2 KARAENG-KARAENG 25:15 - KITTA' MATANGKASA'

¹⁵ Barang-barang bulaeng, pera', kammaya mangko'-mangko' ca'di siagang panne-panne untu' bara pepe', kalenna Nebuzaradan angngallei.

2 KARAENG-KARAENG 25:15 ပူးပေါင်းရင်းမြစ်များ

1 KARAENG-KARAENG 7:40

Appare' tongi Huram pamaja'-pamaja', sikopang-sikopang, siagang mangko'-mangko'. Le'baki anjo, le'ba' ngasemmi anjo apa nasuro jamaya Karaeng Salomo untu' Balla'Na Batara. Iaminne sikamma pakkakasa' le'baka napare': Rua benteng lompo, Rua ulu benteng sangkammaya mangko' niaka rateanna anjo ruaya benteng, Rante nianyang ri massing-massing ulu bentenga, Patambilangngang delima tambaga ia nisusunga lalang ruang barrisi' ri tammulilina anjo rante nianyang ri massing ulu bentenga, Sampulo kareta, Sampulo katoang lompo, Bongki tambaga, Sampulo anrua sapi tambaga ansompoai anjo bongkia, Pamaja'-pamaja', sikopang-sikopang, siagang mangko'-mangko'. Yangasenna anjo pakkakasa' untu' Balla'Na Batara, napareka Huram untu' Karaeng Salomo, tambaga ngaseng nipare', na nikeso' sa'genna accilla'.

2 KARAENG-KARAENG 25:14

Naengka' tongi ke'nanga barang-barang kammaya anne: sikopang-sikopang, pammoneang aua ri tampa' pakkoro'bangnganga, pakkakasa' kanjoli, mangko'-mangko' untu' pammoneang cera' olo'-olo' nisamballea untu' koro'bang, siagang sikontu barang tambaga maraeng nipakea untu' anynyomba.

2 KARAENG-KARAENG 25:16

Barang-barang tambaga napareka Karaeng Salomo untu' Balla'Na Batara, iamintu rua benteng, kareta-kareta, siagang gumbang lompo, sanna' ngaseng battala'na sa'genna takkulleai nitimbang.

2 PATTOTTORANG 24:14

Ri wattunna le'ba'mo anjo jama-jamanga, sikamma bulaenga siagang peraka niaka tassesa nipassareangi mae ri karaenga siagang Yoyada. Nampa nipake anjo bulaenga siagang peraka untu' appare' pakkakasa'-pakkakasa' untu' Balla'Na Batara, kammayami: pakkakasa' untu' upacara panynyombang, untu' koro'bang nitunu, panne-panne untu' dupa, siagang mangko'-mangko'. Lalang attallasa'na ija Imang Yoyada, tulusu' nipassareangiji koro'bang nitunua ri Balla'Na Batara.

KALAPPASSANG 37:23

Ri bangkenna anjo lampua nipareki tuju lampu siagang pakkakasa' untu' nipake antangkasi sumbu lampua siagang baki bulaeng ti'noka.

YEREMIA 52:19

Barang-barang bulaeng siagang pera', kammayami mangko'-mangko' ca'dia siagang tampa' bara pepe', mangko'-mangko' untu' tampa'na cera' olo'-olo' nisamballea untu' koro'bang, tampa' au, bangkeng kanjoli, mangko'-mangko' untu' dupa, siagang mangko'-mangko' untu' pappatirikang passare je'ne' anggoro', kabusu'na naallei kalenna Nebuzaradan.