2 KARAENG-KARAENG 23:25 - KITTA' MATANGKASA'

²⁵ Tena le'bakai nia' karaeng sangkamma Yosia, attojeng-tojenga ri pa'mai'na anynyomba mae ri Batara, siagang napa'nyatami anjo lalang ri carana attallasa' siagang appanggaukang, situru' sikontu hukkung niaka tattulisi' lalang ri kitta'na Musa. Manna ri tenanamo Yosia, tena tommo karaeng sangkammanna.

2 KARAENG-KARAENG 23:25 ပူးပေါင်းရင်းမြစ်များ

1 KARAENG-KARAENG 15:5

Kammaminjo Nagaukang Batara lanri nipakasannangi atinNa ri Daud. Tena nale'ba' Daud ambalang parekangi parenta-parentaNa Batara, pantaranganna ri parkarana Uria, anjo tau battua ri Het.

1 KARAENG-KARAENG 2:4

Punna mannurukiko ri Batara, laNarupai janjinNa angkanaya turungangku lammarenta ri Israel, assala' tuli majarreki mannuruki ri sikontu parenta-parentaNa siagang situlusu'na atinna siagang nyawana ke'nanga.

1 KARAENG-KARAENG 8:48

Punna anjoreng ri pa'rasanganga attojeng-tojeng situlusu' pa'mai'na ke'nanga ambokoi dosa-dosana, nampa appala' doang mae ri Katte a'dalle' mae anrinni ri anne pa'rasangang Kipassareanga mae ri boe-boena ikambe, a'dalle' mae anrinni ri kota nipileTa siagang anne balla' passambayangang le'baka kubangung untu' iKatte,

2 KARAENG-KARAENG 18:5

Ri alla'na sikamma karaeng Yehuda, baji' rioloangannaya kammayatompa ribokoanganna Hizkia, tenamo sangkammanna. Ia tappaki ri Batara, Allata'alana Israel,

NEHEMIA 10:29

Nipasse're ngasemmi kalenta siagang sikamma pamimpinna ikambe untu' assumpa lattallasa' situru' hukkunNa Allata'ala, ia le'baka Napassareang tete ri atanNa iamintu Musa. Poro nitunrai ikambe punna tanarupaia ikambe anne parjanjianga. Assumpai ikambe lamannuruki ri sikontu parentaNa, hukkunNa siagang paratoranNa Batara, Allata'alana ikambe.

NEHEMIA 10:30

Assumpami ikambe untu' tala'buntinga accampuru' siagang bansa-bansa maraeng niaka ammantang ri pa'rasanganna ikambe.

YEREMIA 22:15

Pilangngeri, he Karaeng Yoyakim! Punna nubangung balla' karaeng battu ri kayu Libanon kaminang bajika, maka nukana anjo a'jari butti angkanaya ikau karaeng kaminang baji' battu ri sikamma karaeng maraenga? Coba sai u'rangi manggenu: Nakasiaki tallasa' mate'nea siagang angngerangi wassele' sikontu usahana, lanri tuli lambusuki siagang tena najekkong angngadeli, kammayatompa adeleki angngadeli parkarana tau kasi-asia. Memang kammaminjo mustina panggaukanna tau tappaka mae ri Batara.

YEREMIA 29:13

LanuboyA' nampa lanubuntulukKa', lanri attojeng-tojenna pa'mai'nu amboyA'.

MALEAKHI 4:4

U'rangi sikamma pangngajaranna atangKu Musa, u'rangi sikamma hukkung siagang parenta-parenta Kupassareanga ri ia ri Moncong Sinai untu' nituruki ri sikontu umma' Israel.

YOHANES 1:17

Nitarimai HukkunNa Batara, tete ri Musa. Mingka pangngamaseang siagang pangngatutuiNa Allata'ala nipa'nyatami lalang ri Isa Almasi.

YOHANES 7:19

Sai le'ba'mi napassareang Musa ri kau ngaseng sikamma Naparentakanga Allata'ala? Mingka tenanniakka ri kau ngaseng anggaukangi anjo Naparentakanga. Angngapa nanuero' ngaseng ambunoA'?”

PAOLE 4:29

Nampa lanuboya Karaeng Allata'alanu; siagang punna attojeng-tojengko ri pa'mai'nu amboyai, lanugappai.

PAOLE 6:5

Kamaseangi Karaeng Allata'alanu siagang sikontu pa'mai'nu: Pappicinikangi kammaya anjo lalang ampe-ampe tallasa'nu siagang lalang ri panggaukannu.