2 KARAENG-KARAENG 20:20 - KITTA' MATANGKASA'

²⁰ Pau-pau maraengannaya ri passala'na Karaeng Hizkia, ri passala'na jasa-jasa kabaranianna, siagang antekamma batena appare' kollang siagang solongang je'ne' untu' ampa'lo'loroki je'neka mange ri kotaya, yangasenna niaki nicata' lalang ri kitta' “Riwaya'na sikamma karaeng Yehuda.”

2 KARAENG-KARAENG 20:20 ပူးပေါင်းရင်းမြစ်များ

1 KARAENG-KARAENG 14:19

Riwaya' maraenga ri sesena Karaeng Yerobeam, iamintu pamarentahanna siagang sikamma pa'bundukang napimpinga, le'ba'mi nicata' lalang ri kitta' Riwaya'na sikamma karaeng Israel.

1 KARAENG-KARAENG 14:29

Riwaya' maraengannaya ri sesena Karaeng Rehabeam, le'ba'mi nicata' lalang ri kitta' Riwaya'na sikamma karaeng Yehuda.

1 KARAENG-KARAENG 15:23

Riwaya' maraengannaya ri sesena Karaeng Asa, iamintu kabaranianna siagang kota-kota napakassakkia, le'ba'mi nicata' lalang ri kitta' Riwaya'na sikamma karaeng Yehuda. Ri wattunna toamo nitabai garring Karaeng Asa, iamintu bangkenna.

1 KARAENG-KARAENG 15:7

Riwaya' maraengannaya ri sesena Abiam le'ba'mi nicata' lalang ri kitta' Riwaya'na sikamma karaeng Yehuda.

2 KARAENG-KARAENG 15:26

Pau-pau maraengannaya ri passala'na Karaeng Pekahya, niaki nicata' lalang ri kitta' “Riwaya'na sikamma karaeng Israel.”

2 KARAENG-KARAENG 15:6

Pau-pau maraengannaya ri passala'na Karaeng Uzia niaki nicata' lalang ri kitta' “Riwaya'na sikamma karaeng Yehuda.”

2 KARAENG-KARAENG 16:19

Pau-pau maraengannaya ri passala'na Karaeng Ahas, niaki nicata' lalang ri kitta' “Riwaya'na sikamma karaeng Yehuda.”

2 KARAENG-KARAENG 18:17

Mingka anjo karaeng Asyur akkiringi battu ri Lakhis pasukang lompo untu' ambunduki Yerusalem. Anjo pasukanga nipimpingi ri tallu perwira tinggia pangka'na, iamintu sitau panglima, sitau paurusu' inungang, siagang sitau kapala pangawala'na karaenga. Ri wattunna battu ke'nanga mange anjoreng ri kotaya, angngallemi ke'nanga tampa' ri kokoa, iamintu niarenga Koko Penatu ri ampi'na solongang a'lo'loroka battu ri balang bageang iratea.

2 KARAENG-KARAENG 23:28

Karaeng Yosia matei lalang pa'bundukang ri Megido wattunna a'lampa mange ambunduki Nekho, karaeng Mesir, sitabanga maju siagang pasukanna untu' ambantui karaeng Asyur ri birinna Binanga Efrat. Niallei maya'na Yosia ri sikamma pagawena nampa nierang ammotere' siagang kareta mange ri Yerusalem. Anjoreng nitarawangi ri pa'jerakkanna sikamma karaenga. Nampa napile siagang naangka' ra'ya' Yehuda iamintu Yoahas ana' bura'nena Yosia untu' ansambeangi a'jari karaeng. Pau-pau maraengannaya ri passala'na Karaeng Yosia niaki nicata' lalang ri kitta' “Riwaya'na sikamma karaeng Yehuda.”

2 KARAENG-KARAENG 8:23

Carita maraengannaya ri passala'na Yehoram niaki nitulisi' lalang ri kitta' Riwaya'na sikamma karaeng Yehuda.

2 PATTOTTORANG 32:24

Anjo wattua tu'guru' garringi Karaeng Hizkia. Pammate sanna'na anjo garrinna sa'genna a'biring dudumi mate. Appala' doammi ri Batara; nampa nisaremo pammatei ri Batara angkanaya lammollei ri garrinna.

2 PATTOTTORANG 32:3

natappukimi siagang pagawe-pagawena siagang perwira-perwirana untu' antongkoki tampa'-tampa' pammantangngang je'ne' niaka ri pantaranna kotaya, sollanna tena nanggappa je'ne' tu Asyur punna battu ke'nanga mange ri ampi'na Yerusalem. Sanna' jaina tu nipajama untu' antongko' kabusuki sikontu timbuseng je'ne' assolong assuluka ri pantaranna kotaya.

2 PATTOTTORANG 32:30

Iaminne Karaeng Hizkia ampapparekangi kollang je'ne' assolonga battu ri timbuseng je'neka ri Gihon, nampa napasolong je'neka battu ri solongang niaka irawanganna buttaya antama ri kota Yerusalem. Nanjari kabusu' anjo apa najamaya Hizkia.

2 PATTOTTORANG 32:32

Pau-pau maraengannaya ri passala'na Karaeng Hizkia, siagang antekamma pangngamaseanna ri Batara, niaki nicata' lalang ri kitta' Wahyu battu ri Allata'ala mae ri Na'bi Yesaya Ana'na Amos, siagang lalang ri kitta' Pau-pauanna Sikamma Karaeng Yehuda Siagang Karaeng Israel.

NEHEMIA 2:14

Nampa battu ri rayanganna kotaya a'jappa tulusu'mi ikambe a'lampa wara', mange ri Pakke'bu' Lompo Je'ne' Takkioroka siagang Kollang Karaenga. Mingka anjoreng tena oloang akkullea naolo keledaia, lanri jai duduna sesa-sesa rumbangngang.