2 KARAENG-KARAENG 3:23 - KITTA' MATANGKASA'

²³ Ammarrammi ke'nanga angkana, “Cera'! Ma'nassa siba'jimi para ia anjo tallua pasukang musu nasibuno-buno! Umba kimange anrampo' ri pakkemaanna ke'nanga!”

2 KARAENG-KARAENG 3:23 ပူးပေါင်းရင်းမြစ်များ

2 KARAENG-KARAENG 3:22

Ammukona, ri wattunna ambangung bari'basa' ke'nanga, nasioro'mi allo tompo'na je'neka sa'genna eja tanja'na sangkamma cera'.

2 KARAENG-KARAENG 3:24

Mingka ri wattunna battu anjo tu Moab mange ri pakkemaanga, nitunrummi siagang nipamono' bokomi ri tu Israel majua angngondangi ke'nanga nampa nabuno

2 KARAENG-KARAENG 7:6

Nasaba', nia'mo Napappilangngerang Batara mae ri ke'nanga sangkamma sa'ra gamarrung pasukang lompo a'jarang siagang angngerang kareta maju ero' ambunduki ke'nanga. Nakapangi tu Siria angkanaya le'baki karaeng Israel ambayaraki karaeng Het siagang Mesir kammayatompa tantarana untu' ambunduki ke'nanga.

2 PATTOTTORANG 20:25

Jari a'lampami Yosafat siagang ana' buana anrampasaki barang-baranna musua. Jai sikali nagappa ke'nanga olo'-olo' niparakai, pakkakasa', pakeang, siagang barang-barang lompoa anggaranna maraenga. Le'baki napasse're lalang tallungallo anjo barang-baranga, jai iji ammantang barang-barang maraeng, sa'genna nibokoi mami.

KALAPPASSANG 15:9

Nakana musua, ‘Lakuondangi ke'nanga nampa kujakkala', kubi'buki pa'dangku, nampa kutumpasa' ke'nanga. Nampa kurampasa' sikamma barang-baranna ke'nanga, kubage-bage siagang kukasia' baji'na sa'genna sukku' kusa'ring.’

YESAYA 10:14

Bansa-bansaya ri lino rapangi ru'mung jangang-jangang; gampang sikali kualleang barang-baranna ke'nanga, rapang tau angngallea bayao nibolika ri ru'munga. Tena ka'nyi' anrapa-rapa, tena assungkei pitto'na untu' acciu'-ciu'.”

HAKING-HAKING 5:30

“Sitabangi ke'nanga a'bage-bage barang rampasang se're tantara anggappa se're yareka rua tulolo bageanna Sisera iamintu parekang baju kaminang ka'jalaka anggaranna, untu' karaeng bainea bongong a'rupa-rupaya sulanna.”