2 KARAENG-KARAENG 25:3 - KITTA' MATANGKASA'

³ Ri wattu tanggala' 9 bulang 4 anjo todong taunga, iamintu ri wattu sanna' dudunamo bala kacipuranga sa'genna tena sikalimo lanakanre ra'yaka,

2 KARAENG-KARAENG 25:3 ပူးပေါင်းရင်းမြစ်များ

2 KARAENG-KARAENG 25:2

siagang nakurung tulusuki anjo kotaya sa'genna taung makasampulo asse're ammarentana Zedekia.

2 KARAENG-KARAENG 6:24

Siapa are wattu ribokoanganna, battumi Benhadad, karaeng Siria, angngerangi sikontu tantarana untu' ambunduki tu Israel. Nakurummi ke'nanga kota Samaria,

2 KARAENG-KARAENG 6:25

sa'genna naallemo cipuru' lompo tau lalanga ri anjo kotaya; manna se're ulu keledai niballimi 80 doe' pera', siagang ruaya ons tai bodobangkeng niballimi lima doe' pera'.

YESAYA 3:1

Sitojenna, laNaalle ngasengi Batara Kaminang Koasaya sikamma parsadiaang kanrea siagang inunganga battu ri Yerusalem siagang Yehuda. Kammayatompa sikamma tau napattoanga ke'nanga:

YEREMIA 19:9

Lanikurungi ri musu anne kotaya, siagang nausahakangi nabuno pandudu'na. Teai sipato' heba'na batena musua angkurungi, sa'genna sikamma tau niaka lalang ri anne kotaya lasikanre-kanrei para ia sipa'gangngang, ba'lalo ana' kalenna nakanre ngaseng.”

YEREMIA 37:21

Jari naparentakammi Karaeng Zedekia sollangku nitarungku ri bageang paranglakkenna balla' karaenga. Jari ammantamma' anjoreng; allo-alloku nisare roti battu ri tampa' papparekang rotia, sa'genna la'busu' ngaseng parsadiaang rotia ri anjo kotaya.

YEREMIA 39:2

Ri tanggala' salapang bulang appa' taung makasampulo asse're pamarentahanna Zedekia, niruntummi tembo' kotaya ri musu,

YEREMIA 52:6

Ri tanggala' salapang bulang appa' ia todong anjo taunga, ri wattunna sanna' dudumo bala kacipuranga, sa'genna tena sikalimo lanakanre ra'yaka,

YEHEZKIEL 14:21

Nakana Batara Kaminang Tinggia, “LaKupabattui appaka hukkungang kaminang hebaka mae ri Yerusalem untu' angngancuruki baji' narupataua kammayatompa olo'-oloka. Anjo appaka hukkungang iamintu: bundu', kacipurang, olo'-olo' sekke' siagang garring.

YEHEZKIEL 5:10

Tau toaya lanakanrei ana' kalenna siagang anaka lanakanrei tau toana. Kammami anjo batena laKuhukkung ke'nanga, siagang ia attallasaka ija laKupasiaraki mae ri sikontu tampa' maraenga.

YEHEZKIEL 5:12

Bage tallunna pandudu'nu lamatei passabakkang garring siagang bala kacipurang antujuai kotaya. Bage tallunna lamate nibunoi siagang pa'dang ri pantaranganna kotaya, nampa bage tallunna pole laKupasiaraki mange-mange siagang laKuondangi siagang pa'dang.

YEHEZKIEL 7:15

Ri agang-agang niaka ri kotaya nia' pa'bundukang, ri sikamma ballaka nia' garring siagang kacipurang. Inai mamo nia' ri pantaranganna kotaya lamatei lalang pa'bundukang, siagang ammantanga ri kotaya lamatei lanri garring siagang kacipurang.

KAIMANGNGANG 26:26

Lakala'busangko ri kanre, sa'genna punna nia' sampulo baine, se're mami pattunuang roti naparalluang untu' antunui roti niaka ri ke'nanga. Lanipakammai ransung anjo kanrea, siagang punna le'baki nukanre, tulusu' cipuru'nu ija.

ZAKHARIA 8:19

“Puasa nigaukang lalang bulang makaappa', makalima, makatuju, siagang makasampulo la'jari passua'-suarrang appakarannua siagang appakasannanga mae ri pandudu'na Yehuda. Mangngaiko ri katojengang siagang passiamakkang!”