2 KARAENG-KARAENG 23:4 - KITTA' MATANGKASA'

⁴ Le'baki anjo naparentakammi karaenga mae ri Imang Lompo Hilkia, sikamma imang pambantua siagang sikamma pangawala' tugasaka ri pakke'bu' Balla'Na Batara, sollanna napasulu' battu ri anjo Ballaka sikontu pakkakasa' le'baka nipake untu' anynyomba ri Baal, Dewi Asyera, siagang bintoeng-bintoenga. Sikontu anjo barang kammaya natunui Karaeng Yosia ri pantaranna kotaya ri ampi'na Ka'bung Lappara' Kidron, nampa nierang auna mange ri Betel.

2 KARAENG-KARAENG 23:4 ပူးပေါင်းရင်းမြစ်များ

2 SAMUEL 15:23

Angngarru' lompo kabusu'mi ra'yaka ri wattunna nabokoimo pasukang-pasukanna Daud anjo kotaya. Nampa a'limbang karaenga ri pangka Binangana Kidron nipinawang ri sikontu pasukanna, nampa a'jappa ke'nanga a'lampa mange ri parang lompoa.

1 KARAENG-KARAENG 12:29

Nampa naboli' Yerobeam kalase'renna anjo sapi bulaenga ri Betel, na maraengannaya ri Dan.

1 KARAENG-KARAENG 15:13

Toana, Maakha, napammari battu ri kadudukanna salaku amma' karaeng, lanri le'ba'na appare' patung barhala salaya untu' Asyera, iamintu rewata baine untu' kacoppongang lamung-lamung. Narumbangi Asa anjo barhalaya nampa natunu ri Lappara' Kidron.

1 KARAENG-KARAENG 16:31

Tenapa nasukku' nasa'ring doraka sangkammaya nagaukanga Yerobeam, ia ba'lalo nabuntingi Izebel ana'na Karaeng Etbaal battu ri Sidon, siagang assambayangi mae ri Baal.

1 KARAENG-KARAENG 18:19

Kamma-kamma anne parentakammi sikontu ra'ya' Israel untu' angngaganga' sibuntulu' ri Moncong Karmel. Erang tongi anjo 450 na'bi Baal siagang 400 na'bi rewata baine Asyera, ia niongkosia ri Izebel bainenna karaenga!”

1 KARAENG-KARAENG 18:26

Jari ammilemi ke'nanga sikayu sapi nampa napasadia. Le'baki anjo appala' doammi ke'nanga ri Baal, battu ri bari'basa' sa'genna tangngallo siagang akkiok-kio', “Baal, pilangngeri ikambe!” Nagaukammi ke'nanga nampa turus a'joge'-joge' ri tammulilina anjo tampa' koro'banna ke'nanga. Mingka tena sikali pappiali mae ri ke'nanga.

1 KARAENG-KARAENG 18:40

Jari nakanamo Elia, “Jakkala' ngasengi anjo na'bi-na'bi Baal! Teako lappassangi nia' ta'lappasa' manna sitau!” Nampa nijakkala' ngasemmo anjo na'bi-na'bia ri anjo taua. Nampa nierang anjo na'bi-na'bi Baal ri Elia mange ri Binanga Kison, nanabuno ngaseng ke'nanga anjoreng.

1 KARAENG-KARAENG 19:18

Mingka nia' 7.000 tu Israel laKupasalama', iamintu sikamma tau tuli majarreka mae ri Nakke siagang tenaya nale'ba' su'ju' anynyomba ri patung Baal yareka nabaui.”

2 KARAENG-KARAENG 10:26

nampa napasulu' patunna anjo Baalka nampa natunu.

2 KARAENG-KARAENG 12:10

Punna jaimo doe' lalang ri anjo pattia, tuli battumi jurutulisi'na karaenga siagang Imang Lompoa anrekengi anjo doeka, nampa naroko'.

2 KARAENG-KARAENG 17:16

Nadakkai kabusuki sikamma hukkunNa Batara, Allata'alana ke'nanga siagang appareki ke'nanga ruang kayu sapi tambaga untu' nasomba. Appareki ke'nanga patung Dewi Asyera, anynyombai bintoeng siagang mae ri Rewata Baal.

2 KARAENG-KARAENG 21:3

Tampa'-tampa' panynyombanga mae ri rewataya iamintu le'baka naputta Hizkia manggena, nabangungi ammotere'. Ambangungi tampa'-tampa' pakkoro'bangngang untu' anynyomba mae ri Baal, kammayatompa appareki patung Dewi Asyera, sangkamma todong nagaukang Ahab karaeng Israel. Anynyomba tongi Manasye mae ri bintoeng-bintoenga.

2 KARAENG-KARAENG 21:5

Ri anjo ruaya paranglakkenna Balla'Na Batara nabangungi Manasye tampa'-tampa' pakkoro'bangngang untu' anynyomba mae ri bintoeng-bintoenga.

2 KARAENG-KARAENG 21:7

Gambara'na Dewi Asyera naboliki lalang ri Balla'Na Batara, padahala' ri passala'na anjo tampaka le'ba'mi Napau Batara mae ri Daud siagang ana'na iamintu Salomo angkana, “Anne BallakKu siagang anne kota Yerusalem, le'ba'mi Kupile battu ri alla'na daera sampuloa anrua suku Israel, iamintu tampa' le'baka Kupattantu a'jari tampa' panynyombang mae ri KalengKu.

2 KARAENG-KARAENG 23:12

Sikamma tampa' pakkoro'bangngang nibangunga ri Karaeng-karaeng Yehuda ri pattongko' rateanna kamara'-kamara'na Karaeng Ahas, naputta tongi. Kammayatompa tampa'-tampa' pakkoro'bangngang nibangunga ri karaeng Manasye ri ruaya paranglakkenna Balla'Na Batara, naputta kabusu' tongi Yosia, nampa napela' antama ri Ka'bung Lappara' Kidron.

2 KARAENG-KARAENG 23:15

Napanraki tongi tampa' panynyombanga ri Betel nabangunga Karaeng Yerobeam ana'na Nebat, karaeng angngerangai tu Israel mae ri gau' dosaya. Nampa nareppe' Yosia tampa' pakkoro'bangngang niaka ri anjo tampa' panynyombanga, siagang natunu siagang patunna Dewi Asyera niaka anjoreng.

2 KARAENG-KARAENG 25:18

Pantaranganna anjo najakkala' tongi Nebuzaradan iamintu Imang Lompo Seraya, Zefanya imang pambantuna, tallu tau pajaga pakke'bu' Balla'Na Batara, lima tau biasaya napappalakki pappitangara' karaenga niaka ija ri kotaya, panglima, wakkele' panglima pangurusu'na sura'-sura'na tantaraya, siagang 60 tumalompo maraengannaya.

2 PATTOTTORANG 15:16

Nampa napammari Karaeng Asa anjo toana niarenga Maakha battu ri jama-jamanna a'jari Amma' Karaeng lanri le'ba'na appare' patung barhala rantasaka untu' Asyera, dewi ri kacopponganga. Naruntungi siagang naancuru' tabasikali Asa anjo patunga nampa natunu anjoreng ri Lappara' Ka'bung Kidron.

2 PATTOTTORANG 33:3

Sikamma tampa'-tampa' panynyombang barhala le'baka naputta Hizkia, manggena, nabangungi ammotere'. Ambangungi tampa'-tampa' pakkoro'bangngang untu' anynyomba ri Baal, siagang appareki patung-patung Dewi Asyera, kammayatompa anynyombai ri bintoeng-bintoenga.

2 PATTOTTORANG 33:7

Naboliki patung barhalaya lalang ri Balla'Na Batara, padahala' le'ba'mi angkana Allata'ala mae ri Daud siagang Salomo ana'na, angkanaya, “Anne BallakKu ri Yerusalem, le'baka Kupile, battu ri alla'na sampuloa anrua daera ri Israel, le'ba'mi Kupattantu a'jari tampa' panynyombang mae ri KalengKu sa'genna satunggu-tungguna.

YESAYA 27:9

Mingka iapa nakkulle nipammopporang dosa-dosana Israel punna nigiling sikamma tampa' pakkoro'bangnganga mae ri rewata-rewataya sa'genna a'jari alusu' rapang pa'leo'. Sikamma pa'dupanga siagang pannanraina rewata baine niarenga Asyera musti niancuru' tongi.

YEREMIA 52:24

Pantaranganna anjo, Nebuzaradan najakkala' tongi Imang Lompo Seraya, Zefanya, iamintu wakkele'na, tallu tau pajaga pakke'bu'na Balla'Na Batara,

YEREMIA 7:9

A'lukkakko, ammunoko, a'gau' bawangko, sa'bi balle-balleko, assareko koro'bang mae ri Rewata Baal, siagang anynyombako mae ri rewata-rewata tenaya nanuassengi.

YEHEZKIEL 8:6

Nakana Allata'ala ri nakke, “He tau, apa nucini' kajariang? Parhatikangi sikamma panggaukang appakaringi' nagaukanga tu Israel, ampakabellaiA' battu ri BallakKu! Maeko, laKupicinikiangko apa-apa la'bi kodiangnganga pole.”

HOSEA 4:15

He ikau ngaseng tu Israel, tena namajarre' pa'mai'nu mae ri Nakke! Mingka, Kurannuangi Yehuda natenaja nagaukang tongi kasalang kammaya! Teako mangei anggaukangi ibadanu ri Gilgal yareka ri Betel. Teako assumpai anjoreng lanri arenNa Batara mattallasaka.

AMOS 4:4

Nakana Batara Kaminang Tinggia, “He umma' Israel! A'lampa lalo mako mange ri tampa' ibadaya ri Betel, siagang gaukammi dosaya anjoreng! A'lampako mange ri Gilgal siagang gaukammi dosaya situru' pangngainnu! Assare mako koro'bang tunggala' bari'basa', siagang angngerang bage sampulona battu ri sikontu alle polenu lalang tunggala' tallungalloa!

ZEFANYA 1:4

LaKuhukkungi pandudu'na Yerusalem siagang sikontu Yehuda. Sesa-sesa panynyombanga mae ri Rewata Baal laKupa'lanynyaki battu ri anjo tampa'-tampaka. Imang-imang allayania mae ri Rewata Baal lanikaluppai taba sikali ngasengi.

MATIUS 26:3

Anjo wattua a'rappungammi imang-imang kapalaya siagang sikamma pinggawana tu Yahudia ri balla' lompona Imang Malompona Kayafas.

MATIUS 27:1

Ri bari'basa' dudua, natappukimi sikontu kapala imanga kammayatompa pamimping-pamimpinna tu Yahudia, angkanaya lanabunoi Isa.

YOHANES 18:1

Le'baki appala' doang kamma anjo, a'lampami Isa siagang ana'-ana' gurunNa anta'leang ri ba'leanna Binanga Kidron. Anjoreng nia' se're koko. Antama'mi Isa siagang ana'-ana' gurunNa ri anjo kokoa.