2 KARAENG-KARAENG 25:9 - KITTA' MATANGKASA'

⁹ Natunui Nebuzaradan Balla'Na Batara, balla' karaenga siagang balla'na sikontu pamimpinga ri Yerusalem.

2 KARAENG-KARAENG 25:9 ပူးပေါင်းရင်းမြစ်များ

1 KARAENG-KARAENG 9:7

laKubongkai ummakKu Israel battu ri pa'rasangang le'baka Kupassareang mae ri ke'nanga. LaKubokoi tongi anne balla' le'baka Kupattantu untu' a'jari tampa' passambayangannu mae ri Nakke. Kemae-kemae bansa Israel lanihina siagang lanikakkali.

1 KARAENG-KARAENG 9:8

Anne balla' passambayanganga la'jari se're pa'gompoang batu-batu ta'bongkara', sa'genna sikamma tau ammaloa anjoreng lata'bangka ngasengi siagang a'jari sannaki malla'na anciniki. Lanakana ke'nanga, ‘Angngapa Napakammai anne Batara anne pa'rasanganga siagang anne ballaka?’

2 PATTOTTORANG 36:19

Naruntungi tembo' kotana Yerusalem, kammayatompa Balla'Na Batara siagang sikontu balla' karaenga natunui siagang barang-barang lompoa anggaranna niaka ija lalang ri anjo sikamma balla' karaenga.

EZRA 5:12

Mingka lanri anggappana pangngalarroi boe-boena ikambe battu ri Allata'ala makoasaya ri suruga, jari napassareammi ke'nanga mae ri kakoasanna Nebukadnezar, karaeng Babel battu ri turungang tu Kasdim. Naancuru'mi anjo Balla' Sambayanga nampa naerang bansana ikambe mange ri Babel.

PAMMUJI 79:1

Pammujina Asaf. O, Allata'ala, bansa tenaya naassengKi' naempoimi butta pisakaTa. Nara'massimi BallatTa, napa'jarimi Yerusalem rumbangngang balla'.

YESAYA 64:9

Jari tea' maKi' larro dudui, o Batara, tea' maKi' u'rangi pole dosana ikambe; Kicini'mi anne ikambe ummatTa.

YEREMIA 17:27

Yangasenna anjo lakajariangi punna mannurukiko mae ri Nakke siagang nusa'la' allo Pammari-marianga untu' iNakke. Teako angngangkaki barang-barang apa mamo allalo ri sikamma pakke'bu' lompona Yerusalem ri anjo alloa. Punna nudakkai anjo parenta-parentaKu, laKutunui pepe' sikamma pakke'bu'na Yerusalem siagang sikamma balla' karaenna sa'genna la'busu'; na anjo pepeka takkulleai nibuno.’ ”

YEREMIA 26:9

Barani tojengko a'bicara lalang arenNa Batara, angkanaya anne Balla'Na la'jari sangkammai Silo, siagang angkanaya anne kotaya laniancuruki siagang la'jari tampa' tenamo nanipammantangngi.” Nampa nikatulumma' ri tau jaia.

YEREMIA 34:2

Nasuroa' a'lampa mange ri Zedekia karaeng Yehuda, nampa akkana kamma anne, “INakke, Karaeng Allata'alana Israel, laKupassareangi anne kotaya mae ri karaeng Babel siagang lanatunui.

YEREMIA 34:22

LaKusuroi ke'nanga sollanna ammotere' mae ri anne kotaya, nampa nabunduki, nabeta, siagang natunui. Kota-kota Yehuda laKupa'jari sangkamma parang lompo tenaya nipammantangngi ri tau. INakke, Batara, anne akkana.”

YEREMIA 37:10

Ebara' angkana nubetai sikontu tantarana Babel sa'genna ia ammantanga iamami sannaka loko'na lalang ri kema-kemana ke'nanga, mingka lambangungi ke'nanga nampa natunu anne kotaya sa'genna la'busu'.’ ”

YEREMIA 37:8

Nampa lammotere' tu Babel na nabuccu' anne kotaya, nampa nabeta siagang natunu.

YEREMIA 39:8

Lalang kammana anjo tu Babel natunumi balla' karaenga sikamma balla'na ngaseng ra'yaka, kammayatompa naruntungi tembo'-tembo' kalli'na Yerusalem.

YEREMIA 41:5

nia'mo tau sagantujupulo battu ri Sikhem, Silo, siagang Samaria. Le'baki nacukkuru' janggo'na ke'nanga, nakae-kae pakeanna, siagang nakere'-kere' kalenna ke'nanga. Angngerangi ke'nanga gandung siagang kamanynyang untu' napassareang ri Balla'Na Batara.

YEREMIA 52:13

Nebuzaradan natunui Balla'Na Batara, balla' karaenga, siagang balla'na sikontu pamimpinga ri Yerusalem.

YEREMIA 7:14

Jari, anne BallakKu nupattoanga, siagang anne tampa' Kupassareanga mae ri boe-boenu siagang mae ri kau, laKupakamma tongi kota Silo riolo.

PIRAUNG 1:10

Sikontu barang-baranna niallemi ri musu-musunna. Ba'lalo musti nacini'mi ke'nanga antama ri Balla'Na Allata'ala, panggaukang tenaya Nikellai ri Batara punna teai umma'Na.

PIRAUNG 2:7

Nasorongbokoi tampa' pakkoro'bangngang matangkasa'Na, na Nabokoi Balla' KalenNa; Nalappassangi musua anruntungi tembo'-tembo'na. Ri tampatta riolo anynyomba siagang assua'-suara', napakemi musua ma'rannu-rannu lanri ammetana.

YEHEZKIEL 10:2

Nampa Nakana Allata'ala ri anjo tau ammakeang lenanga, “Antamakko ri alla'na roda-roda niaka irawanganna anjo malaeka'-malaeka' akka'nyika siagang angngalleko sikangkang bara pepe'. Nampa pakioroki anjo bara pepeka mae ri kotaya.” Mannurukimi, siagang kuparhatikangi anjo tau ammakeang lenanga.

YEHEZKIEL 16:41

Lanatunui ke'nanga sikamma balla'nu nampa nasuro sikamma tubai'-bainea anciniki anjo hukkunganga. Kammami anjo bateKu lampamariko ri gau' bawannu. Tenamo nula'bage-bage hadia mae ri sikamma tanrinnu.

KAIMANGNGANG 26:31

naKuancuru' kota-kotanu, tampa'-tampa' panynyombannu, siagang tena naKutarimai sikamma koro'bannu.

KAIMANGNGANG 26:33

Lappa'niakKa' pa'bundukang ri pa'rasangannu siagang laKupasimbung-simbungko mae ri pa'rasanganna bansa maraenga. Lammantangi ta'ronang sikamma kokonnu siagang laKulappassangi a'jari loro kota-kotanu.

AMOS 2:5

Lanri kammana anjo, lakkiringA' pepe' mange ri Yehuda siagang Kutunu sa'genna cappu' sikamma pattahanganna Yerusalem.”

AMOS 6:11

Punna assarei parenta Batara, sikamma balla' lompoa siagang ca'dia laniancuru' kabusuki.

MIKHA 3:12

Lanri anjo kaja'dallannu, lanipa'jekoi Sion rapang koko, la'jari tambungang loroi Yerusalem, siagang la'jari romangi bonto Balla'Na Batara.