2 KARAENG-KARAENG 25:13 - KITTA' MATANGKASA'

¹³ Sikamma benteng tambaga siagang kareta-kareta niaka ri Balla'Na Batara kammayatompa guci tambagaya nireppe'-reppeki ri tu Babel, nampa naerang kabusu' anjo tambagaya mange ri pa'rasanganna ke'nanga.

2 KARAENG-KARAENG 25:13 ပူးပေါင်းရင်းမြစ်များ

1 KARAENG-KARAENG 7:15

Appare'mi Huram rua benteng tambaga massing-massing 8 metere' tinggina, akkalu'na 5,3 metere', siagang kapala'na tambagaya 7,4 sentimetere'. Anjo bentenga kosongi lalanganna.

2 KARAENG-KARAENG 20:17

nia' sallang se're wattu nanilaling mange ri Babel sikontu kakalumanynyangngang niaka lalang ri balla' kakaraengannu siagang sikontu apa-apa napassareanga boe-boenu sa'genna anne alloa. Tena lammantang tassesa.

2 KARAENG-KARAENG 24:13

Sikontu pakkakasa' bulaeng napareka Karaeng Salomo untu' Balla'Na Batara, nipanraki ri Nebukadnezar. Nampa sikontu barang-barang niaka anggaranna lalang ri anjo Balla'Na Batara siagang ri balla' karaenga naengkaki mange ri Babel. Sikontu anjo passalaka kajariangi situru' apa le'baka Napau riolo Batara.

2 PATTOTTORANG 3:15

Appareki karaenga rua benteng, massing-massing 15,5 metere' tinggina, nampa napataba ri dallekanna Balla'Na Batara. Tunggala' anjo bentenga massing ammakei ulu benteng 2,2 metere' tinggina.

2 PATTOTTORANG 36:18

Sikamma pakkakasa' niaka ri Balla'Na Batara, barang-barang lompoa anggaranna, kammayatompa barang-baranna karaenga siagang pagawe-pagawena nirampasa' kabusuki ri karaeng Babel nampa nierang mange ri Babel.

KALAPPASSANG 27:3

Apparekko siapa are pamaja', sikopang, mangko'-mangko', garpu-garpu siagang tampa' pepe'. Sikontu anjo pakkakasaka musti tambaga nipare'.

YESAYA 39:6

‘Nia' se're wattu sallang na sikontu barang-barang niaka lalang ri balla' lompoa, le'baka napasse're sikamma boe-boenu sa'genna kamma-kamma anne, laniangka' ngasengi nilaling mange ri Babel. Tena lammantang tassesa.

YEREMIA 20:5

LaKulappassangi musunna ke'nanga anrampasaki siagang angngengkaki mange ri Babel sikontu kakalumanynyangnganna siagang barang-baranna anne kotaya, ba'lalo barang-barang pisakana sikamma karaenna Yehuda.

PIRAUNG 1:10

Sikontu barang-baranna niallemi ri musu-musunna. Ba'lalo musti nacini'mi ke'nanga antama ri Balla'Na Allata'ala, panggaukang tenaya Nikellai ri Batara punna teai umma'Na.