2 KARAENG-KARAENG 24:3 - KITTA' MATANGKASA'

³ Anjo kajariang kammaya memang musti kajariangi, lanri le'ba'mi Napau riolo Batara angkanaya lanipelaki bansa Yehuda battu ri pa'rasangang le'baka Napassareang Batara mae ri ke'nanga. Nipelaki ke'nanga lanri sikontu dosa nagaukanga Karaeng Manasye;

2 KARAENG-KARAENG 24:3 ပူးပေါင်းရင်းမြစ်များ

PA'JARIANG 50:20

Assituju ngaseng mako a'gau' ja'dala' mae ri nakke ri pirangngalloang, mingka Napinrami Allata'ala anjo kaja'dallanga a'jari kabajikang; sollanna apa anjo kajarianga pirangalloang, a'jari jaimi tau attallasa' siagang nipasalama' kamma-kamma anne.

2 KARAENG-KARAENG 17:18

sa'genna larro sikalimo mae ri ke'nanga siagang tenamo Naparhatikangi ke'nanga. Napelaki ke'nanga battu ri butta le'baka Napassareang mae ri ke'nanga. Ia ammantanga tassesa iamintu kakaraengang Yehuda mami.

2 KARAENG-KARAENG 17:20

jari tenamo Naani Batara sikontu umma' Israel. Nahukkungi siagang Napassareangi ke'nanga mae ri musu-musunna ke'nanga sannaka palla'na. Tenamo naNaparhatikangi ke'nanga, passangalinna Napelaki ke'nanga battu ri butta Napassareanga mae ri ke'nanga.

2 KARAENG-KARAENG 17:23

sa'genna kale'bakkanna tenamo naniparhatikang ke'nanga ri Batara, passangalinna nipela'mi ke'nanga battu ri butta nipassareanga mae ri ke'nanga. A'rupami anjo kajariang kammaya situru' pappakainga' le'baka Napassareang Batara mae ri ke'nanga tete ri ata-atanNa iamintu na'bi-na'bia. Kammami anjo nanierammo tu Israel mange ri butta pammelakkanga ri Asyur, siagang anjoremmi ammantang ke'nanga sa'genna anne alloa.

2 KARAENG-KARAENG 18:25

Nukapangi angkanaya nabundukiko ikambe siagang nakibeta pa'rasangannu natanibantua ikambe ri Batara? KalenNa Batara ansuroi ikambe ambunduki siagang angngancuruki pa'rasangannu!”

2 KARAENG-KARAENG 21:16

Pantaranganna a'gau' dosana tu Yehuda mae ri Batara lanri anynyombana barhala, Manasye sanna' todong jaina tau tena salana nabuno sa'genna tassolommo ceraka ri kere-keremae ri Yerusalem.

2 KARAENG-KARAENG 24:20

Teai sipato' larroNa Batara mae ri pandudu'na Yerusalem siagang ri tu Yehuda, sa'genna tenamo Naparhatikangi ke'nanga.

2 PATTOTTORANG 24:24

Tenaja najai anjo tantara Siria, mingka nilappassangi ke'nanga ri Batara ambetai tantara Yehuda bellaya jaina, lanri tenamo najampangi tu Yehuda Karaeng Allata'alana boe-boena ke'nanga. Kammami anjo bateNa Batara anghukkungi Yoas.

2 PATTOTTORANG 25:16

Nakanamo Amazia, “Tongkoki bawanu! Punna tena kubunokontu! Tena le'bakaki' anne angngangkakko a'jari guru mae ri karaenga!” Jari a'merekimi anjo na'bia. Mingka rioloanganna anggappai kasampatang angkana, “Kamma-kamma anne kuassemmi angkanaya le'ba'mi Napattantu Allata'ala angkanaya laNaancurukki' lanri anjo panggaukanta, siagang lanri tenana kijampangi pappakaingakku.”

KALAPPASSANG 20:5

Teako anynyombai ri patung kammaya anjo, nasaba' iNakkeji Karaeng Allata'alanu, siagang taerokA' nipasangkamma manna apa-apa mamo. Sikamma tau mangngabirissia mae ri Nakke Kuhukkungi sa'genna jari-jari lapisi' makatalluna siagang makaappa'na.

YESAYA 45:7

INakke ampa'jari singaraka siagang sassanga, iNakke ampabattui barakkaka siagang balaya. INakkemi Batara anggaukang ngasengi anjo sikammaya.

YEREMIA 32:31

Appakkaramula ri wattu nibangunna anne kotaya, napakanassu duduMa' pandudu'na. Le'ba'mi Kupattantu untu' laKupanraki ke'nanga,

YEREMIA 52:28

yangasenna ke'nanga nia' 4.600 tau jaina. Naengkaki Nebukadnezar ke'nanga kamma anne: 3.023 ri taung makatuju pamarentahanna, 832 jaina battu ri Yerusalem ri taung makasampulo assagantuju pamarentahanna, siagang 745 jaina niengka' ri Nebuzaradan ri taung makaruampulo antallu pamarentahanna Nebukadnezar.

YEHEZKIEL 22:3

Nasuroa' Batara Kaminang Tinggia ampabattui anne pasanNa mae ri Yerusalem, angkana, “Ikau salako lanri le'bakko ammuno jai tau battu ri pandudu'nu tonji, siagang nura'massi kalennu lanri anynyombako mae ri barhala-barhala nupareka kalennu. Lanri kammana anjo a'reppese'mi wattunnu laniadeli siagang lanarapi'mi kala'busang riwaya'nu. LaKubalang parekangko nicau-cau siagang nikakkali ri bansa-bansaya siagang ri sikontu pa'rasanganga.

YEHEZKIEL 24:6

Nakana Batara Kaminang Tinggia, “Cilakai anjo kota rassia siagang pabuno-buno! Anjo kotaya rapangi uring taiang tenaya nale'ba' nikeso'. Dageng niaka ilalanna nipasulu' tassikere'-kereki, sa'genna manna sikere' tania' ammantang tassesa.

AMOS 3:6

Maka latena nannekkere' tau ri kotaya punna nalangngere' sa'ra tarompe' tanra pa'bundukanga? Maka akkullei natuju bala se'rea kota, punna tena Napabattui Batara?

MIKHA 2:10

Ambangung mako siagang a'lampamako, anrinni tenamo naamang. Dosa-dosana appabattui bala appakamalla'-malla' mae ri anne tampaka.

PAOLE 28:63

Sangkamma sannanna nyawaNa Batara assareko kakalumanynyangngang siagang ampa'jari jai bilannu, lasannang tongi ampanrakiko siagang ampaccappukko. Lanialleko battu ri pa'rasangang tenayamo nasallo nanupammantangngi.

PAOLE 29:28

A'lappo' hebaki larroNa Batara, siagang lalang larro lompoNa anjo Nabi'bu'mi bansa Israel battu ri buttana ke'nanga nampa Napasambila ke'nanga mange ri pa'rasanganna bansa maraenga. Iaminjo saba'na nania' ke'nanga anjoreng.’

YOSUA 23:15

Mingka sangkamma NarupainNa ngaseng janjinNa mae ri kau, kamma tomminjo mattantuna laNagaukang ngaseng tongi panggaratta'Na mae ri kau.