2 KARAENG-KARAENG 23:33 - KITTA' MATANGKASA'

³³ Kala'busangi Yoahas ammarenta ri wattunna nijakkala' ri Nekho karaeng Mesir ri Ribla daera Hamat, siagang nipassai tu Yehuda a'bayara' 3.400 kilo pera' siagang 34 kilo bulaeng.

2 KARAENG-KARAENG 23:33 ပူးပေါင်းရင်းမြစ်များ

1 KARAENG-KARAENG 8:65

Ri Balla'Na Batara anjo, Salomo siagang sikontu umma' Israel appare'mi passua'-suarrang untu' ampakalompoi Allo Lompona Pa'ballakang Leko'-lekoka, lalang tuju allo sallona. Teai sipato' jaina anjo tau a'rappunganga anjoreng. Battui ke'nanga ri daera agang mangea ri Hamat bellana ri bageang wara', sa'genna mange ri pa'baeng-baenna Mesir bageang timboro'.

2 KARAENG-KARAENG 18:14

Jari akkirimmi Hizkia mange ri Sanherib niaka ri Lakhis, kabara' kammaya anne, “Inakke salama'. Lanri kammana anjo, kupalaki ri katte poro kipamari lalomi ambunduki anne ikambe. Sikontu pappalatta lakuturukiangki'.” Appialimi Hizkia angkanaya musti akkiringi Hizkia mae ri ia 10.000 kilogarang pera', siagang 1.000 kilogarang bulaeng.

2 KARAENG-KARAENG 23:35

Sollanna akkulle nabayara' pa'bayara' natuntuka Karaeng Mesir, nasuromi Karaeng Yoyakim ra'yaka a'bayara' sima situru' massing pakkullena ra'yaka.

2 KARAENG-KARAENG 25:20

Kabusu'na anjo taua nierangi mange ri Karaeng Nebukadnezar ri kota Ribla,

2 KARAENG-KARAENG 25:6

Nampa nierang Karaeng Zedekia mange ri Karaeng Nebukadnezar ri kota Ribla, nampa nitappu' hukkungang mate.

KALAPPASSANG 21:22

Punna nia' siapa are tu bura'ne assiba'ji nampa kalase'renna ri ke'nanga napa'risi se'rea baine sitabanga attianang sa'genna nalari cera', mingka tenaja nakapanrakangi ri bageang maraenga ri kalenna anjo taua musti a'bayaraki doe' passala situru' pappala'na bura'nenna anjo bainea siagang nisitujui ri haking-hakinga.

PANGNGEBARANG 19:19

Boli'mi kamma tau lintaka larro nakasia' kale'bakkanna. Punna nutulungi, poro nutambaiji kalarroanna.

YEREMIA 46:2

appakkaramula siagang Mesir. Napauanga' ri passala'na tantarana Nekho karaeng Mesir, nibetaya ri Karkemis ri ampi'na Binanga Efrat ri Nebukadnezar karaeng Babel lalang taung makaappa' pamarentahanna Yoyakim, karaeng Yehuda. Iaminne Napaua Batara ri sesena anjo passalaka,

YEHEZKIEL 19:7

Nalappoi tembo'-tembo' pattahangnganga, napanraki kota-kotaya. Annekkere'mi pandudu'na sikontu pa'rasanganga nalangngere'na sa'ranna a'gamarrunga.

YEHEZKIEL 19:9

Nipantamaki ri kurungang singa nampa nierang mange ri Babel andallekang ri karaeng. Nijarreki jagana sollanna tenamo nakalangngerang sa'ranna irate ri bulu'-bulu' tinggina Israel.

PAMMILANGNGANG 13:21

Jari a'lampami anjo ke'nanga mange ri bageang wara' nampa nasalidiki anjo pa'rasanganga appakkaramula battu ri parang lompo Zin ri bageang timboro' sa'genna wara' ri kota Rehob, ri ampi'na agang mangea ri Hamat.

PAMMILANGNGANG 34:11

Battu anjoreng na naung mange ri Ribla ri bageang rayanganna Ain, nampa tulusu' mange ri bulu'-buluka ri biring rayanganna Tamparang Galilea,