2 KARAENG-KARAENG 3:11 - KITTA' MATANGKASA'

¹¹ Akkuta'nammi Karaeng Yosafat angkana, “Apaka tena anrinni na'bi akkulle akkuta'nang ri Batara untu' ikatte ngaseng?” Nia'mo kalase'renna perwira appiali angkana, “Nia', iamintu Elisa ana'na Safat! Ia riolo pambantuna Na'bi Elia.”

2 KARAENG-KARAENG 3:11 ပူးပေါင်းရင်းမြစ်များ

PA'JARIANG 18:4

Boli'mi kamma nakungngalle je'ne' untu' anbissai bangkenta ngaseng. Mae maki' ammari-mari poso irawanganna anne poko' kayua.

1 KARAENG-KARAENG 19:21

Ammotere'mi Elisa mange ri kokonna, nampa nasamballe sapi-sapina. Naia pa'jekona napareki a'jari kayu tunuang untu' ampallui dagenna anjo sapi-sapia. Nampa napa'bage-bageang anjo dagenga mae ri ana' buana, na nakanremo ke'nanga. Le'baki anjo a'lampami Elisa ampinawangi Elia, siagang a'jarimi pambantuna.

1 KARAENG-KARAENG 22:7

Mingka akkuta'nammi pole Yosafat angkana, “Maka tenamo anrinni na'bi maraeng akkullea akkuta'nang ri Batara untu' ikatte?”

2 KARAENG-KARAENG 2:25

Napannarrusuki lampana Elisa mange ri Moncong Karmel, nampa ammotere' mange ri Samaria.

2 KARAENG-KARAENG 3:10

Ammarrammi Karaeng Yoram angkana, “Ballasa' maki'. Le'ba'mi kutadeng Narancanakang Batara untu' ampassareangki' sipattallu mae ri karaeng Moab!”

2 KARAENG-KARAENG 3:12

Nakanamo Karaeng Yosafat, “Kammatojengi! Memang a'bicarai Batara tete ri ia.” Jari a'lampami anjo tallua karaeng mange ri Elisa.

2 KARAENG-KARAENG 3:3

Mingka, sangkamma Yerobeam ana'na Nebat ammarentaya rioloannaya, naerang tongi tu Israel mae ri dosaya siagang tena nammari anggaukangi anjo passalaka.

1 PATTOTTORANG 10:13

Matei Saul lanri amminrai mae ri Batara, siagang tena naturuki sikamma parentaNa. Tena nappala' pitunju' ri Batara, mingka appala' maei ri roh-rohna tu matea. Iaminjo saba'na nanihukkung ri Batara, siagang nipassareang kakaraenganna mae ri Daud ana'na Isai.

1 PATTOTTORANG 14:10

Nalangngere'na Daud anjo kabaraka akkuta'nammi ri Allata'ala angkana, “O Batara, mustika a'lampa' mange ambunduki anjo tu Filistin? Maka laKisarea' pammetang?” Appialimi Batara angkana, “Iyo, bundukimi! LaKusareko pammetang!”

1 PATTOTTORANG 14:14

Sikalipi pole appala' pitunju' Daud mae ri Allata'ala. Nappialimo Allata'ala angkana, “Teako bunduki ke'nanga battu anrinni, mingka a'jappamako numminro nampa nubunduki ke'nanga battu ba'leang, ri ampi'na tampa' niaka poko'-poko' murbei.

1 PATTOTTORANG 15:13

Ri wattu bungasa' nipalette'na anjo Pattia, tena ngasengko anjoreng untu' angngangkaki. Lanri kammana minjo naNahukkungki' Batara, Allata'alata, nasaba' anynyombaki' ri Ia tena nasituru' ero'Na.”

2 PATTOTTORANG 18:6

Mingka akkuta'nammi pole Yosafat angkana, “Apaka tenamo anrinni na'bi maraeng akkullea akkuta'nang mae ri Allata'ala untu' ikatte?”

PAMMUJI 74:9

Tenamo nicini' na'bi-na'bi siagang tanra-tanra appakalannasa', manna sitau tania' angngassengi sa'genna siapa sallona tulusu' lakamma anne.

YEREMIA 37:17

Nampa Karaeng Zedekia nasuroi taua angngeranga' mange andallekang ri ia ri balla' karaenga. Anjoreng akkuta'nang cokko-cokkomi ri nakke angkana apaka nia' pasang battu ri Batara. Appialima' angkana, “Nia'.” Nampa kupauang pole angkana, “Lanipassareangki' mae ri karaeng Babel.”

AMOS 3:7

Tena le'bakai Batara Kaminang Tinggia anggaukang apa-apa punna tena Napa'nyatai rancanaNa mae ri sikamma na'bia, ata-atanNa.

FILIPI 2:22

Kalennu ngasemmo anciniki buttina angkanaya a'matu-matui Timotius. Anjama terasa' tommi siagang inakke untu' ampa'la'bangi Kabara' Baji' battua ri Allata'ala. Ikambe sipa'rua sangkamma maki' ana' na mangge.

1 TIMOTIUS 5:10

niassemmi angkanaya nangai a'gau' bajika, kammaya: le'ba'mi napakalompo baji' ana'-ana'na, nangai annarimaya toana a'bangngi ri balla'na, nalayani tau tappaka, siagang natulungi tau susaya; bodona kana, le'ba'mi nagaukang tojeng-tojeng a'rupa-rupaya jama-jamang baji'.

YOSUA 1:1

Ri matenamo Musa, iamintu atanNa Batara, a'bicarami Batara mae ri wakkele'na Musa, iamintu Yosua ana'na Nun.

YOSUA 9:14

Naallemi tu Israel sike'de' anjo kanrena tu Gibeon, siagang takkuta'nangngai ri Batara ri sesena anjo passalaka.

HAKING-HAKING 20:18

A'lampai anjo tantarana umma' Israel mange ri tampa' ibadaya ri Betel, nakkuta'nang ri Allata'ala angkana, “O, Batara, suku kereanga battu ri kambe musti uru-uru maju ambunduki tu Benyamin?” Appialimi Batara angkana, “Suku Yehuda.”