2 KARAENG-KARAENG 4:36 - KITTA' MATANGKASA'

³⁶ Nasuromi Elisa anjo Gehazi untu' angkioki amma'na anjo anaka. Na antama'namo anjo bainea nakanamo Elisa ri ia, “Anne anatta.”

2 KARAENG-KARAENG 4:36 ပူးပေါင်းရင်းမြစ်များ

1 KARAENG-KARAENG 1:3

Jari nipa'boyammi ri sikontu Israel se're tulolo ga'gaya. Ri Sunem nia'mo nigappa sitau tulolo sannaka ga'gana, niarenga Abisag. Nierammi mae ri karaenga, nampa najagai siagang naparakai karaenga. Mingka tena nasikatinroang karaenga siagang ia.

1 KARAENG-KARAENG 17:23

Nampa naung Elia battu ri anjo kamaraka na naerang anjo anaka mae ri amma'na siagang nakana, “Bu', anne anatta! Attallasa' poleammi ammotere'!”

2 KARAENG-KARAENG 4:35

Ambangummi Elisa nampa a'jappa anrai' kalau' lalang ri anjo kamaraka, nampa ammopang pole naung ri kalenna anjo anaka. Kale'bakkanna burassingammi anjo anaka pintuju, nampa nasungke matanna.

2 KARAENG-KARAENG 4:37

Su'ju'mi anjo bainea ri dallekanna Elisa nampa naerang ana'na assulu'.

2 KARAENG-KARAENG 6:7

Nakanamo Elisa, “Allei!” Naallemi anjo taua anjo pangkuluka.

2 KARAENG-KARAENG 8:1

Ri se'reang wattu appabattui Batara bala kacipurang ri Israel niaka tuju taung sallona. Rioloannaya le'ba'mi napau memang Elisa anjo passalaka mae ri baine battua ri Sunem le'baka napattallasa' poleang ana'na. Nasuro tongi Elisa anjo bainea a'lette' siagang kaluargana mange ri pa'rasangang maraenga.

LUKAS 7:15

Ambangummi ammempo anjo turungka le'bakamo mate, nappakkaramulamo a'bicara. Nampa Napassareang Isa anjo ana' bura'nea mae ri amma'na.

IBRANI 11:35

Lanri tappa'na sikamma tubainea nanagappamo ammotere' sikamma taunna le'bakamo mate. Nia' tommo ampassareangi kalenna nisessa sa'genna mate; taerokami nilappassang, lanri ero'na nipattallasa' poleang nanagappa katallassang la'bi bajikanganga.