2 KARAENG-KARAENG 4:27 - KITTA' MATANGKASA'

²⁷ Mingka ri wattunna battu mange ri dallekanna Elisa, su'ju'mi nampa naraka' bangkenna Elisa. Eroki Gehazi ampakabellai anjo bainea battu anjoreng, mingka nakanamo Elisa, “Lappassangi! Sanna' susana nyawana kucini'. Mingka tena apa-apa Napauanga' Batara!”

2 KARAENG-KARAENG 4:27 ပူးပေါင်းရင်းမြစ်များ

PA'JARIANG 18:17

Nakanamo Batara lalang ri pa'mai'na, “Tena Kuero' anrahasiakangi mae ri Abraham apa eroka Kugaukang.

2 SAMUEL 7:3

Appialimi Natan angkana, “Gaukammi sikamma apa kikaerokia, nasaba' Natulungki' Batara.”

2 KARAENG-KARAENG 4:25

Jari a'lampami anjo bainea mange ri Moncong Karmel ri tampa'na Elisa. Battu bella nacini' memammi Elisa battu anjo bainea. Nakanamo Elisa ri Gehazi, “Ciniki, anjo baine battua ri Sunem niaki battu!

2 KARAENG-KARAENG 4:26

Lintakko mange anruppai na nupakkuta'nangngang kaadaanna kaluargana.” Nakanamo anjo bainea ri Gehazi, “Baji'-baji' ngasenji.”

2 KARAENG-KARAENG 6:12

Nia'mo kalase'renna anjo perwiraya appiali angkana, “Tena manna sitau appakamma karaeng. Mingka Na'bi Elisa passabakkanna! Iami ampabattui mae ri karaeng Israel apa kipaua, manna pole nalalang ri kamara' katinroanta kipau.”

AYUB 10:1

Lanrea' siagang erokka' ta'langnge kukasia' ri tallasakku, nakupasulu' ngasemmo pa'risi'na nyawaku.

PANGNGEBARANG 14:10

Susaya siagang rannua niaki niboli' lalang ri pa'maika; tau maraenga takkulleai amminawang angkasiaki.

PANGNGEBARANG 18:14

Lanri ero' attallasa', akkullei natahang taua pa'risika; punna tappela'mo kaerokanga, tappela' tommi sikontu panrannuanga.

AMOS 3:7

Tena le'bakai Batara Kaminang Tinggia anggaukang apa-apa punna tena Napa'nyatai rancanaNa mae ri sikamma na'bia, ata-atanNa.

MATIUS 15:23

Mingka tena sikali Nappiali Isa ri anjo bainea. Napala'mi ana'-ana' gurunNa sollanna Nasuro anjo tu bainea a'lampa. Nakanamo ke'nanga, “Bapa' Kisuro laloi anjo bainea a'lampa. Amminawanji apparicu ri bokota!”

MATIUS 20:31

Nikalarroimi siagang nisuromi ke'nanga a'mere' ri sikamma tau niaka anjoreng. Mingka pila' akkio' lompoji pole ke'nanga angkana, “O Tuang, Ana'na Daud, Kikamaseangki' anne kodong!”

MATIUS 28:9

Ti'ring nia'mi Isa ampappicinikangi KalenNa ri anjo bai'-bainea, siagang angkanami, “Salama'!” A'reppese'mi ke'nanga mange ero' anrakaki bangkenNa siagang ansombai Isa.

MARKUS 10:13

Nia' siapa are tau angngerang ana'-ana' mae ri Isa sollanna Nabarakkaki ke'nanga. Mingka nikalarroimi ke'nanga ri ana'-ana' gurunNa Isa.

MARKUS 14:6

Mingka Nakanamo Isa, “Lappassammi nagaukang kammaya! Angngapa nuero' ansusa-susai? Apa baji' siagang apa akkulle nipuji nagaukang mae ri Nakke.

LUKAS 7:38

Mangemi ammenteng ri bokoNa Isa, iamintu ri ampi' bangkenNa Isa. Angngarru'mi anjoreng, nampa nabasai bangkenNa Isa siagang je'ne' matanna. Nampa nalu'lu' nakalotori bangkenNa Isa siagang uu'na, nampa natumpai minynya'-minynya' bau'.

YOHANES 15:15

Tenamo naKukio' atako nasaba' se'rea ata tanaassengai apa nagaukanga karaenna. Kukio' sari'battang mako, nasaba' sikontu apa Kulangngereka battu ri Manggea Kupabattui mae ri kau.

YOHANES 4:27

Anjo wattua ammotere'mi ana'-ana' gurunNa Isa. Lannasa'mi ke'nanga nacini'na Isa a'bicara siagang anjo bainea. Mingka tenanniakka manna sitau ri ke'nanga akkuta'nang ri anjo bainea angkana, “Apa paralluta ibu'?” yareka akkuta'nang ri Isa angkana, “Angngapa naKi'bicara siagang anjo bainea Bapa'?”