2 KARAENG-KARAENG 20:18 - KITTA' MATANGKASA'

¹⁸ Nia' battu ri ana' cucunnu lanialle siagang lanipa'jari pagawe balla' karaeng untu' allayani karaeng Babel.”

2 KARAENG-KARAENG 20:18 ပူးပေါင်းရင်းမြစ်များ

2 KARAENG-KARAENG 24:12

nampa napassareammo kalenna Karaeng Yoyakhin siagang amma'na, ana'na kabusu', sikamma perwira tantarana siagang pagawe-pagawena balla' karaenga, mae ri Nebukadnezar. Nampa natahammo Yoyakhin. Anjo passalaka kajariangi ri taung makasagantuju wattu ammarentana Karaeng Nebukadnezar.

2 KARAENG-KARAENG 25:6

Nampa nierang Karaeng Zedekia mange ri Karaeng Nebukadnezar ri kota Ribla, nampa nitappu' hukkungang mate.

2 PATTOTTORANG 33:11

Lanri kammana anjo Napabattumi Batara sikamma panglima tantarana Asyur untu' ambunduki tu Yehuda. Nijakkala'mi Manasye siagang pakkai', nampa nisikko' siagang nierang mange ri Babel.

YEREMIA 20:5

LaKulappassangi musunna ke'nanga anrampasaki siagang angngengkaki mange ri Babel sikontu kakalumanynyangnganna siagang barang-baranna anne kotaya, ba'lalo barang-barang pisakana sikamma karaenna Yehuda.

DANIEL 1:3

Nampa naparentakangi karaenga mae ri Aspenas, iamintu kapala ruma tanggana balla' karaenga, untu' ammilei siapa are turungka battu ri anjo bansa Israel nitahanga, iamintu ana'-ana' karaenga yareka bija karaenga.

MIKHA 4:10

He pandudu' Yerusalem, ammuriang mako siagang akkunrareng mako rapang baine ammanaka! Nasaba', kamma-kamma anne musti nubokoi kotaya nampa ammantangko ri paranga. Musti a'lampako mange ri Babel, mingka anjoreng laNalappassangko Batara battu ri musu-musunnu.