2 KARAENG-KARAENG 3:25 - KITTA' MATANGKASA'

²⁵ siagang narumbang kota-kotana ke'nanga. Sikamma koko-koko coppong naoloa ke'nanga nasambilai batu. Kale'bakkanna sikontu kokoa katongkokang kabusu'mi ri batu. Natongko' tommi tu Israel sikontu timbuseng je'neka siagang nata'bammi sikontu poko' kayu rappo-rappoanga. Niaka ammantang tassesa iamintu kota Kir-Hareset mami, ibukotana Moab. Kala'busanna manna anjo kotaya nikurummi siagang nisambilai batu ri sikamma pasambilaya.

2 KARAENG-KARAENG 3:25 ပူးပေါင်းရင်းမြစ်များ

PA'JARIANG 26:15

Nampa natambungimi butta ke'nanga sikamma bungung le'baka nakeke surona Abraham ri wattu attallasa'na ija.

PA'JARIANG 26:18

Nakekemi ammotere' sikamma bungung-bungung le'baka nikeke ri jammanna Abraham, ia le'baka nitambungi ri tu Filistin ri wattu matenamo Abraham. Sikamma anjo bungunga nisarei areng situru' areng le'baka napassareang manggena.

2 SAMUEL 8:2

Nabeta tommi Daud tu Moab. Nasuroi ke'nanga attinro ri buttaya, nampa nabuno ta'rua lalang tattallua tau. Jari, tundu'mi tu Moab mae ri Daud siagang a'bayara'mi passare ke'nanga mae ri ia.

2 KARAENG-KARAENG 3:19

Sikontu kotana ke'nanga ammakea pattahangngang siagang ga'ga-ga'gaya lanurumbang kabusuki; sikontu poko' kayu rappo-rappoanna ke'nanga lanuta'bangi, sikontu timbuseng je'ne'na lanutongkoki, kammayatompa koko-koko copponga buttana lanusambilai batu sa'genna panra' tabasikali.”

2 KARAENG-KARAENG 3:24

Mingka ri wattunna battu anjo tu Moab mange ri pakkemaanga, nitunrummi siagang nipamono' bokomi ri tu Israel majua angngondangi ke'nanga nampa nabuno

2 KARAENG-KARAENG 3:26

Naassennamo karaeng Moab angkanaya takkulleami attahang, naerammi tantarana kaminang cara'deka akkarena pa'dang 700 tau jaina nampa ero' napantamakki pattahanganna karaeng Edom, mingka tanakulleai.

YESAYA 15:1

Iaminne pappasanNa Batara ri sesena Moab. Kota Ar siagang Kir laniancuruki lalang sipattang, siagang pa'rasangang Moab la'jari sino sikali.

YESAYA 16:11

Ammarrangi kusa'ring siagang ancuruki pa'maikku anciniki sarenna Moab siagang Kir-Heres.

YESAYA 16:7

Lanri kammana anjo, lappassammi anjo bansa Moab sikarruki. Lappassammi ke'nanga angngarru' punna nau'rangi kanre nyamang biasaya nakasia' ke'nanga ri wattunna nia' ri kota Kir-Hareset. Lappassammi ke'nanga tappu' minasa siagang akkunrareng.

YEREMIA 48:31

Lanri kammana anjo langngarru' lompoA' untu' ikau ngaseng siagang untu' sikamma tau niaka ri Kir-Heres, ibukotana pa'rasangannu.

YEREMIA 48:36

Sikontu kakalumanynyangnganna Kir-Heres siagang kabusu'na Moab lanynya'mi. Si'nai pa'maikKu anciniki katallassanna anjo ke'nanga; rapangA' tau appasa'ra suling kasusaang.

PAOLE 2:9

Nakana Batara mae ri nakke, ‘Anjo tu Moab, jari-jarina Lot, takkulleai nuganggu. Teako bunduki ke'nanga. Pa'rasangang Ar le'ba'mi Kupassareang mae ri ke'nanga. Na manna sike'de' battu ri buttana ke'nanga tena nalaKupassareang mae ri kau.’ ” (

HAKING-HAKING 9:45

A'bundu'mi Abimelekh sikabusu'na alloa, na naalle anjo kotaya, nabunomi tau niaka ilalang, nampa naancuru' anjo kotaya, na kiori ce'la.