2 KARAENG-KARAENG 23:36 - KITTA' MATANGKASA'

³⁶ Wattunna a'jari Karaeng Yoyakim ri Yehuda, 25 taung umuru'na, siagang ammarentai ri Yerusalem 11 taung sallona. Amma'na niarengi Zebuda, ana'na Pedaya battu ri kota Ruma.

2 KARAENG-KARAENG 23:36 ပူးပေါင်းရင်းမြစ်များ

1 PATTOTTORANG 3:15

Yosia nia' appa' ana'na bura'ne, iamintu: Yohanan, Yoyakim, Zedekia, siagang Yoahas.

2 PATTOTTORANG 36:5

Wattunna a'jari Karaeng Yoyakim ri Yehuda, 25 taung umuru'na, siagang 11 taung sallona ammarenta ri Yerusalem. Dorakai panggaukanna mae ri Karaeng Allata'alana.

YEREMIA 1:3

Le'baki anjo a'bicarai pole Batara ri ia a'mole-mole, appakaramula ri rewasa' ammarentana Yoyakim ana'na Yosia sa'genna taung makasampulo asse're ri rewasa' ammarentana Zedekia ana'na Yosia. Ri bulang makalima anjo todong taunga niengkaki pandudu'na Yerusalem mange ri butta pammelakkanga.

YEREMIA 22:18

Lanri kammana anjo, ri sesena Yoyakim karaeng Yehuda, ana' bura'nena Yosia, kammaminne kananNa Batara, “Kamateanna tena nalanikarruki; tena tau lakkana, ‘Kodong, agangku, kodong.’ Tena tau lasusa yareka ammarrang angkana, ‘Kodong karaeng!’

YEREMIA 22:19

Lanire'resangi Yoyakim nampa nipasambila assulu' battu ri pakke'bu' lompona Yerusalem, sangkamma nagaukanga taua mae ri keledai matea.”

YEREMIA 26:1

Tena nasallo Yoyakim ana' bura'nena Yosia a'jari karaeng Yehuda,

DANIEL 1:1

Narapiki tallun taung Karaeng Yoyakim ammarenta ri Yehuda, battumi Nebukadnezar, iamintu karaeng Babel, ambunduki siagang angkurungi kota Yerusalem.