2 KARAENG-KARAENG 25:24 - KITTA' MATANGKASA'

²⁴ Nakanamo Gedalya ri ke'nanga, “Tena nuparallu malla' ri pamarentana tu Babel. Ammantang mako anrinni ri pa'rasanganta siagang pa'jarimi ata kalennu mae ri karaeng Babel. Kutanggongi kasalamakkannu.”

2 KARAENG-KARAENG 25:24 ပူးပေါင်းရင်းမြစ်များ

2 SAMUEL 14:11

Nakanamo anjo bainea, “Poro appala' doang laloki' karaeng mae ri Karaeng Allata'alata, sollanna anjo tau eroka ambalasaki kamateanna anjo ana'na atanta tena nagaukangi kaja'dallang la'bi lompoangnganga pole lanri nabunona pole ana'na atanta se'rea.” Appialimi Daud angkana, “Lanri Batara mattallasaka, anjo ana'nu tena nalaniapa-apa manna pole sike'de'.”

2 SAMUEL 19:23

Nampa assumpamo karaenga mae ri Simei angkana, “Kutanggongi angkanaya tena nulanihukkung mate.”

2 KARAENG-KARAENG 25:23

Ri wattunna nalangngere' sikamma perwira tantarana Yehuda siagang tantara Yehuda tenaya napassareangi kalenna mae ri tu Babel anjo kabaraka, battu ngasemmi ke'nanga mange ri Gedalya ri Mizpa. Anjo perwira-perwiraya iamintu Ismael ana'na Netanya, Yohanan ana'na Kareah, Seraya ana'na Tanhumet battu ri kota Netofa, siagang Yazanya battu ri kota Maakha.

2 KARAENG-KARAENG 25:25

Mingka ri bulang 7 anjo taunga, Ismael ana'na Netanya cucunna Elisama, sisambung bijaya ija siagang karaenga, a'lampai siagang 10 tau mange ri Mizpa. Nabakkai siagang nabunoi ke'nanga anjo Gedalya siagang tu Yehuda na tu Babel niaka naagang.

YEREMIA 43:6

Bura'ne, baine, ana'-ana', siagang ana'-ana' tulolonna karaenga ia nipassareanga ri Nebuzaradan mae ri Gedalya untu' nijagai, kammayatompa inakke siagang Barukh, nierang ngaseng maki' mange ri Mesir.