2 KARAENG-KARAENG 24:17 - KITTA' MATANGKASA'

¹⁷ Nampa naengka' Nebukadnezar tuniarenga Matanya, iamintu purinanna Yoyakhin, a'jari karaeng ri Yehuda, siagang napinrai arenna a'jari Zedekia.

2 KARAENG-KARAENG 24:17 ပူးပေါင်းရင်းမြစ်များ

2 KARAENG-KARAENG 23:34

Nampa naangka' Karaeng Nekho ana' bura'nena Yosia niarenga Elyakim a'jari Karaeng Yehuda, siagang napinrai arenna Elyakim a'jari Yoyakim. Naerangi Yoahas mange ri Mesir siagang anjoreng tommi Yoahas mate.

YEREMIA 1:3

Le'baki anjo a'bicarai pole Batara ri ia a'mole-mole, appakaramula ri rewasa' ammarentana Yoyakim ana'na Yosia sa'genna taung makasampulo asse're ri rewasa' ammarentana Zedekia ana'na Yosia. Ri bulang makalima anjo todong taunga niengkaki pandudu'na Yerusalem mange ri butta pammelakkanga.

YEREMIA 21:1

Zedekia karaeng Yehuda nasuroi mae ri nakke Imang Pasyhur ana'na Malkia, siagang Imang Zefanya ana'na Maaseya. Nasuroi ke'nanga ampabattui mae ri nakke anne pappala'na angkana,

YEREMIA 37:1

Ri wattunna Nebukadnezar karaeng Babel napecaki Yoyakhin ana'na Yoyakim, naangkaki Zedekia ana'na Yosia a'jari karaeng Yehuda.

YEREMIA 49:34

Tena nasallo Zedekia a'jari karaeng Yehuda, a'bicarai Batara Kaminang Koasaya ri nakke, ri sesena pa'rasangang Elam.

YEREMIA 52:1

Zedekia ruampulo asse're taung umuru'na ri wattunna a'jari karaeng ri Yehuda. Sampuloi asse're taung sallona ammarenta ri Yerusalem. Amma'na niarengi Hamutal, ana'na Yeremia battu ri kota Libna.

YEHEZKIEL 17:13

Nampa napilei kalase'renna bijanna anjo karaeng Yehuda, appare' parjanjiang siagang ia, siagang nasuro assumpa lamajarre' mae ri karaeng Babel. Anjo karaeng Babel naallei sikamma tau pamimpinga siagang tau cara'deka

YEHEZKIEL 17:16

Lanri iNakke, Allata'ala mattallasaka, Batara Kaminang Tinggia, lamatei karaeng Yehuda ri Babel, lanri nakaluppaina sumpana siagang nadakkaina parjanjianna siagang karaeng Babel le'baka ampaempoi irate ri empoang kakaraenganga.

YEHEZKIEL 23:17

Jari battumi ke'nanga nampa assikatinroang siagang ia. Kammami anjo nanira'massimo ri ke'nanga, sa'genna kale'bakkanna ero'mi nasa'ring takkoa' saba' lanrenamo ri ke'nanga.

DANIEL 1:7

Kapala ruma tanggana balla' karaenga nasambeimi arenna ke'nanga a'jari: Beltsazar, Sadrakh, Mesakh siagang Abednego.