2 KARAENG-KARAENG 21:18 - KITTA' MATANGKASA'

¹⁸ Matemi siagang nitarawammi Manasye ri koko balla' karaenga, iamintu koko Uza. Nampa ana' bura'nena niarenga Amon ansambeangi a'jari karaeng.

2 KARAENG-KARAENG 21:18 ပူးပေါင်းရင်းမြစ်များ

2 KARAENG-KARAENG 21:19

Umuru'na Amon ri wattunna a'jari karaeng Yehuda iamintu 22 taung siagang ammarentai 2 taung sallona ri Yerusalem. Amma'na niarengi Mesulemet ana'na Harus, tu Yotba.

2 KARAENG-KARAENG 21:26

Nitarawangi Amon ri pa'jerakkang niaka ri koko Uza. Nampa Yosia ana'na ansambeangi a'jari karaeng.

2 PATTOTTORANG 21:20

Tena manna sitau ampassayangi anjo kamateanna. Nitarawangi ri Kota Daud, mingka tena nalalang ri pa'jerakkanna sikamma karaenga. Ri wattunna a'jari Karaeng Yehoram 32 taung umuru'na, siagang ammarentai 8 taung sallona ri Yerusalem.

2 PATTOTTORANG 24:16

Nitarawangi ri pa'jerakkanna sikamma karaenga ri Kota Daud, untu' ampakalompoi jasa-jasana mae ri Allata'ala, mae ri Balla'Na Batara siagang mae ri umma' Israel.

2 PATTOTTORANG 24:25

Sannaki loko'na Yoas lalang ri anjo pa'bundukanga. A'lampanamo musua, nia'mo rua pagawena assikongkolo'. Nabunoi ke'nanga Karaeng Yoas ri tampa' katinroanna, salaku pa'balasa' mae ri nabunona ana'na Imang Yoyada. Nitarawangi Karaeng Yoas ri Kota Daud, mingka tena nanjoreng ri pa'jerakkanna sikamma karaenga. (

2 PATTOTTORANG 28:27

Matemi Ahas, na nitarawang ri Yerusalem; mingka tena nanjoreng ri jera'na sikamma karaenga. Ana' bura'nena niarenga Hizkia ansambeangi a'jari karaeng.

2 PATTOTTORANG 32:33

Matemi Hizkia, nampa nitarawang ri butta pangngambikang niaka ri pa'jerakkanna sikamma karaenga. Nipakalompoi ri sikontu ra'ya' Yehuda siagang Yerusalem ri wattunna mate. Nampa ana'na niarenga Manasye ansambeangi a'jari karaeng.

2 PATTOTTORANG 33:20

Matemi Manasye nampa nitarawang ri balla' karaenga. Nampa ana'na niarenga Amon ansambeangi a'jari karaeng.

YEREMIA 1:2

A'bicara Batara mae ri Yeremia ri taung makasampulona antallu lalang ammarentana Yosia ana'na Amon karaeng Yehuda.

YEREMIA 22:19

Lanire'resangi Yoyakim nampa nipasambila assulu' battu ri pakke'bu' lompona Yerusalem, sangkamma nagaukanga taua mae ri keledai matea.”

ZEFANYA 1:1

Zefanya iamintu ana'na Kusyi. Pa'lo'lorang passibijanna battu rawa sa'genna nai' iamintu: Kusyi, Gedalya, Amazia, siagang Karaeng Hizkia. Iaminne pasanNa Batara mae ri Zefanya, ri wattu Karaeng Yosia ana'na Amon ammarenta ri Yehuda.

1 SAMUEL 25:1

Tena nasallo, matemi Samuel. A'rappungang ngasemmi tu Israel untu' anghaderi pa'gaukang kasusaanga. Nampa nitarawang Samuel ri balla'na ri Rama. Le'baki anjo a'lampami Daud mange ri parang lompo Paran.