2 KARAENG-KARAENG 22:19 - KITTA' MATANGKASA'

¹⁹ assesse'lalang mako siagang nupakatunami kalennu ri dallekangKu. Le'ba'mi Kugammara' Yerusalem siagang pandudu'na angkanaya eroki Kuhukkung. Eroki Kupa'jari anjo kotaya sanna' appakamalla'na nicini', siagang laKupa'jari anjo arenna Yerusalem kana pattunra. Mingka ri wattunna nulangngere' anjo kana panggammarakKu, angngarru' mako siagang nukae-kaemi pakeannu napakamma si'na pa'mai'nu. Kulangngere'mi pappala' doannu,

2 KARAENG-KARAENG 22:19 ပူးပေါင်းရင်းမြစ်များ

1 KARAENG-KARAENG 21:29

“Le'ba'mi nucini' antekamma batena Ahab ampakatunai kalenna ri dallekangKu? Lanri kammana anjo, tena nalaKupabattu balaya ri tallasa'na ija. Ri wattu ana'napi nampa Kupabattu anjo balaya mae ri kaluargana.”

2 KARAENG-KARAENG 19:20

Nampa akkiring pasang Na'bi Yesaya mae ri Karaeng Hizkia angkanaya salaku pappiali mae ri pappala' doanna karaenga,

2 KARAENG-KARAENG 20:5

ammotere' mange ri Hizkia, karaenna Umma'Na Batara, siagang napabattui pasang kammaya anne, “INakke, Batara, Allata'ala nisombaya ri boenu Daud, Kulangngere'mi pappala' doannu siagang Kucini'mi je'ne' matannu. LaKupammolleko battu ri garrinnu; ammembara' la'lampako mange ri BallakKu.

2 KARAENG-KARAENG 22:11

Nalangngere'na karaenga antekamma bonena anjo kittaka, nakae-kaemi pakeanna napakamma si'na pa'mai'na.

2 PATTOTTORANG 32:26

Mingka kale'bakkanna napakatunami kalenna Hizkia siagang tu Yerusalem; jari lalang attallasa'na ija Hizkia, tenapa nanipabattui anjo hukkunganga.

2 PATTOTTORANG 33:12

Lalang nakasia'namo anjo sessaya napakatunami kalenna ri dallekanNa Karaeng Allata'alana, nampa appala' doang appala' pannulung.

2 PATTOTTORANG 33:19

Lalang ri kitta' Pau-pauanna Na'bi-na'bia nia' tongi nicata' pappala' doanna Manasye siagang papialinNa Allata'ala mae ri anjo pappala'na, kammayatompa carita ri passala'na dosa-dosa nagaukanga lalang tenanapa natoba', tampa'-tampa' panynyombang barhala siagang patung-patung Dewi Asyera napareka, siagang barhala-barhala nasombaya.

2 PATTOTTORANG 33:23

Mingka tena nasangkamma manggena anne Amon, lanri tena naero' ampakatunai kalenna siagang taerokai ammotere' mae ri Batara; ba'lalo la'bi lompoangngangi dosana na dosana manggena.

2 PATTOTTORANG 34:27

assesse' lalang mako siagang nupakatunami kalennu ri dallekangKu. Le'ba'mi Kupau angkanaya laKuhukkungi Yerusalem siagang sikontu pandudu'na, mingka ri wattu nulangngere'na anjo kanangKu angngarru' mako siagang nukae-kaemi pakeannu tanra si'nana nyawanu. Kulangngere'mi pappala' doannu,

EZRA 10:1

Lalang appala' doanna Ezra siagang angngarru' appala' popporo' ri dallekanna Balla'Na Batara, sanna' jaina tu Israel battu a'rappungang, bura'ne, baine, siagang ana'-ana'. Nakulilingi ke'nanga anjo Ezra nampa angngarru' lompo ngaseng.

NEHEMIA 1:4

Kulangngere'na anjo kabaraka, ammempoma' naung nampa angngarru'. Pirangallo arei tuli si'na kusa'ring pa'maikku. Tulusu' appuasama' siagang appala' doang ri Allata'ala,

NEHEMIA 8:9

Nalangngere'na ke'nanga nibaca anjo Hukkunga, a'jari dinging-dingimmi pa'mai'na ra'yaka allangngereki, nampa angngarru' ke'nanga. Jari nakanamo guburnur Nehemia siagang Imang Ezra kammayatompa sikamma anjo tu Lewi ampakasingarakai anjo Hukkunga ri sikontu anjo ra'yaka, “Anne alloa, allo nipakatangkasa' untu' Karaeng Allata'alanu ngaseng, jari teako si'nai siagang teako angngarruki.

PAMMUJI 119:120

Annekkerekka' lanri malla' ri Katte, annekkereki pa'maikku ri kaputusanTa.

PAMMUJI 119:136

Assolongi je'ne' matangku sanrapang binanga, lanri tenana nituruki hukkunTa.

PAMMUJI 51:17

O, Batara, tulunga' a'bicara, nakulammuji-muji mae ri Katte.

PAMMUJI 51:19

Koro'bang untu' Allata'ala iamintu pa'mai' ancuruka, pa'mai' tunduka siagang tobaka tena naKitollaki.

KALAPPASSANG 10:3

Nampa a'lampami Musa siagang Harun mange andallekang ri karaenga na nakana ri ia, “Batara, Allata'alana bansa Ibrani, appasangi angkana, ‘Siapapi sallonu taeroka tundu' mae ri Nakke? Lappassammi ummakKu a'lampa, sollanna akkulle ke'nanga nagaukang ibadana mae ri Nakke.

YESAYA 46:12

PilangngeriA', he sikamma tau tampoa, ikau angkapangai angkanaya bella iji pammetanga.

YESAYA 57:15

Saba' kammaminne kananNa Allata'ala Kaminang Tinggia na matangkasa', makoasaya sa'genna satunggu-tungguna, “AmmantangA' ri tampa' tinggia siagang tangkasaka, mingka ammantang tongA' ri alla'na tau tuna pa'maika siagang tau assesse' lalanga lanri dosa-dosana, untu' ampamollei sumanga'na siagang panrannuanna ke'nanga.

YESAYA 66:2

Sikontu linoa sangnging bate pare' limangKu, jari yangasenna anjo apa nipa'jari. Mingka ia Kungaia iamintu tau tuna pa'maika, assesse' lalanga lanri dosa-dosana, ia mallaka siagang mannurukia mae ri Nakke.

YESAYA 66:5

Pilangngeri apa Napaua Batara, he ikau mallaka siagang mannurukia mae ri Ia, “Lanri tamamminranu mae ri Nakke, nia' ri bansanu angkabirisiko, na taeroka ansileporangko. Nacau-cauko ke'nanga na nakana, ‘Lappassammi Napappicinikang Batara kala'biranNa, sollanna nacini' ikambe karannuannu.’ Mingka kalenna tonji ke'nanga anggappa siri'-siri'.

YEREMIA 13:17

Punna kuttu nyawanu mappilangngeri, la'mere'-merekia' angngarru'. Pacce pa'maikku angkarruki anjo katampoannu. Lammattiki je'ne' matangku lanri niengka'na umma'Na Batara salaku tunitahang.

YEREMIA 14:17

Nasuroa' Batara ampauangi si'naku mae ri umma'Na. Musti akkana' kamma anne, “Boli'ma' tenammariku angngarru', allo bangngi ammatti' je'ne' matangku. Nasaba' loko' sanna'mi bansaku siagang teai sipato' sessana

YEREMIA 26:6

Punna tuli teanu mappilangngeri, anne balla' sambayanga laKupa'jari sangkamma Silo, sa'genna sikontu bansaya ri lino napakei arenna kota Yerusalem anne salaku kana pattunra.”

YEREMIA 36:13

Napaui mae ri ke'nanga sikontu anjo apa nabacaya Barukh ri Balla'Na Batara.

YEREMIA 36:24

Manna pole sanna' napala'na Elnatan, Delaya, siagang Gemarya sollanna tena natunui karaenga anjo kitta' nigulunga, mingka taerokai karaenga ampilangngeri ke'nanga. Baji' nakaraenga kammayatompa sikamma pagawe allangngerekai bonena anjo kittaka tena na'jari malla' yareka assesse' lalang nicini'.

YEREMIA 44:22

Tenamo Natahangi Batara ancinikko assare koro'bang mae ri rewata-rewata maraenga. Anjo panggaukannu ja'dalaki siagang tunai. Doraka mako mae ri Batara siagang tenamo numannuruki ri parenta-parentaNa. Lanri kammana anjo, kamma-kamma memang anne ancuru'mi pa'rasangannu sa'genna tenamo nakkulle nipammantangngi, siagang arenna nipakemi a'jari kana pattunra. Tau ancinikai a'jari sanna'mi malla'na.”

YEREMIA 9:1

Tamaka baji'na ka'de' ulungku rapangi bungung rassia je'ne', na matangku rapangi salu' je'ne' tulusu' assolonga je'ne'na! Nakuakkulle angngarru' allo bangngi, angkarruki julu bansaku nibuno ri musu.

YEHEZKIEL 9:4

“A'lampako mange ri sikontu kotaya siagang sarei pammatei abanna sikamma tau si'naya siagang susaya pa'mai'na lanri anjo panggaukang appakaringika ri anjo kotaya.”

MIKHA 6:8

Tena! Le'ba'mi Napa'nyata Batara mae ri katte apa bajika. Ia Natuntuka battu ri katte iamintu sollanta a'gau' adele', tuli nigaukangi mangngamaseanga, siagang nipakatuna tallasatta asse're mae ri Allata'alata.

PAMMILANGNGANG 25:6

Ri wattunna angngarru' Musa siagang sikontu ummaka ri pakke'bu' KemaNa Batara, nia'mo nacini' ke'nanga sitau tu Israel angngerang baine tu Midian antama ri kemana.

LUKAS 19:41

Ri wattunna pila' a'reppese' Isa ri Yerusalem, naNacini'mo anjo kotaya, angngarru'mi.

PAOLE 29:23

La'jari parang kalotoro' karringi sikamma kokonnu nitongko' ri batu a'rinra siagang ce'la. Takkulleai nulamungi buttana, siagang tea tommi attimbo ruku'-rukuka anjoreng. Lasangkammai kota-kota Sodom siagang Gomora kammayatompa Adma siagang Zeboim anjo pa'rasangannu, iamintu niancuruki ri wattu a'rinra-rinrana larroNa Batara.

HAKING-HAKING 20:26

Jari a'lampami pole umma' Israel mange ri Betel nampa angngarru' mae ri Batara. Anjoreng appuasai ke'nanga sa'genna bangngi siagang assarei koro'bang passiamakkang na koro'bang nitunu mae ri Batara.

1 SAMUEL 24:5

Mingka le'baki anjo salami nasa'ring kalenna Daud anggaukangi anjo kammaya.