2 KARAENG-KARAENG 23:26 - KITTA' MATANGKASA'

²⁶ Mingka panggaukanna Karaeng Manasye ampanaiki larroNa Batara mae ri tu Yehuda; nampa anjo larroNa tenapa nanaung.

2 KARAENG-KARAENG 23:26 ပူးပေါင်းရင်းမြစ်များ

2 KARAENG-KARAENG 22:13

“A'lampako mange akkuta'nang ri Batara untu' inakke siagang untu' sikontu ra'ya' Yehuda ri passala'na anne kittaka. Larroi Batara mae ri katte lanri tenana nagaukangi boe-boeta parenta-parenta niaka tattulisi' lalang ri anne kittaka.”

2 KARAENG-KARAENG 24:2

Appabattui Batara garombolang-garombolang angngeranga sanjata battu ri Babel, Siria, Moab siagang Amon untu' angngewai Yoyakim siagang angngancuruki Yehuda, situru' apa le'baka Nakanang tete ri sikamma na'bi-na'bia atanNa.

2 KARAENG-KARAENG 24:20

Teai sipato' larroNa Batara mae ri pandudu'na Yerusalem siagang ri tu Yehuda, sa'genna tenamo Naparhatikangi ke'nanga.

2 KARAENG-KARAENG 24:3

Anjo kajariang kammaya memang musti kajariangi, lanri le'ba'mi Napau riolo Batara angkanaya lanipelaki bansa Yehuda battu ri pa'rasangang le'baka Napassareang Batara mae ri ke'nanga. Nipelaki ke'nanga lanri sikontu dosa nagaukanga Karaeng Manasye;

2 KARAENG-KARAENG 24:4

la'biangampa lanri sikontu pammunoang nagaukanga mae ri sikamma tau tenaya nasala. Tena Naero' Batara ampamopporangi Manasye lanri anjo panggaukang-panggaukang kammana.

2 PATTOTTORANG 35:20

Le'baki nagaukang kabusu' Karaeng Yosia anjo sikammaya untu' Balla'Na Batara, ero'mi Nekho karaeng Mesir mange ampimpingi pasukanna untu' a'lampa a'bundu' ri Karkemis ri ampi'na Binanga Efrat. Ero'mi Yosia ampisangkai Nekho,

2 PATTOTTORANG 36:16

Mingka napare' karek-karenanji anjo sikamma tunisuroNa Allata'ala, siagang nakakkali na'bi-na'biNa, kammayatompa tena najampangi kana-kananNa. Kale'bakkanna sanna'mi larrona Batara mae ri ke'nanga, siagang takkulleami ke'nanga ta'lappasa' battu ri hukkunganNa Batara.

EZRA 10:14

Kisaremi ising sikamma pamimpinna ikambe ammantang ri Yerusalem untu' angngurusuki anne passalaka. Nampa inai-nai tau niaka ri kotana ikambe, ia niaka bansa maraeng bainenna, musti battui ri allo nipattantua, siagang sikamma pamimping siagang sikamma hakinga massing ri kota-kotana. Lanri kammana anjo talalarroami pole Allata'ala mae ri katte lanri passabakkang anjo passalaka.”

YEREMIA 23:20

Talanaungai larroNa lalang tenanapa na'rupa ngaseng sikontu rancanaNa. Ri bokoangallo lanapahang bajiki umma'Na Batara anjo passalaka.”