2 KARAENG-KARAENG 4:24 - KITTA' MATANGKASA'

²⁴ Le'baki napataba pa'lapa'na keledaia, nakanamo ri palayanna, “Palari anne keledaia nukkaro-karo; teako pammari akkaro-karo punna tena kusuroko.”

2 KARAENG-KARAENG 4:24 ပူးပေါင်းရင်းမြစ်များ

PA'JARIANG 22:3

Ammukona bari'basa', ammisa'-misa'mi kayu Abraham untu' lanapake angngerang koro'bang nampa nasikko' anjo kayua irate ri dongko'na keledaina. A'lampami siagang Ishak kammayatompa rua surona mange ri tampa' Napaua Allata'ala ri ia.

1 KARAENG-KARAENG 13:13

Nampa nasuro ke'nanga ampatabai pa'lapa' keledaina. Le'baki anjo nai'mi ri keledaina nampa a'lampa

1 KARAENG-KARAENG 13:23

Le'baki ke'nanga angnganre, napatabammi anjo na'bi toaya pa'lapa' keledaina anjo na'bi battua ri Yehuda,

2 KARAENG-KARAENG 4:23

Akkuta'nammi bura'nenna angkana, “Angngapa numusti a'lampa kamma-kamma anne? Anne alloa teai allo Pammari-mariang siagang teai allo lompo Bulang Beru.” Appialimi angkana, “Tena nangngapa.”

2 KARAENG-KARAENG 4:25

Jari a'lampami anjo bainea mange ri Moncong Karmel ri tampa'na Elisa. Battu bella nacini' memammi Elisa battu anjo bainea. Nakanamo Elisa ri Gehazi, “Ciniki, anjo baine battua ri Sunem niaki battu!

KALAPPASSANG 4:20

Jari nakio' tommi Musa bainenna siagang sikamma ana'-ana'na, nampa napanai' ri keledaia nampa a'lampa ke'nanga mange ri Mesir. Lanri parentaNa Batara, naerang tongi Musa anjo takkanna.