2 KARAENG-KARAENG 24:13 - KITTA' MATANGKASA'

¹³ Sikontu pakkakasa' bulaeng napareka Karaeng Salomo untu' Balla'Na Batara, nipanraki ri Nebukadnezar. Nampa sikontu barang-barang niaka anggaranna lalang ri anjo Balla'Na Batara siagang ri balla' karaenga naengkaki mange ri Babel. Sikontu anjo passalaka kajariangi situru' apa le'baka Napau riolo Batara.

2 KARAENG-KARAENG 24:13 ပူးပေါင်းရင်းမြစ်များ

2 KARAENG-KARAENG 20:17

nia' sallang se're wattu nanilaling mange ri Babel sikontu kakalumanynyangngang niaka lalang ri balla' kakaraengannu siagang sikontu apa-apa napassareanga boe-boenu sa'genna anne alloa. Tena lammantang tassesa.

2 PATTOTTORANG 36:7

Naallei Nebukadnezar sipa'gang barang-barang lompoa anggaranna ri Balla'Na Batara nampa nalaling siagang naboli' lalang ri balla' kakaraenganna ri Babel.

YESAYA 39:6

‘Nia' se're wattu sallang na sikontu barang-barang niaka lalang ri balla' lompoa, le'baka napasse're sikamma boe-boenu sa'genna kamma-kamma anne, laniangka' ngasengi nilaling mange ri Babel. Tena lammantang tassesa.

YEREMIA 17:3

siagang ri sikamma moncong niaka ri pantaranganna kotaya. Lanri sikontu anjo tampa' panynyombang barhala le'baka nubangung ri sikontu pa'rasanganga siagang lanri sikontu dosa le'baka nugaukang, nalaKusuromo musu-musunnu angngengkaki sikontu pa'barang-barangannu siagang kakalumanynyangngannu.

YEREMIA 20:5

LaKulappassangi musunna ke'nanga anrampasaki siagang angngengkaki mange ri Babel sikontu kakalumanynyangnganna siagang barang-baranna anne kotaya, ba'lalo barang-barang pisakana sikamma karaenna Yehuda.

YEREMIA 28:6

“Bajiki! Dasi-dasi na'rupaja antu botonu, siagang Naerang tojengi Batara ammotere' battu ri Babel barang-baranna Balla'Na Batara siagang sikontu tau nipelaka mange anjoreng.

YEHEZKIEL 23:26

Lanisolarriko siagang lanirampasaki sikamma belo-belonu.

YEHEZKIEL 7:21

Nakana Batara ri bansa Israel, “LaKulappassangi bansa maraenga angngellakko. Sikamma tau ja'dalaka lanarampasaki barang-barannu nampa nara'massi.