2 KARAENG-KARAENG 24:12 - KITTA' MATANGKASA'

¹² nampa napassareammo kalenna Karaeng Yoyakhin siagang amma'na, ana'na kabusu', sikamma perwira tantarana siagang pagawe-pagawena balla' karaenga, mae ri Nebukadnezar. Nampa natahammo Yoyakhin. Anjo passalaka kajariangi ri taung makasagantuju wattu ammarentana Karaeng Nebukadnezar.

2 KARAENG-KARAENG 24:12 ပူးပေါင်းရင်းမြစ်များ

2 KARAENG-KARAENG 20:18

Nia' battu ri ana' cucunnu lanialle siagang lanipa'jari pagawe balla' karaeng untu' allayani karaeng Babel.”

2 KARAENG-KARAENG 24:11

Lalang nikurunna anjo kotaya, kalenna Nebukadnezar battu mange ri Yerusalem,

2 KARAENG-KARAENG 25:27

Ri tanggala' 27 bulang 12 lalang ri taung makatallumpulo antuju le'ba'na niengka' Yoyakhin mange ri pammelakkanga, Ewil-Merodakh a'jari karaeng ri Babel. Ia memang anjo taunga namangngamaseang mae ri Yoyakhin na nalappassang battu ri tarungkua,

2 KARAENG-KARAENG 25:8

Ri tanggala' 7 bulang 5 ri taung makasampulo assalapang ammarentana Nebukadnezar ri Babel, nia'mo tau niareng Nebuzaradan battu mange ri Yerusalem. Anjo taua tubiasa napappalakki pappitangara' Nebukadnezar siagang panglimana tongi Nebukadnezar.

2 PATTOTTORANG 36:10

Ri wattunna kasambeang taunga niengkaki Yoyakhin ri Karaeng Nebukadnezar mange ri Babel salaku tunitahang, nampa nierang barang-barang lompoa anggaranna niaka ri Balla'Na Batara. Nampa naangka' Nebukadnezar Zedekia, purinanna Yoyakhin, a'jari karaeng ri Yehuda siagang Yerusalem.

ESTER 2:5

Anjoreng ri kota Susan, nia' se're tu Yahudi niareng Mordekhai, ana'na Yair. Ia turungang battu ri Kis siagang Simei, battu ri suku Benyamin.

ESTER 2:6

Anjo Mordekhai nitahangi ri wattunna nibeta taua ri Yerusalem ri Karaeng Nebukadnezar battu ri Babel. Nipelaki Mordekhai mange ri Babel siagang Yoyakim, iamintu karaeng Yehuda, kammayatompa tunipela' maraengannaya.

YESAYA 24:6

Lanri kammana anjo Natunraimi Batara buttaya siagang Nahukkummi pandudu'na lanri panggaukanna ke'nanga. Nipa'jari ammutungi ke'nanga siagang sike'de' mami battu ri ke'nanga salama'.

YEREMIA 13:18

Nakana Batara ri nakke, “Suroi karaenga siagang amma'na naung battu ri empoang kakaraenganna, nasaba' anjo songko' karaeng ga'gana tu'guru'mi battu ri ulunna.

YEREMIA 24:1

Ri se'reang wattu, ri le'ba'namo Yoyakhin ana' bura'nena Yoyakim karaeng Yehuda siagang sikamma tau anna'galaka pamarentahang ri Yehuda, sikamma pajamaya, sikamma panrea, niengka' ri Nebukadnezar karaeng Babel, nampa nierang salaku tunitahang battu ri Yerusalem mange ri Babel, Nasarema' paccini' Batara. Nia' kucini' rua baku' rassi siagang rappo ara ta'dongko' ri dallekang Balla'Na Batara.

YEREMIA 25:1

Ri taung makaappa' a'jari karaenna Yoyakim ana' bura'nena Yosia ri Yehuda, anggappa' pasang battu ri Batara ri passala'na sikontu bansa Yehuda. Anjo wattua taung makase're ri wattu a'jari karaenna Nebukadnezar ri Babel.

YEREMIA 36:30

Lanri kammana anjo, iNakke, Batara, akkana ri kau, he Karaeng Yoyakim, angkanaya tena manna sitau battu ri jari-jarinu lammarenta salaku karaeng jari-jarina Daud. Maya'nu lanipasambilai assulu', nitaba ri bambang allo ri wattu singara'na alloa, siagang nituju ri saliu' dinging ri wattunna bangngi.

YEREMIA 37:1

Ri wattunna Nebukadnezar karaeng Babel napecaki Yoyakhin ana'na Yoyakim, naangkaki Zedekia ana'na Yosia a'jari karaeng Yehuda.

YEREMIA 52:12

Ri tanggala' sampulo bulang lima lalang ri taung makasampulo assalapang pamarentahanna Nebukadnezar karaeng Babel, nia'mo sitau battu mange ri Yerusalem niarenga Nebuzaradan. Iami tumailalang siagang kapala pa'lapa' barambanna Nebukadnezar.

YEREMIA 52:28

yangasenna ke'nanga nia' 4.600 tau jaina. Naengkaki Nebukadnezar ke'nanga kamma anne: 3.023 ri taung makatuju pamarentahanna, 832 jaina battu ri Yerusalem ri taung makasampulo assagantuju pamarentahanna, siagang 745 jaina niengka' ri Nebuzaradan ri taung makaruampulo antallu pamarentahanna Nebukadnezar.

YEREMIA 52:31

Ri tanggala' ruampulo allima bulang sampulo anrua ri taung makatallumpulo antuju le'ba'na niengka' Yoyakhin mange ri pammelakkanga, Ewil-Merodakh a'jari karaeng Babel ri ia memang anjo taunga napappicinikangi pangngamaseanna mae ri Yoyakhin, na nalappassang battu ri tarungkua,

YEHEZKIEL 17:12

“Kuta'nangi anjo sikamma tau nangaia angngewa, apaka napahanji battuanna anjo pangngebaranga? Pabattuangi ke'nanga angkanaya le'ba'mi battu karaeng Babel ri Yerusalem, nampa naengka' karaeng Yehuda siagang sikamma pamimpinna anjo kotaya mange ri Babel.

YEHEZKIEL 17:4

nampa naerang na napadongko' ri se'reang kota pa'danggangang suaraka.

YEHEZKIEL 19:1

Nasuroa' Allata'ala angkelongangi anne kelong-kelong karruka mae ri ruaya karaeng Israel:

YEHEZKIEL 19:13

Kamma-kamma anne nilamungi ri parang kassi', ri butta roso' tenaya je'ne'na.

PAOLE 28:36

Punna tena numannuruki ri Batara Allata'alanu, ikau siagang karaennu laNaerangko Batara mange ri pa'rasanganna bansa maraeng tenaya nanuassengi, siagang tena todong nanaassengi boe-boenu. Anjoreng lanupare' atai kalennu mae ri rewata-rewata nipareka battu ri kayu siagang batu.