2 KARAENG-KARAENG 4:26 - KITTA' MATANGKASA'

²⁶ Lintakko mange anruppai na nupakkuta'nangngang kaadaanna kaluargana.” Nakanamo anjo bainea ri Gehazi, “Baji'-baji' ngasenji.”

2 KARAENG-KARAENG 4:26 ပူးပေါင်းရင်းမြစ်များ

PA'JARIANG 29:6

Akkuta'nammi pole Yakub angkana, “Antekamma kaadaanna?” Appialimi ke'nanga angkana, “Baji'-baji'ji. Ciniki anjo mae ana' bainena niarenga Rahel. Battui angngerangi pa'rappungang bembena siagang gimbala'na manggena.”

PA'JARIANG 37:14

Nakanamo manggena, “Ciniki antekamma kaadaanna sikamma daennu siagang bembeta kammayatompa gimbalatta, nampa ammoterekko mae ri nakke ampauanga'.” Nalappassammi a'lampa Yusuf, ambokoi lappara'na Hebron. Tena nasallo, battumi Yusuf mange ri Sikhem.

PA'JARIANG 43:27

Akkuta'nammi Yusuf ri passala'na kaadaanna ke'nanga. Nampa nakana, “Le'baki nucarita mae ri nakke ri passala'na manggenu toa duduamo. Antekamma kaadaanna? Baji'-baji'ji?”

2 SAMUEL 18:29

Akkuta'nammi karaenga angkana, “Apaka salama'ji Absalom?” Appialimi Ahimaas angkana, “O karaeng, sumpaeng ri wattungku nasuro Yoab, nia' kucini' karicuang lompo, mingka takuassengai angkana apa kajariang.”

2 KARAENG-KARAENG 4:23

Akkuta'nammi bura'nenna angkana, “Angngapa numusti a'lampa kamma-kamma anne? Anne alloa teai allo Pammari-mariang siagang teai allo lompo Bulang Beru.” Appialimi angkana, “Tena nangngapa.”

2 KARAENG-KARAENG 4:25

Jari a'lampami anjo bainea mange ri Moncong Karmel ri tampa'na Elisa. Battu bella nacini' memammi Elisa battu anjo bainea. Nakanamo Elisa ri Gehazi, “Ciniki, anjo baine battua ri Sunem niaki battu!

2 KARAENG-KARAENG 4:27

Mingka ri wattunna battu mange ri dallekanna Elisa, su'ju'mi nampa naraka' bangkenna Elisa. Eroki Gehazi ampakabellai anjo bainea battu anjoreng, mingka nakanamo Elisa, “Lappassangi! Sanna' susana nyawana kucini'. Mingka tena apa-apa Napauanga' Batara!”

2 KARAENG-KARAENG 5:22

Appialimi Gehazi angkana, “Kipammopporanga' Bapa', nisuroa' ampauangki' angkanaya silalonna nia' rua na'bi lolo battu ri daera Monconna Efraim. Napalaki bapakku sollanna assareki' 3.000 doe' pera' siagang ruampasang pakeang ga'ga untu' anjo ruaya na'bi.”

PAMMUJI 39:9

Kilappassang laloa' battu ri sikontu dosaku, TeaKi' balang parekangia' nicau-cau ri tau dongoka.

KAIMANGNGANG 10:3

Jari nakanamo Musa mae ri Harun, “Iaminjo natabaya kananNa Batara ri wattunna angkana, ‘Sikontu allayania mae ri Nakke musti napakala'biriki katangkasangKu. Kupa'nyatai kalompoangKu mae ri sikontu bansaKu.’ ” Mingka tena nakkana-kana Harun.

ZAKHARIA 2:4

Nakana malaeka' makase'rea mae ri malaeka' makaruaya, “A'lampako linta' mange ri anjo tau rungkaya, siagang pauangi angkanaya lateai sipato' rassina kota Yerusalem napakamma tau siagang olo'-olo' niparakai, sa'genna tena olona lakkulle nibangung tembo' pakkallika ri tammulilina.

LAMPA-LAMPANA 15:36

Tasalloai, nakanamo Paulus ri Barnabas, “Umba ki'lampa pole angkunjungi sikamma paranta tu tappa' ri Isa niaka ri kota-kota le'baka nibattui ampa'la'bangi kana-kananNa Batara; sollanna akkulle nicini' antekamma katallassanna ke'nanga.”

1 SAMUEL 17:18

Angngerang tongko sampulo batunna keju untu' komandang pasukanga. Pakkuta'nangngangi antekamma kabara'na sikamma daennu. Siagang angngerangko butti untu' inakke ma'nassana angkanaya sibuntulu' jako ke'nanga na salama'ja ke'nanga.

1 SAMUEL 3:18

Nampa napau ngasemmo Samuel mae ri Eli. Tena manna se're nacokkoi. Nampa nakanamo Eli, “Iami Batara, boli'mi kamma Nagaukang apa Nakanaya baji'.”