2 KARAENG-KARAENG 21:9 - KITTA' MATANGKASA'

⁹ Mingka tu Yehuda tena namannuruki ri Batara, na ba'lalo Manasye angngerangi ke'nanga mae ri gau'-gau' dosa la'bi ja'dalaka na dosa nagaukang bansa-bansa nibongkaya ri Batara battu ri Kanaan ri wattunna napantamakki umma' Israel anjo pa'rasanganga.

2 KARAENG-KARAENG 21:9 ပူးပေါင်းရင်းမြစ်များ

1 KARAENG-KARAENG 14:16

Lanibokoi Israel ri Batara lanri dorakanamo Yerobeam siagang a'jaria passabakkang nadoraka todong tu Israel.”

2 KARAENG-KARAENG 16:3

Sangkamma tongi karaeng-karaeng Israel batena appanggaukang ri tallasa'na, ba'lalo napassareangi ana' bura'ne kalenna a'jari koro'bang mae ri rewataya, situru' kabiasang ja'dala'na sikamma tau nibongkaya ri Batara battu ri butta Kanaan ri wattunna napantamakki tu Israel anjo pa'rasanganga.

2 KARAENG-KARAENG 21:10

Lanri kammana anjo, tete ri sikamma na'bia, ata-atanNa Batara, Nakanamo Batara,

2 PATTOTTORANG 33:9

Naerangi Manasye ra'ya' Yehuda mange ri panggaukang dosaya, la'bi ja'dallangnganga nadosa nagaukanga bansa-bansa le'baka Nabongka assulu' Batara battu ri Kanaan ri wattunna napantamakki umma'Na Batara anjo pa'rasanganga.

2 PATTOTTORANG 36:16

Mingka napare' karek-karenanji anjo sikamma tunisuroNa Allata'ala, siagang nakakkali na'bi-na'biNa, kammayatompa tena najampangi kana-kananNa. Kale'bakkanna sanna'mi larrona Batara mae ri ke'nanga, siagang takkulleami ke'nanga ta'lappasa' battu ri hukkunganNa Batara.

NEHEMIA 9:26

Mingka apparicui ummatTa na tamannurukia, nabawang-bawangngangi hukkunTa siagang paratoranTa, nabunoi na'bi-na'bi ampakaingakai ke'nanga, assuroai ke'nanga ammotere' ri Katte, Allata'alana. O, Batara, a'mole-mole tongKi' nihina ri ke'nanga.

PAMMUJI 12:8

Tu ja'dalaka a'la'bangi a'lampa kemae-kemae, nipakalompoi kaja'dallanga ri inai-nai tau. Mingka iKatte a'la'langi ikambe, o, Batara, Kijagaimi ikambe battu ri sikamma anjo tu ja'dalaka.

PAMMUJI 81:10

Tea' laloko niakki alla maraeng ri alla'nu, tea' laloko anynyombai ri rewata bansa maraeng.

PANGNGEBARANG 29:12

Punna naparhatikang pamarentaya kabara' balle-ballea, la'jari ja'dala' ngasengi sikontu pagawena.

YEHEZKIEL 11:12

Na nuassemmo angkanaya iNakke Batara siagang Kuhukkungko lanri le'ba'na nudakkai paratorang-paratorangKu siagang nubalang parekangi parenta-parentaKu lanri nuturukinna hukkung-hukkung bansa maraenga ri tammulilinu.”

YEHEZKIEL 16:47

Sanggami pakkasia'nu ampinawangi ke'nanga siagang ampalembai anjo panggaukang appakaringi'-ringi'na ke'nanga? Tenapa! Tasalloami nula'bi panrakkangngang pole nake'nanga.

YEHEZKIEL 22:3

Nasuroa' Batara Kaminang Tinggia ampabattui anne pasanNa mae ri Yerusalem, angkana, “Ikau salako lanri le'bakko ammuno jai tau battu ri pandudu'nu tonji, siagang nura'massi kalennu lanri anynyombako mae ri barhala-barhala nupareka kalennu. Lanri kammana anjo a'reppese'mi wattunnu laniadeli siagang lanarapi'mi kala'busang riwaya'nu. LaKubalang parekangko nicau-cau siagang nikakkali ri bansa-bansaya siagang ri sikontu pa'rasanganga.

YEHEZKIEL 5:6

Mingka Yerusalem natollaki parentaKu siagang a'nassami angkana ja'dallangngangi nabansa-bansa maraenga, ba'lalo la'bi tenangngang namannuruki nabansa-bansa maraenga ri tammulilina. Nadakkai Yerusalem parenta-parentaKu siagang taerokai tundu' mae ri hukkung-hukkungKu.”

YEHEZKIEL 5:7

Nakana Batara Kaminang Tinggia, “He Yerusalem, pilangngeri! Ikau tena numannuruki ri parenta-parentaKu siagang hukkung-hukkungKu; la'bi kapala batuangngangko nabansa-bansa maraeng niaka ri tammulilinu, siagang amminawang turukko mae ri kabiasanna anjo bansa-bansaya.

DANIEL 9:6

Tena namappilangngeri ikambe mae ri na'bi-na'bia, iamintu ata-atanTa, le'baka a'bicara lalang arenTa mae ri sikamma karaenna ikambe, mae ri sikamma pamimpinna ikambe, mae ri boe-boena ikambe kammayatompa mae ri sikontu bansana ikambe.

HOSEA 5:11

Nijallakkangi Israel; nialleangi buttana, lanri terasa'na nyawana untu' appala' tulung mae ri apa-apa tenaya nakkulle antulungi.

LUKAS 13:34

O, tuniaka ri Yerusalem, tuniaka ri Yerusalem! Nubunomi na'bi-na'bia! Nusambilami batu sa'genna mate sikamma tu Nasuroa Allata'ala! Pissiapa are mako ero' Kukalimbuki, sanrapang anrong janganga angkalimbuki ana'-ana'na irawanganna ka'nyi'na, mingka taeroka ngasengko!

YOHANES 15:22

Ebara' angkana tena naKubattu siagang tenapa naKupabattuang ngaseng anjo sikammaya mae ri ke'nanga, tenaja naladoraka ke'nanga. Mingka kamma-kamma anne tenamo alasanna ke'nanga untu' antongkoki dosana ke'nanga.

YAKOBUS 4:17

Lanri kammana, inai-nai angngassengi apa bajika, nanaasseng angkanaya musti nagaukangi anjo apa bajika mingka tena nagaukangi, anjo taua dorakami.

PAPPICINI' 2:20

Mingka nia' Kukabattallang mae ri kau ngaseng: Nusarei pa'mai' Izebel, anjo baine nakanaya kalenna tunisuro ri Allata'ala. Jaimi atangKu le'ba' natipu siagang naajara' untu' a'gau' bawang siagang angkanrei kanre le'baka nipassareang mae ri barhalaya.

1 SAMUEL 8:19

Mingka taerokai anjo bansaya anjampangi kananna Samuel. Ba'lalo nakana ke'nanga, “Boli'mi kamma! Manna pole antekamma eroki ikambe karaeng.