2 KARAENG-KARAENG 4:10 - KITTA' MATANGKASA'

¹⁰ Bajiki punna apparekki' se're kamara' ca'di irate ri bageang ratena anne ballatta, siagang nisarei katinroang, mejang, kadera, siagang lampu sollanna akkulle a'bangngi anjoreng punna niaki battu angkunjungiki'.”

2 KARAENG-KARAENG 4:10 ပူးပေါင်းရင်းမြစ်များ

1 KARAENG-KARAENG 17:19

Appialimi Elia angkana, “Erangi anjo anaka mae.” Nampa naallemo Elia anjo ana' bura'nea battu ri amma'na, nampa naerang nai' ri kamara' ratea, iamintu kamara' napannumpangia Elia. Napatinromi Elia anjo anaka rate ri katinroanga,

2 KARAENG-KARAENG 4:11

Ri se'reang allo battumi pole Elisa ri Sunem. Ri wattunna nai'mo ri kamara'na untu' ammari-mari,

YESAYA 32:8

Mingka tau la'birika akkala' baji'na, la'biriki apa-apa narancanakanga siagang la'biri' tongi tindakanna.

MATIUS 25:40

Lappiali Karaenga Nakana, ‘Asseng laloi anne: ri wattu nugaukanna sikammaya anjo mae ri kalase'renna sari'battangKu kaminang tunaya, ilalang kammana minjo nanugaukammo ri Nakke!’

MARKUS 9:41

U'rangi! Inai-nai assareko je'ne' inung lanri ana' gurunnako Karaeng Mappasalamaka, mattantu lanagappai pahalana.”

LUKAS 8:3

Yohana, bainenna Khuza, pagawe balla' lompona Herodes; Susana, siagang jai pole bai'-baine maraeng. Ongkoso' kalenna napake ke'nanga ambantui Isa siagang ana'-ana' gurunNa.

ROMA 12:13

Tulungi parannu tu Karisteng ampa'gannaki kaparalluanna, siagang pakate'nei atinnu antarimai julu tappa'nu tenaya nuassengi ke'nanga antama' ri balla'nu.

IBRANI 10:24

Siagang paralluki' massing sijampangi; sollanta akkulle sipakainga' tojeng-tojeng anggaukangi apa-apa bajika, kammayatompa mangngamaseanga ri paranta tau.

IBRANI 13:2

Teako battala' pa'maiki antarimai ri balla'nu tau tenayapa nuassengi. Nasaba' lanri nugaukanna anjo kammaya, nale'ba' nia' tau antarimai malaekaka ri balla'na, na tanaassenga angkanaya malaeka' anjo natarimaya.