2 KARAENG-KARAENG 3:4 - KITTA' MATANGKASA'

⁴ Karaeng Mesa battu ri Moab ammarakai gimbala'. Tunggala' taungi assare 100.000 ana' gimbala' siagang 100.000 kukkulu' gimbala' laki.

2 KARAENG-KARAENG 3:4 ပူးပေါင်းရင်းမြစ်များ

PA'JARIANG 13:2

A'jari kalumanynyang sikalimi Abram; jaimi gimbala'na, bembena, sapina, kammayatompa jaimi pera'na siagang bulaenna.

2 SAMUEL 8:2

Nabeta tommi Daud tu Moab. Nasuroi ke'nanga attinro ri buttaya, nampa nabuno ta'rua lalang tattallua tau. Jari, tundu'mi tu Moab mae ri Daud siagang a'bayara'mi passare ke'nanga mae ri ia.

2 SAMUEL 8:6

Nampa ambangung Daud pakkemaang-pakkemaang tantara lalang ri daerana ke'nanga, siagang tundu'mi ke'nanga kammayatompa a'bayara' passare mae ri ia. Nisarei Daud ri Batara pammetang manna pole kemae napa'bunduki.

1 PATTOTTORANG 18:2

Nabeta tommi Daud tu Moab, sa'genna tundu'mo ke'nanga siagang a'bayara'mi passare mae ri ia.

2 PATTOTTORANG 26:10

Kammayatompa ambangungi menara-menara niaka pattahanganna ri daera paranga, siagang angngekei jai bungung, baji' ri tampa' tinggia kammayatompa ri tampa' rawaya ri bageang ilau'. Lanri naparhatikanna jama-jamang pamarria, jaimi tau napajama untu' appare' koko-koko anggoro' ri daera monconga, siagang najama buttaya ri daera-daera copponga.

AYUB 1:3

Pantaranganna anjo jai suro-surona, nia' 7.000 gimbala'na, 3.000 untana, 1.000 sapinna, siagang 500 keledaina. Bodona kana, iami kaminang kalumanynyang ri sikontu pandudu' niaka bageang iraya.

AYUB 42:12

Nibarakkakimi Ayub ri Allata'ala la'bi-la'biangngang pole lalang sesa tallasa'na, na ri tenanapa nale'ba' nituju ri bala. Nia' napatang Ayub barang-barang: 14.000 kayu gimbala', 6.000 kayu unta, 2.000 kayu sapi, siagang 1.000 kayu keledai.

PAMMUJI 60:8

Battu ri pammantangang matangkasa'Na Nakana Allata'ala, “EroKa' akkio' rannu siagang ambage-bagei butta Sikhem; la'goccangA' nomoro' untu' ka'bung Sukot.