2 KARAENG-KARAENG 25:5 - KITTA' MATANGKASA'

⁵ Mingka niondangi Zedekia ri tantara Babel, nampa nijakkala' ri lappara'na Yerikho. Sikontu ana' buana lari kabusuki ambokoi.

2 KARAENG-KARAENG 25:5 ပူးပေါင်းရင်းမြစ်များ

2 KARAENG-KARAENG 25:4

nirumbammi tembo'na kotaya ri musua. Anjo bangngia, manna pole sitabangi nikurung anjo kotaya ri tu Babel, lari kabusu'mi tantara Yehuda mange ri Lappara'na Yordan. Anjorengi ammalo ke'nanga ri koko balla' karaenga, nampa assulu' battu ri pakke'bu' lompo ampasisambungai anjo ruaya tembo' ri anjo tampaka.

2 KARAENG-KARAENG 25:6

Nampa nierang Karaeng Zedekia mange ri Karaeng Nebukadnezar ri kota Ribla, nampa nitappu' hukkungang mate.

YESAYA 30:16

Ba'lalo apparekko rancana ero' lari battu ri musua a'dongko' jarang gassinga larina. Baji'mi! Memang musti lariko sinampe'! Nupikkiriki angkana gassingi larina anjo jarannu, mingka sitojenna gassingangngangi larina tau angngondangiako.

YEREMIA 21:7

Ikau siagang sikamma pagawenu kammayatompa sikamma tau ta'lappasaka battu ri pa'bundukanga, kacipurang siagang garring, yangasenna laKulappassangko najakkala' Karaeng Nebukadnezar siagang musu-musu eroka ambunoko. Lanabuno ngasengko Nebukadnezar, tena nalanapammopporangko siagang tena nalanakamaseangko. INakke, Batara, anne a'bicara.”

YEREMIA 24:8

Mingka Zedekia karaeng Yehuda, siagang sikamma pamarenta a'reppeseka ri ia, kammayatompa sesanna tu Yerusalem tuli ammantanga anrinni ri pa'rasanganga anne yareka a'letteka mange ri Mesir, yangasenna ke'nanga laKugauki sanrapang anne rappo ara bottoka ngaseng, tenaya nakkulle nikanre. INakke, Batara anne akkana.

YEREMIA 34:3

Tena nukkulle lata'lappasa', mingka lanijakkalakko siagang lanipassareangko mae ri ia. Lassigappako siagang la'bicarako kalennu siagang ia, nampa la'lampako mange ri Babel.

YEREMIA 39:5

Mingka niondangi ke'nanga ri tantara Babel nampa najakkala' Zedekia ri lappara'na Yerikho. Nampa nierang Karaeng Zedekia mae ri Karaeng Nebukadnezar ri kota Ribla ri daera Hamat, nampa nitappuki hukkungang mate.

YEREMIA 52:8

Mingka tantara Babel naondangi Karaeng Zedekia nampa najakkala' ri lappara'na Yerikho. Sikontu ana' buana a'lampa ngasengi ampilari.

PIRAUNG 1:3

Nabokoimi tu Yehuda pa'rasanganna, lanri nipa'jarina ata na tamaka pa'risi'na tallasa'na. Anne kamma nia'mi ri tangnga-tangngana bansa maraeng tampa' tenaya nasalewangang. Nikurummi ri musunna ke'nanga ri wattu pa'risi'na tallasa'na.

PIRAUNG 1:6

Anjo kaporeanna kota Yerusalem ammantang mami a'jari carita. Sikamma pamimpinna a'jari lammami rapang jonga sanna' cipuru'na. Tena pakkullena ri musu battua angngondangi.

YEHEZKIEL 12:14

Sikontu tau ammantanga ri balla' karaenga, kammayatompa sikamma tumailalanna siagang pangawala'na anjo karaenga laKupasisa'la'-sa'laki ri kere-keremae. LaKuondangi siagang laKubunoi ke'nanga.

YEHEZKIEL 17:21

Tantarana kaminang bajika lamatei lalang pa'bundukang, nampa ia akkullea ta'lappasa' laKupasisa'la'-sa'laki a'lampa kemae-kemae. Na naassemmo ke'nanga ummakKu, angkanaya iNakke, Batara anne akkana.”

YEHEZKIEL 19:1

Nasuroa' Allata'ala angkelongangi anne kelong-kelong karruka mae ri ruaya karaeng Israel: