nanga rompo' ri parang lompoa nampa nakanre leko'na siagang aka'na.

PANGNGEBARANG 8:34

Mate'nei tau mappilangngeria ri nakke tunggala' alloa ammempo antayanga' ri pakke'bu' ballakku, tuli a'jaga-jagaya ri pakke'bu' lompona pammantangangku.

YEHEZKIEL 11:3

Lanri kammana anjo pabattui pasangKu ri passala'na hukkunganga mae ri ke'nanga, he tau. Nasaba' nakana ke'nanga, ‘Tasalloami nanibangungi ammotere' anne sikamma ballaka. Anne kotaya iamintu uring naikatte anne dageng a'jari bonena. Laamangki' lalang battu ri pepe' a'jalloka lanri nila'langngiki' ri anne uringa.’ ”

YEHEZKIEL 11:7

Lanri kammana anjo, iNakke, Batara Kaminang Tinggia, Kukana ri kau: Memang, anne kotaya sanrapangi uring, mingka dageng niaka lalang teai ikau, passangalinna maya'na sikamma tau le'baka nubuno! Nampa ikau laKubongkako assulu' battu ri anne kotaya!

YEHEZKIEL 14:13

punna nia' se're pa'rasangang doraka siagang tena namajarre' pa'mai'na mae ri Nakke, laKuhukkungi anjo pa'rasanganga. LaKuancuruki parsadiaang kanrena, lappabattuA' bala kacipurang siagang laKubunoi baji' rupataua kammayatompa olo'-oloka ri anjo pa'rasanganga.

YEHEZKIEL 24:3

INakke, Batara, nia' se're pangngebarangKu untu' lanipabattu mae ri ummakKu nangaia angngewa: Tiriki je'neka antama ri pancia nampa padongkoki irate ri pepeka.

KAIMANGNGANG 26:26

Lakala'busangko ri kanre, sa'genna punna nia' sampulo baine, se're mami pattunuang roti naparalluang untu' antunui roti niaka ri ke'nanga. Lanipakammai ransung anjo kanrea, siagang punna le'baki nukanre, tulusu' cipuru'nu ija.

AMOS 7:14

Appialimi Amos angkana, “Inakke teaiya' na'bi lanri pangka'. Sikontutojenna inakke pakalawakia' siagang pakattili' rappo ara.

MARKUS 6:37

Mingka appialimi Isa Nakana, “Ikau ngasemmo assarei kanre ke'nanga.” Nakanamo ana'-ana' gurunNa, “Jari la'lampaki' mange ampammalliangi roti kira-kira ruambilangngang doe' pera', lanipakanreangi anne tau sikammaya jaina?”

LUKAS 10:39

Anjo Marta nia' sari'battanna niarenga Maria. Na anjo Maria ammempomi ri ampi'Na Isa ampilangngeri kana-kana Napangngajarranga Isa.

LUKAS 2:46

Makatallungallonapi naboya ke'nanga nampa nabuntulu' lalang ri Balla'Na Batara. Niaki lalang ammempo ampilangngeri guru-guru agamaya siagang akkuta'nang ri anjo guru-guru agamaya.

LUKAS 4:25

Mingka pilangngerimi anne: ri jammang nia'na Na'bi Elia, ri wattu tenana naturung bosia tallun taung sitangnga, naallemi cipuru' sikontu bonena pa'rasanganga. Na anjo wattua jai janda ri Israel.

LUKAS 8:35

Assulu'mi taua battu ri kotaya ero' mange anciniki anjo apa kajarianga. Mangemi ke'nanga ri Isa, na nia'mo nacini' ke'nanga anjo tau le'baka nilappassang ri setanga, ammempo ri dallekanNa Isa. Ammakemi care-care, siagang baji'mi jappana pikkiranna. Malla' ngasemmi ke'nanga.

LUKAS 8:38

Napala' dudumi ri Isa anjo tau le'baka nilappassang ri setanga sollanna nikellai amminawang ri Isa. Mingka nisuromi a'lampa ri Isa.

LUKAS 9:13

Mingka appialimi Isa Nakana, “Ikau ngasemmo assarei ke'nanga kanre.” Appialimi ana'-ana' gurunNa Isa angkana, “Limambatuji roti siagang ruang kayuji juku' nia' ri katte. Jari la'lampaki' ammalli kanre untu' tau sikammaya anne jaina?”

YOHANES 21:5

Nakanamo Isa ri ke'nanga, “Ana'-ana', nia' juku'nu?” Appialimi ke'nanga angkana, “Tena.”

YOHANES 21:9

Ri wattunna naung ke'nanga battu ri biseanga, nia'mo nacini' ke'nanga bara pepe'. Irate ri anjo bara pepeka nia' ta'dongko' juku' siagang roti.

LAMPA-LAMPANA 10:38

Nuassemmi angkanaya le'ba'mi Napile Allata'ala anjo Isa tu Nazaretka, naNapassareang RohNa Allata'ala siagang koasaNa mae ri Ia. Nuasseng tommi angkanaya le'ba'mi a'lampa mange-mange Isa anggaukangi kabajikanga; Naballeimi sa'genna a'jari baji' sikamma tau nasosoka setang, lanri niaki Allata'ala anrurungangi.

LAMPA-LAMPANA 15:36

Tasalloai, nakanamo Paulus ri Barnabas, “Umba ki'lampa pole angkunjungi sikamma paranta tu tappa' ri Isa niaka ri kota-kota le'baka nibattui ampa'la'bangi kana-kananNa Batara; sollanna akkulle nicini' antekamma katallassanna ke'nanga.”

LAMPA-LAMPANA 22:3

“Inakke tu Yahudia'. Anjorenga' ri kota Tarsus, ri pa'rasangang Kilikia nilassukang. Mingka anrinnia' ri Yerusalem nipakalompo. Siagang anrinnia' niajara' baji' ri guru lompoa Gamaliel ri passala' atorang-atorang le'baka napassareang Musa ri boe-boeta. Sangkamma ikau ngaseng niaka anne alloa anrinni, sanna' todong rajengku anynyomba mae ri Allata'ala.

1 SAMUEL 19:20

Lanri kammana anjo, akkirimmi Saul siapa are tau untu' a'lampa anjakkalaki Daud. Mingka narapikammi ke'nanga sipa'rappungang na'bi sitabang a'joge'-joge' siagang akkiok-kio', nipimping ri Samuel. Nampa nikoasaimo ri RohNa Allata'ala anjo sikamma tunisuroa ri Saul, sa'genna appakkaramulamo ke'nanga amminawang todong a'joge'-joge' siagang akkiok-kio'.