2 KARAENG-KARAENG 22:3 - KITTA' MATANGKASA'

^3-4 Nia' sitau jurutulisi'na Yosia, iamintu niarenga Safan ana'na Azalya, cucunna Mesulam. Ri taung makasampulo assagantuju ammarentana Karaeng Yosia, appasulu'mi parenta kamma anne Yosia mae ri anjo jurutulisi'na, “A'lampako mange ri Imang Lompo Hilkia ri Balla'Na Batara, siagang pappalakki laporang ri passala'na siapa jaina doe' le'baka napasse're sikamma imang tugasaka ri pakke'bu' antamaya ri Balla'Na Batara.

2 KARAENG-KARAENG 22:3 ပူးပေါင်းရင်းမြစ်များ

2 KARAENG-KARAENG 12:10

Punna jaimo doe' lalang ri anjo pattia, tuli battumi jurutulisi'na karaenga siagang Imang Lompoa anrekengi anjo doeka, nampa naroko'.

2 KARAENG-KARAENG 23:23

Ri taung makasampulo assagantuju bawang ri wattu ammarentana anjo Yosia nampami nipakalompo pole Allo Paskaya ri Yerusalem untu' ampakalompoi Batara.

YEREMIA 1:2

A'bicara Batara mae ri Yeremia ri taung makasampulona antallu lalang ammarentana Yosia ana'na Amon karaeng Yehuda.

YEREMIA 36:10

Nampa nabaca Barukh battu ri kitta' nigulunga sikontu apa-apa le'baka kupau, nampa appilangngeri ngaseng taua. Anjo kittaka nibacai lalang ri Balla'Na Batara ri kantoro'na Gemarya, ana'na Safan, jurutulisi'na pamarentaya. Anjo kantoroka niaki ri bageang rateang parang lakkenga, rampi'na oloang antamaya ri Pakke'bu' Lompo Beruna Balla'Na Batara.

YEREMIA 36:11

Mikhaya ana'na Gemarya siagang cucunna Safan nalangngereki Barukh ambacai kana-kananNa Batara battu ri anjo kitta' nigulunga.

YEREMIA 36:12

Nampa a'lampamo mange ri balla' karaenga, ri kantoro'na juru tulisi'na pamarentaya. Sitabangi rapa' anjoreng sikontu pagawe pamarentaya. Delaya ana'na Semaya, Elnatan ana'na Akhbor, Gemarya ana'na Safan, Zedekia ana'na Hananya, Elisama sitau jurutulisi', siagang sikamma pagawe maraenga niaki anjoreng.