2 KARAENG-KARAENG 23:8 - KITTA' MATANGKASA'

^8-9 Sikontu imang-imang niaka ammantang ri kota-kotana Yehuda nisuro kabusuki ri Yosia battu ri Yerusalem. Nampa kemae-kemae ri sikontu pa'rasangang Yehuda, iamintu ri tampa'-tampa' le'baka napammantangngi imang-imanga assare koro'bang, napanraki kabusuki Yosia tampa'-tampa' pakkoro'bangnganga mae ri rewataya. Anjo imang-imanga tenamo nanipa'biangi ammimping sambayang lalang ri Balla'Na Batara. Mingka akkulleji ke'nanga angnganre roti tenaya nammake pa'gambang iamintu nipasadia untu' aganna ke'nanga maraenga. Sikamma tampa' pakkoro'bangngang untu' panynyombang mae ri rewataya iamintu niaka ri ampi'na Pakke'bu' Lompo Yosua, walikotana anjo pa'rasanganga, niruntung kabusuki. Anjo pakke'bu' lompoa niaki ri sa'ri kairinna Pakke'bu' Lompo Uru-urua ri oloang antamaka ri kotaya.

2 KARAENG-KARAENG 23:8 ပူးပေါင်းရင်းမြစ်များ

PA'JARIANG 21:14

Ammukona bari'basa', nasaremi Abraham kanre Hagar siagang se're pammoneang je'ne' untu' a'jari bokong ri lampana. Napadenge'mi anjo anaka ri dongko'na Hagar, nampa nasuro anjo bainea a'lampa. A'lampami Hagar mange ri parang lompona Bersyeba.

PA'JARIANG 21:31

Kammaminjo naniaremmo anjo tampaka Bersyeba, nasaba' anjoremmi anjo tau ruaya massing assumpa.

PA'JARIANG 26:23

Nampa a'lampamo Ishak nabattu mange ri Bersyeba.

1 KARAENG-KARAENG 15:22

Le'baki anjo, sikontu tau niaka ri Yerusalem niparentakangi ri Karaeng Asa untu' angngangka' batu siagang kayu le'baka napake Baesa ri Rama untu' angkassakki anjo kotaya. Anjo bahang-bahanga napakemi Asa untu' angkassakki kota Mizpa siagang Geba, iamintu kota niaka ri daera Benyamin.

1 KARAENG-KARAENG 19:3

A'jari malla'mi Elia, sa'genna lari sollanna tena nibunoi. A'lampai siagang palayanna mange ri Bersyeba ri Yehuda. Anjoreng naboli'mi anjo palayanna,

1 PATTOTTORANG 6:60

Ri daerana suku Benyamin anggappa tommi ke'nanga desa-desa siagang parang ruku'na, iamintu: Geba, Alemet, siagang Anatot. Yangasenna nia' sampulo antallu desa untu' a'jari tampa' napammantangia kaluargana ke'nanga.

YESAYA 10:29

Allalomi ke'nanga ri pa'limbangnganga siagang a'bangngi ke'nanga ri Geba! Annekkere'mi pandudu'na kota Rama, siagang larimi pandudu'na Gibea, kotana Saul.

YEHEZKIEL 44:10

Nakana Batara ri nakke, “LaKuhukkungi tu Lewi siagang tu Israel maraengannaya, lanri nabokoiA' siagang anynyombai ri barhala.

AMOS 5:5

Teako a'lampai mange ri Bersyeba untu' anynyomba. Teako boyaiA' ri Betel, nasaba' lalanynyaki Betel. Tea tongko a'lampai mange ri Gilgal, nasaba' pandudu'na anjo kotaya laniengkaki mange ri pammelakkanga.”

ZAKHARIA 14:10

Sikontu pa'rasanganga appakkaramula battu ri Geba bageang wara' sa'genna Rimon ri bageang timboro', la'jari lappara' ngasengi. Mingka Yerusalem lammenteng tinggi nai', la'bi tinggiangngang nabutta niaka ri tammulilina; anjo kotaya la'la'baki appakkaramula battu ri Pakke'bu' Lompo Benyamin sa'genna mange ri Pakke'bu' Lompo Panyingkulu', iamintu tampa'na pakke'bu' lompo Makase'rea siagang battu ri Menara Hananel sa'genna mange ri tampa' pammaccokang anggoro'na karaenga.

HAKING-HAKING 20:1

Jari battumi sikontu umma' Israel, battu ri Dan bageang wara' sa'genna Bersyeba bageang timboro', na Gilead bageang iraya untu' ambantui anjo pakkioka. A'rappummi siagang asse'remi ke'nanga ri Mizpa ri dallekanNa Batara.