2 KARAENG-KARAENG 25:29 - KITTA' MATANGKASA'

^29-30 Tenamo nammakeang tunitarungku Yoyakhin, siagang biasai angnganre ri balla' karaenga, kammayatompa nisarei doe' untu' kaparalluang katallassanna.

2 KARAENG-KARAENG 25:29 ပူးပေါင်းရင်းမြစ်များ

PA'JARIANG 41:14

Jari nasuro allemi karaenga anjo Yusuf, nampa napasulu' linta' battu ri tarungkua. Le'baki accukkuru' Yusuf siagang nasambei pakeanna, mangemi andallekang ri karaenga.

2 SAMUEL 9:7

Angkanami Daud, “Teako mallakki. Lalammoro' pa'maika' mae ri kau lanri Yonatan manggenu. Sikontu buttana toanu iamintu Saul, lakupoterangi mae ri kau siagang akkulleko angnganre ri balla' kakaraenganga satunggu-tungguna.”

1 KARAENG-KARAENG 2:7

Mingka mae ri ana'-ana' bura'nena Barzilai battu ri Gilead paralluko appanggaukang baji'. Musti nutanggongi kaparalluang allo-allona ke'nanga, nasaba' le'ba'mi ampanggaukang baji' ke'nanga mae ri nakke ri wattungku lari battu ri daennu iami antu Abasalom.

2 KARAENG-KARAENG 24:12

nampa napassareammo kalenna Karaeng Yoyakhin siagang amma'na, ana'na kabusu', sikamma perwira tantarana siagang pagawe-pagawena balla' karaenga, mae ri Nebukadnezar. Nampa natahammo Yoyakhin. Anjo passalaka kajariangi ri taung makasagantuju wattu ammarentana Karaeng Nebukadnezar.

ESTER 4:4

Ri wattunna napabattu sikamma tuloloa siagang palayang allayaniai Ester mae ri ia anjo apa nagaukanga Mordekhai, a'jari si'na sikalimi pa'mai'na Ester. Akkirimmi pakeang mae ri Mordekhai untu' ansambei kaeng karunna, mingka taerokai Mordekhai antarimai.

ESTER 8:15

Le'baki anjo nabokoimi Mordekhai balla'na karaenga. Ammakei pakeang kalompoang gauka siagang keboka tanja'na, ammake juba lame butung battu ri kaeng lenang halusu' tanja'na, kammayatompa ammakei songko' bulaeng sannaka ga'gana. Akkiok-kio'mi taua ri kota Susan napakamma rannu.

YESAYA 61:3

untu' assarei karannuang siagang kate'neang pa'mai' sikamma tau si'naya siagang tau susaya; untu' ampinrai si'nana ke'nanga a'jari kelong pammuji. Larapangi ke'nanga poko' kayu nilamunga ri KalenNa Batara. Lanagaukangi ke'nanga apa bajika siagang annabaya, sa'genna nipakala'biri' Batara.

YEREMIA 22:26

Ikau siagang amma'nu laKubongkako siagang laKupelakko mange ri pa'rasangang teai butta passolongang cera'nu, siagang anjorengko lamate.

YEREMIA 52:33

Nikellai ansambei pakeang tarungkuna na situlusu'na akkullei angnganre ri balla' karaenga, na allo-allona nisare doe' untu' kaparalluang tallasa'na.

ZAKHARIA 3:4

Nakanamo anjo malaekaka mae ri sikamma pambantu-pambantuna ri suruga, “Pelaki care-care ra'masa' niaka napake anne taua.” Nampa nakana mae ri Yosua, “Kupela'mi dosanu, lakusareko pakeang beru.”

LUKAS 15:22

Mingka nakio'mi manggena sikamma palayanna na nakana, ‘Lintakko! Angngalleko pakeang kaminang ga'gaya, nanupipakeangi. Pipakei cincing karemenna, siagang pipakei sapatuna.