2 KARAENG-KARAENG 25:23 - KITTA' MATANGKASA'

²³ Ri wattunna nalangngere' sikamma perwira tantarana Yehuda siagang tantara Yehuda tenaya napassareangi kalenna mae ri tu Babel anjo kabaraka, battu ngasemmi ke'nanga mange ri Gedalya ri Mizpa. Anjo perwira-perwiraya iamintu Ismael ana'na Netanya, Yohanan ana'na Kareah, Seraya ana'na Tanhumet battu ri kota Netofa, siagang Yazanya battu ri kota Maakha.

2 KARAENG-KARAENG 25:23 ပူးပေါင်းရင်းမြစ်များ

2 KARAENG-KARAENG 25:24

Nakanamo Gedalya ri ke'nanga, “Tena nuparallu malla' ri pamarentana tu Babel. Ammantang mako anrinni ri pa'rasanganta siagang pa'jarimi ata kalennu mae ri karaeng Babel. Kutanggongi kasalamakkannu.”

YEREMIA 40:5

Ri tenanapa ku'lampa, nakana Nebuzaradan, “Punna erokko, akkulleko ammotere' mange ri Gedalya ana'na Ahikam cucunna Safan, le'baka niangka' ri karaeng Babel a'jari guburnur mae ri kota-kota Yehuda. Akkulleko ammantang siagang ia ri tangnga-tangngana ra'yaka, yareka manna pole kamae nukaerokia.” Nampa nasarema' siapa are jaina kanre-kanreang siagang hadia, nampa nalappassanga' a'lampa.