2 KARAENG-KARAENG 24:2 - KITTA' MATANGKASA'

² Appabattui Batara garombolang-garombolang angngeranga sanjata battu ri Babel, Siria, Moab siagang Amon untu' angngewai Yoyakim siagang angngancuruki Yehuda, situru' apa le'baka Nakanang tete ri sikamma na'bi-na'bia atanNa.

2 KARAENG-KARAENG 24:2 ပူးပေါင်းရင်းမြစ်များ

2 KARAENG-KARAENG 20:17

nia' sallang se're wattu nanilaling mange ri Babel sikontu kakalumanynyangngang niaka lalang ri balla' kakaraengannu siagang sikontu apa-apa napassareanga boe-boenu sa'genna anne alloa. Tena lammantang tassesa.

2 KARAENG-KARAENG 22:16

“LaKuhukkungi Yerusalem siagang sikontu pandudu'na sangkamma niaka tattulisi' lalang ri kitta' beru nibacaya ri karaenga.

2 KARAENG-KARAENG 23:27

Nakana Batara, “Apa le'baka Kugaukang mae ri tu Israel, laKugaukang tongi mae ri tu Yehuda. LaKupelaki tu Yehuda battu ri pa'rasangang le'baka Kupassareang mae ri ke'nanga. LaKutollaki Yerusalem, iamintu kotaKu le'baka Kupilei, kammayatompa anne BallakKu, le'baka Kupau angkanaya la'jari tampa' panynyombangi mae ri KalengKu.”

2 KARAENG-KARAENG 6:23

Jari appare'mi karaenga passua'-suarrang lompo untu' ke'nanga. Baku'na anjo wattua ammarimi tu Siria ambunduki pa'rasangang Israel.

2 PATTOTTORANG 33:11

Lanri kammana anjo Napabattumi Batara sikamma panglima tantarana Asyur untu' ambunduki tu Yehuda. Nijakkala'mi Manasye siagang pakkai', nampa nisikko' siagang nierang mange ri Babel.

AYUB 1:17

Tenapa nale'ba' a'bicara anjo taua, nania' tommo battu ata makatallua ampabattui angkana, “Nia' tallung pa'gompoang pasukang paella' tu Kasdim battu anrampasaki sikamma untata siagang nabuno ngaseng sikamma atanta. Inakke mami anne atanta ta'lappasa', sa'gengku akkulle battu a'laporo' mae ri katte.”

YESAYA 13:5

Battui ke'nanga ri pa'rasangang-pa'rasangang bellaya di cappa'-cappa'na buttaya. Lalang larroNa Napakei Batara ke'nanga untu' ampanraki sikontu buttaya.

YESAYA 28:19

Lanitujuko ri kacilakang situlusu'na, siagang musti nutanggong ngasengi anjo kammaya allo-allo, bari'basa', tangngaallo siagang bangngi. Lannekkerekko napakamma malla' punna nupahangi pappasanNa Allata'ala.

YESAYA 7:17

LaNapabattui Batara karaeng Asyur, nampa ikau siagang sikontu kaluarganu, kammayatompa ra'ya'nu, lanakasiaki allo-allo kasessang la'bi hebakkangngang nale'baka nukasia' baku' le'ba'na ta'bage kakaraengang Israel siagang Yehuda.

YEREMIA 12:9

Rapangi ke'nanga jangang-jangang nibuccuka ri balangkoa' battu ri kere-keremae. Kioki sikontu olo'-olo' niaka ri romanga untu' amminawang ampaccappuki ke'nanga.

YEREMIA 25:1

Ri taung makaappa' a'jari karaenna Yoyakim ana' bura'nena Yosia ri Yehuda, anggappa' pasang battu ri Batara ri passala'na sikontu bansa Yehuda. Anjo wattua taung makase're ri wattu a'jari karaenna Nebukadnezar ri Babel.

YEREMIA 25:9

‘LaKukioki sikontu bansaya battu wara', kammayatompa atangKu Nebukadnezar karaeng Babel. LaKupaturungi ke'nanga untu' a'bundu' angngewai Yehuda siagang pandudu'na kammayatompa sikontu bansa niaka ri tammulilina. Lanipanraki bansa Yehuda siagang bansa-bansa naaganga singngampi', nampa Kubalang parekang ancuru' sa'genna satunggu-tungguna. Sikamma tau ancinikai lata'bangkai siagang a'jari mallaki. INakke, Batara, anne akkana.

YEREMIA 26:20

Le'ba' tongi nia' tau maraengannaya a'bicara ambaliangi anne kotaya siagang bansaya lalang arenNa Batara, sangkamma kugaukanga. Anjo taua niarengi Uria ana'na Semaya battu ri Kiryat-Yearim.

YEREMIA 26:6

Punna tuli teanu mappilangngeri, anne balla' sambayanga laKupa'jari sangkamma Silo, sa'genna sikontu bansaya ri lino napakei arenna kota Yerusalem anne salaku kana pattunra.”

YEREMIA 32:28

Anne kotaya laKulappassangi nikoasai ri Nebukadnezar karaeng Babel siagang pasukanna. Lanaallei ke'nanga anne kotaya,

YEREMIA 35:11

Mingka ri wattunna nabunduki Karaeng Nebukadnezar anne pa'rasanganga, natappukimi ikambe untu' lari battu ri tantarana Babel siagang tantarana Siria, nampa a'lili ikambe mange ammantang ri Yerusalem. Iaminjo saba'na nania' ikambe ammantang anrinni kamma-kamma anne.”

YEREMIA 52:28

yangasenna ke'nanga nia' 4.600 tau jaina. Naengkaki Nebukadnezar ke'nanga kamma anne: 3.023 ri taung makatuju pamarentahanna, 832 jaina battu ri Yerusalem ri taung makasampulo assagantuju pamarentahanna, siagang 745 jaina niengka' ri Nebuzaradan ri taung makaruampulo antallu pamarentahanna Nebukadnezar.

PIRAUNG 1:17

Kupatarai limangku appala' tulung, mingka taenamo ero' ansaleoria'. Attammulili musua Napabattu Batara; battui ke'nanga ambundukia'. Nipare' kamma mama' loro, apa appakaringi' ri alla'na ke'nanga.

YEHEZKIEL 19:8

Mingka bansa-bansa niaka ri daera tammulilina battu ambakkai ri kere-keremae. Ammuangi ke'nanga jala untu' anjakkalaki, na niallemo ri sikko'na ke'nanga.

YEHEZKIEL 23:23

LaKupa'rappungi siagang laKuerangi mae ri kau sikamma tanrinnu battu ri Babel, Pekod, Soa, Koa Asyur, kammayatompa tu Kaldea. Kuerang tongi mae ri kau sikamma tu bura'ne gammaraka siagang tinggia pangka'na, bija karaenga, pagawe-pagawe tinggia, siagang perwira-perwira pasukang a'jaranga.

MIKHA 3:12

Lanri anjo kaja'dallannu, lanipa'jekoi Sion rapang koko, la'jari tambungang loroi Yerusalem, siagang la'jari romangi bonto Balla'Na Batara.

HABAKUK 1:6

Bansa Babel sekkeka siagang pallaka laKupa'jari bansa makoasa. A'barrisiki ke'nanga assulu' battu ri pa'rasanganna nampa najappai sikontu linoa untu' ambetai bansa-bansa maraenga.