2 KARAENG-KARAENG 25:7 - KITTA' MATANGKASA'

⁷ Sikamma ana'na nibunoi ri dallekanna. Le'baki anjo nioke'mi matanna, nampa nisikko' siagang nierang mange ri Babel.

2 KARAENG-KARAENG 25:7 ပူးပေါင်းရင်းမြစ်များ

PA'JARIANG 21:16

nampa mange ammempo kira-kira nia' sibilangngang metere' bellana battu ri anjo tampaka. Nakanamo lalang ri pa'mai'na, “Tena nakuparrang anciniki anakku mate.” Nampa angngarru'mo Hagar.

PA'JARIANG 44:34

Antekamma lakkulle anne atanta ammotere' mae ri manggena ikambe punna tena nammotere' anjo anaka? Tanakulleai natahang atanta anciniki sallang musiba antabayai anjo manggena ikambe.”

2 PATTOTTORANG 33:11

Lanri kammana anjo Napabattumi Batara sikamma panglima tantarana Asyur untu' ambunduki tu Yehuda. Nijakkala'mi Manasye siagang pakkai', nampa nisikko' siagang nierang mange ri Babel.

2 PATTOTTORANG 36:6

Ri wattunna battu Nebukadnezar karaeng Babel angngempoi Yehuda, najakkalaki Yoyakim, nampa nasikko' siagang naerangi mange ri Babel.

PAMMUJI 149:8

untu' ansikkoki sikamma karaenga, siagang anrantei sikamma pamarentana ke'nanga;

YESAYA 22:3

Sikontu panglima tantaranu lari ngasengi siagang tenapa nalappassangi panana napatemba' na nitahang memammo ke'nanga. Sikontu tau kassa'nu nitahang ngasengi manna pole nabellamo larina.

YEREMIA 21:7

Ikau siagang sikamma pagawenu kammayatompa sikamma tau ta'lappasaka battu ri pa'bundukanga, kacipurang siagang garring, yangasenna laKulappassangko najakkala' Karaeng Nebukadnezar siagang musu-musu eroka ambunoko. Lanabuno ngasengko Nebukadnezar, tena nalanapammopporangko siagang tena nalanakamaseangko. INakke, Batara, anne a'bicara.”

YEREMIA 22:30

“Anjo taua le'ba'mi nipattantu angkanaya latappelaki ana'-ana'na siagang tuli lasalasai lalang katallassanna. Battu ri jari-jarina tena tasalasa lalang ammarentana ri Yehuda, tena nasangkamma Karaeng Daud. INakke, Batara, anne akkana.”

YEREMIA 34:3

Tena nukkulle lata'lappasa', mingka lanijakkalakko siagang lanipassareangko mae ri ia. Lassigappako siagang la'bicarako kalennu siagang ia, nampa la'lampako mange ri Babel.

YEREMIA 37:17

Nampa Karaeng Zedekia nasuroi taua angngeranga' mange andallekang ri ia ri balla' karaenga. Anjoreng akkuta'nang cokko-cokkomi ri nakke angkana apaka nia' pasang battu ri Batara. Appialima' angkana, “Nia'.” Nampa kupauang pole angkana, “Lanipassareangki' mae ri karaeng Babel.”

YEREMIA 38:23

Kukana pole, “Sikontu ana'na siagang bainenna karaenga lanierangi mange ri tu Babel. Manna kalenna karaenga tena todong nalakkulle ta'lappasa' battu ri ke'nanga. Lanijakkalaki karaenga ri karaeng Babel, siagang anne kotaya lanitunui sa'genna la'busu'.”

PIRAUNG 2:9

Sikamma pakke'bu' lompona nitambungi kabusu'mi ri butta, sikontu panjolina tepo' kabusu'mi; karaenga siagang pagawe-pagawe pamarentaya nia'mi ri pammelakkanga. Tenamo nanipangngajarrangi HukkunNa Batara; na'bia tena tommo nannarima pangngunju' battu ri Batara.

YEHEZKIEL 12:11

Pakasingaraki mae ri ke'nanga angkanaya anjo apa nugaukanga a'jari pangngebarangi mae ri apa lakajarianga mae ri ke'nanga, iamintu: la'jari ke'nanga tau nipela' siagang tau nitahang.

YEHEZKIEL 7:27

Lappiraungi karaenga, tappu' panrannuangi ana' bura'nena karaenga siagang lannekkereki napakamma malla' ra'yaka. LaKuhukkungko situru' sikontu panggaukannu, kammayatompa Kuadeliko sangkamma batenu angngadeli parannu tau. Jari lanuassemmi angkanaya iNakke Batara.”

PAOLE 28:34

La'jari pongorokko lanri sikamma anjo apa nukasiaka.

PAOLE 28:36

Punna tena numannuruki ri Batara Allata'alanu, ikau siagang karaennu laNaerangko Batara mange ri pa'rasanganna bansa maraeng tenaya nanuassengi, siagang tena todong nanaassengi boe-boenu. Anjoreng lanupare' atai kalennu mae ri rewata-rewata nipareka battu ri kayu siagang batu.

HAKING-HAKING 16:21

Battumi tu Filistin anjakkalaki nampa napasulu' lisere' matanna. Nierammi ri ke'nanga mae ri Gaza, na nasikko' siagang rua rante tambaga. Nampa napantama' ri tarungkua. Nisuromi anjoreng anjama anggiling.