2 KARAENG-KARAENG 21:24 - KITTA' MATANGKASA'

²⁴ Mingka nibunoi ri ra'ya' Yehuda anjo sikamma tau ambunoai karaeng Amon, nampa ana'na Amon niarenga Yosia naangka' ke'nanga a'jari karaeng.

2 KARAENG-KARAENG 21:24 ပူးပေါင်းရင်းမြစ်များ

2 SAMUEL 5:3

Appare'mi parjanjiang Daud siagang anjo pamimping-pamimpinna tu Israel, nampa nilanti' ri ke'nanga a'jari karaeng mae ri Israel.

1 KARAENG-KARAENG 12:1

A'lampai Rehabeam mange ri Sikhem, lanri sikontu ra'yaka ri Israel bageang wara' nia'mi a'rappungang anjoreng untu' angngangkaki a'jari karaeng.

1 KARAENG-KARAENG 12:20

Ri wattu nalangngere'na sikontu ra'ya' Israel angkanaya ammotere'mi Yerobeam battu ri Mesir, naundammi ke'nanga Yerobeam mae ri se'reang tampa' pa'rappungang nampa naangka' ke'nanga anjo Yerobeam a'jari karaeng Israel. Ra'ya' suku Yehuda mami bawang amminawang ri turunganna Daud.

2 KARAENG-KARAENG 11:17

Nasuroi Imang Yoyada Karaeng Yoas siagang ra'yaka appare' parjanjiang siagang Batara angkanaya la'jari ke'nanga Umma'Na Batara. Nasuro tongi karaenga appare' parjanjiang siagang ra'yaka.

2 KARAENG-KARAENG 14:5

Tena nasallo ri wattu jarre'namo kakoasanna, nahukkung matemi Amazia sikamma pagawe le'baka ambunoi manggena.

2 KARAENG-KARAENG 21:25

Pau-pau maraengannaya ri passala'na Amon niaki nicata' lalang ri kitta' “Riwaya'na sikamma karaeng Yehuda.”

2 KARAENG-KARAENG 22:1

Ri wattunna a'jari Karaeng Yosia ri Yehuda nampami 8 taung umuru'na, siagang ammarentai ri Yerusalem 31 taung sallona. Amma'na niarengi Yedida ana'na Adaya, tu battu ri Bozkat.

2 PATTOTTORANG 22:1

Ri wattunna battu garombolang tu Arab ambunduki Yehuda, sikontu ana' bura'nena Yehoram, pantaranganna Ahazia ana' bura'ne bungkona, nibuno kabusuki. Lanri kammana anjo niangka'mi Ahazia ri pandudu' Yerusalem a'jari karaeng ansambeangi manggena.

2 PATTOTTORANG 26:1

Matenamo Amazia, nipilemi ana' bura'nena niarenga Uzia ri sikontu ra'ya' Yehuda, a'jari karaeng. Anjo wattua umuru'na 16 taung. Amma'na niarengi Yekholya, baine battu ri Yerusalem. Niaki 52 taung sallona ammarenta Uzia ri Yerusalem. Naallei siagang nabangungi ammotere' kota Elot.

2 PATTOTTORANG 33:25

Mingka nibuno tongi ri ra'ya' Yehuda anjo sikamma tau ambunoai Karaeng Amon; nampa naangka' ke'nanga ana'na Amon niarenga Yosia a'jari karaeng.

YEREMIA 1:2

A'bicara Batara mae ri Yeremia ri taung makasampulona antallu lalang ammarentana Yosia ana'na Amon karaeng Yehuda.

1 SAMUEL 11:15

Jari a'lampa ngasemmi ke'nanga mange ri Gilgal. Nampa nipa'jari resmimo Saul a'jari karaeng anjoreng ri tampa' passambayanganga. Assaremi ke'nanga koro'bang pappasiama'; na nasuarrimo Saul siagang sikontu bansa Israel anjo pa'gaukanga.