2 KARAENG-KARAENG 4:14 - KITTA' MATANGKASA'

¹⁴ Jari akkuta'nammi Elisa ri Gehazi angkana, “Punna kamma padeng apa mami akkulle kugaukang untu' ia?” Appialimi Gehazi angkana, “Tena ana'na bapa'; nampa toami bura'nenna.”

2 KARAENG-KARAENG 4:14 ပူးပေါင်းရင်းမြစ်များ

PA'JARIANG 17:17

Nampa su'ju'mo Abraham. Mingka ammakkala'mi napikkiri'na angkanaya, “Antekamma batena se'rea bura'ne narapikamo sibilangngang taung umuru'na lakkulle anggappa ana'? Antekamma batena lakkulle Sara allassukang ana' ri umuru' salapang puloa taung?”

PA'JARIANG 25:21

Lanri tena nanggappa ana' Ribka, appala' doammi Ishak ri Batara untu' bainenna. Na nisaremo pappala'na Ishak ri Batara, sa'genna attianammo Ribka.

PA'JARIANG 30:1

Mingka Rahel tena memampa nanggappa ana'. Lanri kammana angngiri matami ri daenna. Nampa nakanamo ri Yakub, “Sarema' ana'. Punna tena lamatea' kusa'ring.”

2 KARAENG-KARAENG 4:13

nakanamo Elisa ri Gehazi, “Kuta'nang sai angkana antekamma bateku akkulle ambalasaki sikamma kaposoanna untu' ikatte. Gassingka nakellaia' a'lampa mange ri karaenga yareka mange ri panglimaya untu' a'bicara lanri kaparalluanna.” Appialimi anjo bainea angkana, “Niaka' ammantang ri tangnga-tangngana bija pammanakangku siagang tenamo apa-apa kakurangangku.”

2 KARAENG-KARAENG 4:15

Nakanamo Elisa, “Kioki anjo bainea.” Battumi anjo bainea siagang ammenteng ri pakke'buka.

LUKAS 1:7

Tena ana'na ke'nanga, nasaba' takkulleai ammana' Elisabet. Nampa toa rua-ruamo ke'nanga.

HAKING-HAKING 13:2

Anjo wattua nia' sitau bura'ne ri kota Zora. Arenna nikana Manoah, battu ri suku Dan. Tamanangi bainenna.

1 SAMUEL 1:2

Elkana nia' rua bainenna, iamintu Hana siagang Penina. Penina nia' ana'na, mingka Hana tena.

1 SAMUEL 1:8

Na biasa tommo Elkana, iamintu bura'nenna, akkuta'nang angkana, “Angngapa nungngarru' Hana? Angngapa nutaeroka angnganre siagang natuli si'na mamo pa'mai'nu? Tenaka nalompoangang anggarangku nasampuloa ana' bura'ne?”