2 KARAENG-KARAENG 4:16 - KITTA' MATANGKASA'

¹⁶ Nampa nakanamo Elisa ri ia, “Taung ri dallekang, ri wattu kamma-kammaya anne, lakkalawing maki' sitau ana' lolo bura'ne.” Nakanamo anjo bainea, “Teaki' a'balle-ballei bapa'. Sai atanNaki' Allata'ala bapa'!”

2 KARAENG-KARAENG 4:16 ပူးပေါင်းရင်းမြစ်များ

PA'JARIANG 17:21

Mingka parjanjiangKu siagang Ishak laKusikko' majarreki. Ia ana'nu lanilassukanga ri Sara, ri taung ri dallekang kira-kira ri wattu kammaya anne.”

PA'JARIANG 18:10

Nakanamo kalase'renna ke'nanga, “Salapang bulang sallang sallona nakulammotere' pole mae anrinni. Na anjo wattua, anjo bainennu Sara langgappami sitau ana' bura'ne.” Anjo wattua niaki Sara ampilangngeri bicaranna ke'nanga ri pakke'bu' kemaya, ri bokona anjo toanaya.

1 KARAENG-KARAENG 17:18

Nakanamo anjo jandaya ri Elia, “AtanNa Allata'ala, angngapa nakigaukang anne kammaya mae ri nakke? Apaka battuki' mae untu' a'jari saba' naNau'rangi Allata'ala dosaku, sa'genna musti mate anakku?”

1 KARAENG-KARAENG 17:24

Appialimi anjo jandaya nakana, “Kamma-kamma anne kuassemmi angkanaya ikatte atanNaki' Allata'ala, siagang kana-kananta kammatojengi angkana kana-kana battu ri Batara!”

1 KARAENG-KARAENG 18:9

Appialimi Obaja angkana, “Apa kasalangku nakiero' ampassareanga' mae ri Ahab sollanna nabunoa'?

2 KARAENG-KARAENG 2:19

Nia' siapa are tau ri Yerikho battu mange ri Elisa na nakana, “Bapa', sangkamma kicini' kalenta, anne kotaya bajiki, mingka je'ne'na tabajikai siagang nalari cera' baine tiananga punna nainungi.”

2 KARAENG-KARAENG 4:15

Nakanamo Elisa, “Kioki anjo bainea.” Battumi anjo bainea siagang ammenteng ri pakke'buka.

2 KARAENG-KARAENG 4:17

Mingka kammatojengi anjo apa napakkanaya Elisa. Taung ri boko, kira-kira ri wattu sangkammaya anjo, ammana'mi anjo bainea sitau ana' bura'ne.

2 KARAENG-KARAENG 4:28

Nakanamo anjo bainea, “Pa', tena kuppala' ana' ri katte. Le'ba' tommi kupau ri katte sollanna tena kisarea' panrannuang tena bonena.”

PAMMUJI 116:11

Lalang kalinguangku nakukana, “Tena manna sitau akkulle nipatappa'.”

LUKAS 1:13

Mingka nakanamo anjo malaekaka, “Teako mallakki Zakharia! Nalangngere'mi Allata'ala pappala' doannu. Lammanaki tu ri balla'nu Elisabet, sitau bura'ne. Anjo anaka sallang musti nuarengi Yohanes.