2 KARAENG-KARAENG 21:11 - KITTA' MATANGKASA'

¹¹ “Karaeng Manasye teai sipato' ja'dala'na. Bella la'bi ja'dala'na panggaukanna na panggaukanna tu Kanaan. Lanri barhala-barhala napareka nanaerang tu Yehuda mange ri gau' dosaya.

2 KARAENG-KARAENG 21:11 ပူးပေါင်းရင်းမြစ်များ

PA'JARIANG 15:16

Punna narapi'mo patang lapisi' turungannu, lammotere'mi cucu-cucunnu mae anrinni, nasaba' talaKubongkayapi a'lampa tu Amori punna tenapa ta'liwa' ja'dala'na ke'nanga sa'genna parallu nihukkung.”

1 KARAENG-KARAENG 14:16

Lanibokoi Israel ri Batara lanri dorakanamo Yerobeam siagang a'jaria passabakkang nadoraka todong tu Israel.”

1 KARAENG-KARAENG 15:30

Dorakai Yerobeam siagang iami passabakkang nadoraka tommo tu Israel. Lanri kammana anjo napakanassumi Yerobeam Batara, Ia nasombaya tu Israel.

1 KARAENG-KARAENG 16:19

Anjo kajariangi lanri nagaukanna apa-apa ja'dalaka ri dallekanNa Batara. Sangkamma Karaeng Yerobeam, Zimri doraka tongi ri Batara, siagang a'jari passabakkang nadoraka todong umma' Israel.

1 KARAENG-KARAENG 21:26

Ahab nagaukangi dosa-dosa sannaka hinana: anynyombai barhala sangkamma nagaukanga tu Amori, iamintu tau le'baka nibongka ri Batara assulu' battu ri pa'rasangang Kanaan ri wattunna napantamakki Israel anjo pa'rasanganga.

2 KARAENG-KARAENG 16:3

Sangkamma tongi karaeng-karaeng Israel batena appanggaukang ri tallasa'na, ba'lalo napassareangi ana' bura'ne kalenna a'jari koro'bang mae ri rewataya, situru' kabiasang ja'dala'na sikamma tau nibongkaya ri Batara battu ri butta Kanaan ri wattunna napantamakki tu Israel anjo pa'rasanganga.

2 KARAENG-KARAENG 21:10

Lanri kammana anjo, tete ri sikamma na'bia, ata-atanNa Batara, Nakanamo Batara,

2 KARAENG-KARAENG 21:16

Pantaranganna a'gau' dosana tu Yehuda mae ri Batara lanri anynyombana barhala, Manasye sanna' todong jaina tau tena salana nabuno sa'genna tassolommo ceraka ri kere-keremae ri Yerusalem.

2 KARAENG-KARAENG 21:2

Dorakai Manasye ri Batara, lanri naturuki kabiasang ja'dala'na bansa-bansa nabongkaya Batara battu ri Kanaan ri wattu napantamakkinna tu Israel anjo pa'rasanganga.

2 KARAENG-KARAENG 21:20

Sangkamma todong manggena, doraka tongi mae ri Batara.

2 KARAENG-KARAENG 21:21

Naturuki sikamma panggaukanna manggena, siagang anynyombai ri barhala-barhala nasombaya manggena.

2 KARAENG-KARAENG 21:9

Mingka tu Yehuda tena namannuruki ri Batara, na ba'lalo Manasye angngerangi ke'nanga mae ri gau'-gau' dosa la'bi ja'dalaka na dosa nagaukang bansa-bansa nibongkaya ri Batara battu ri Kanaan ri wattunna napantamakki umma' Israel anjo pa'rasanganga.

2 KARAENG-KARAENG 23:24

Sollanna nakkulle nigaukang hukkung-hukkung niaka tattulisi' lalang ri anjo kitta' nagappaya Imang Lompo Hilkia lalang ri Balla'Na Batara, nabongka kabusu'mi Karaeng Yosia sikamma pakio' rohna tumatea siagang pacinika battu ri Yerusalem siagang battu ri sikontu Yehuda, nampa napela' kabusu' rewata ruma tanggaya, barhalaya, siagang barang-barang nipakea untu' anynyomba ri rewata-rewataya.

1 PATTOTTORANG 1:14

Kanaan, iatommi boe-boena tu Yebusi, Amori, Girgasi,

YEREMIA 15:4

LaKupa'jari sikontu bansaya ri lino sanna' malla'na anciniki ke'nanga. Kugaukang ngasengi anjo sikammaya lanri panggaukanna Manasye ana' bura'nena Hizkia ri Yerusalem ri wattunna ia a'jari karaeng ri Yehuda.”

YEHEZKIEL 16:3

Batara Kaminang Tinggia nasuroa' ampabattui anne pasanga mae ri Yerusalem, angkana, “He Yerusalem, ikau lassukko ri butta Kanaan. Manggenu tu Amori siagang amma'nu tu Het.

YEHEZKIEL 16:45

Memang, ikaumi ana' bainena amma'nu. Tena nangai bura'nenna siagang ana'-ana' kalenna. Ikau sangkammako sikamma sari'battang bainenu tenaya todong nangai bura'nenna siagang ana'-ana'na. Ikau siagang sari'battannu, iamintu kota-kota niaka ri tammulilinu amma'nu tu Het siagang manggenu tu Amori.

YEHEZKIEL 18:12

Nangai annipu tu kasi-asi, angngella', naalle barang-barang napappita'gallanga taua mae ri ia. A'lampai mange ri balla' rewatana tau tenaya natappa' ri Batara siagang anynyombaya barhala appakaringi'-ringi'.

YEHEZKIEL 5:6

Mingka Yerusalem natollaki parentaKu siagang a'nassami angkana ja'dallangngangi nabansa-bansa maraenga, ba'lalo la'bi tenangngang namannuruki nabansa-bansa maraenga ri tammulilina. Nadakkai Yerusalem parenta-parentaKu siagang taerokai tundu' mae ri hukkung-hukkungKu.”