2 KARAENG-KARAENG 4:17 - KITTA' MATANGKASA'

¹⁷ Mingka kammatojengi anjo apa napakkanaya Elisa. Taung ri boko, kira-kira ri wattu sangkammaya anjo, ammana'mi anjo bainea sitau ana' bura'ne.

2 KARAENG-KARAENG 4:17 ပူးပေါင်းရင်းမြစ်များ

PA'JARIANG 21:1

Nibarakkakimi Sara ri Batara, situru' apa le'baka Napa'janjiang.

2 KARAENG-KARAENG 4:16

Nampa nakanamo Elisa ri ia, “Taung ri dallekang, ri wattu kamma-kammaya anne, lakkalawing maki' sitau ana' lolo bura'ne.” Nakanamo anjo bainea, “Teaki' a'balle-ballei bapa'. Sai atanNaki' Allata'ala bapa'!”

2 KARAENG-KARAENG 4:18

Ri wattunna lompomo anjo anaka, ri se'reang allo, ri wattu pakkattoang, a'lampai anjo anaka mae ri manggena niaka ri kokoa siagang pakattoa.

PAMMUJI 113:9

Nasarei ana' sikamma baine tamananga, napa'jari amma' mate'ne siagang nipakalompo ri balla'na. Pujimi Batara!

LUKAS 1:36

U'rangi: anjo bijannu Elisabet tianang annang bulammi, manna natoamo, siagang nakana taua tamanangi.

IBRANI 11:11

Lanri tappa'na Abraham, nakkullemo angappa ana' battu ri Sara, manna pole natoa dudumo Abraham, siagang natamanang pole Sara. Tappaki Abraham angkanaya ma'nassa laNarupai janjinNa Allata'ala.