2 KARAENG-KARAENG 4:35 - KITTA' MATANGKASA'

³⁵ Ambangummi Elisa nampa a'jappa anrai' kalau' lalang ri anjo kamaraka, nampa ammopang pole naung ri kalenna anjo anaka. Kale'bakkanna burassingammi anjo anaka pintuju, nampa nasungke matanna.

2 KARAENG-KARAENG 4:35 ပူးပေါင်းရင်းမြစ်များ

1 KARAENG-KARAENG 17:21

Le'baki pintallung napaopang kalenna naung ri anjo anaka, siagang appala' doang angkana, “O Batara, Allata'alaku, poro Kipattallasaki anne anaka!”

1 KARAENG-KARAENG 17:22

Napilangngerimi Batara pappala'na Elia; appakkaramulami a'mai' siagang attallasa' poleang anjo anaka.

1 KARAENG-KARAENG 18:43

Nakana ri palayanna, “Naikko ri coppo' nampa accinikko mae ri tamparanga.” Nai'mi anjo atanna, nampa ammotere' siagang nakana, “Tena apa-apa kucini'.” Sa'genna pintuju nasuro Elia anjo atanna nai' naung untu' accini'.

2 KARAENG-KARAENG 13:21

Ri se'reang allo, ri wattunna nia' siapa are tau attarawang tumate, ti'ring nia' nacini' ke'nanga garombolang tu Moab battu. Napela' mami ke'nanga anjo mayaka antama' ri jera'na Elisa nampa lari. Kamma tassento'na anjo mayaka ri kitta'-kitta'na Elisa, attallasa' poleammi ammotere' anjo mayaka nampa ammenteng.

2 KARAENG-KARAENG 4:36

Nasuromi Elisa anjo Gehazi untu' angkioki amma'na anjo anaka. Na antama'namo anjo bainea nakanamo Elisa ri ia, “Anne anatta.”

2 KARAENG-KARAENG 5:10

Nasuromi Elisa sitau palayang untu' akkana kamma anne ri Naaman, “A'lampaki' a'je'ne' pintuju ri Binanga Yordan, nakiammolle taba sikali sallang.”

2 KARAENG-KARAENG 5:14

Lanri kammana anjo a'lampami Naaman mange ri Binanga Yordan nampa antama' ampaselangi kalenna pintuju sangkamma napassuroanga Elisa. Na'jari baji'mo Naaman. A'jari baji'mi ammotere' tanja'na kalenna sangkamma kale turungka.

2 KARAENG-KARAENG 8:1

Ri se'reang wattu appabattui Batara bala kacipurang ri Israel niaka tuju taung sallona. Rioloannaya le'ba'mi napau memang Elisa anjo passalaka mae ri baine battua ri Sunem le'baka napattallasa' poleang ana'na. Nasuro tongi Elisa anjo bainea a'lette' siagang kaluargana mange ri pa'rasangang maraenga.

2 KARAENG-KARAENG 8:5

Na sitabang le'ba' ri wattu battuna anjo baine battua ri Sunem andallekang ri karaenga untu' ampabattui pappala'na, sitabang tongi Gehasi ancaritai antekamma batena Elisa ampattallasa' poleangi se'rea ana' matemo. Jari nakanamo Gehasi, “O karaeng mala'birika, iaminne anjo bainea, siagang iaminne anjo ana'na napattallasa' poleanga Elisa!”

LUKAS 8:55

Ammotere'mi nyawana anjo anaka, nambangung memammo silalonna. Le'baki anjo Nasuromi Isa ke'nanga ansarei kanre anjo anaka.

LAMPA-LAMPANA 9:40

Nasuromi Petrus assulu' ngaseng ke'nanga, nampa akkulantu' appala' doang. Le'baki anjo, a'dalle' mangemi ri maya'na Dorkas, nampa nakana, “Tabita, ambangungko!” Nasungkemi matanna Dorkas; na ri wattunna nacini' Petrus, ambangummi nai' ammempo.