2 KARAENG-KARAENG 2:24 - KITTA' MATANGKASA'

²⁴ Assailemi Elisa na naciniki ke'nanga siagang nasumpai ke'nanga lanri arenNa Batara. Anjo memang wattua nia'mo ruang kayu macang gana assulu' battu lalang ri romanga nampa nakae-kae kalenna patampulo anrua tau battu ri anjo ana'-anaka.

2 KARAENG-KARAENG 2:24 ပူးပေါင်းရင်းမြစ်များ

PA'JARIANG 9:25

nakanamo, “Cilaka laloi Kanaan! La'jari ata kaminang tunai mae ri sikamma sari'battanna.

2 SAMUEL 17:8

Tantu kiassengi karaeng angkanaya anjo Daud siagang ana' buana sangnging pajuang barani. Pallaki ke'nanga rapang beruang tappelaka ana'na. Nampa pole anjo Daud iami tantara jai pangalamanna, tenaya nale'ba' sipa'bangngiang siagang ana' buana.

1 KARAENG-KARAENG 13:24

nampa a'lampamo anjo na'bi battua ri Yehuda. Ri tangngana aganga nibakkaimi ri sikayu singa, namatemo nikokko'. Ammonrammi maya'na ri aganga, siagang ammenteng keledaina ri ampi'na. Nampa ammenteng tommo anjo singaya anjoreng.

1 KARAENG-KARAENG 19:17

Inai-nai tena nibunoi ri Hazael, lanibunoi ri Yehu. Siagang inai ta'lappasa' ri Yehu lanibunoi ri Elisa.

1 KARAENG-KARAENG 20:36

Nakanamo anjo na'bia, “Lanri tenana nanugaukangi parentaNa Batara, lanibakkaiko ri singa tena nasallo ammotere'nu battu anrinni.” Kammatojengi. Tena nasallo ammotere'na battu anjoreng, nibakkaimi nanikokko' ri sikayu singa.

2 KARAENG-KARAENG 2:25

Napannarrusuki lampana Elisa mange ri Moncong Karmel, nampa ammotere' mange ri Samaria.

KALAPPASSANG 20:5

Teako anynyombai ri patung kammaya anjo, nasaba' iNakkeji Karaeng Allata'alanu, siagang taerokA' nipasangkamma manna apa-apa mamo. Sikamma tau mangngabirissia mae ri Nakke Kuhukkungi sa'genna jari-jari lapisi' makatalluna siagang makaappa'na.

PANGNGEBARANG 17:12

Bajikangngangi assibuntuluka siagang anrong beruang tappelaka ana'na, kala assibuntuluka siagang tau sibuka siagang kadongokanna.

PANGNGEBARANG 19:29

Tau tolo tinggi langgaya mattantu laniba'ji.

PANGNGEBARANG 28:15

Tau ja'dalaka ammarenta ri tau kakuranganga, sanrapangi singa ammarrunga sa'ranna yareka beruang a'bakkaya.

YEREMIA 28:16

Lanri kammana anjo KalenNa Batara ampaui angkanaya lanipa'lanynyakko battu ri tompo'na buttaya. Ia memang anne taunga nulamate, lanri nusurona anne bansaya angngewai Batara.”

PIRAUNG 3:65

Tunraimi ke'nanga, siagang lappassammi ke'nanga tuli tappu' minasa.

HOSEA 13:8

SanrapangA' beruang tappelaka ana'na lambakkaiko. LaKukae-kaeko. RapangA' singa lambakkaiko ri tampa'nu, siagang rapangA' olo'-olo' sekke' laKukae-kaeko.

KAIMANGNGANG 26:22

LaKupabattui olo'-olo' sekkeka ri tangnga-tangnganu. Anjo olo'-olo' sekkeka lanakokkoki ana'-ana'nu, lanabunoi olo'-olo' piaranu siagang lanapaccappukko, sa'gennu a'jari sike'de' dudu mamo tassesa, siagang la'jari sinoi sikamma oloanga lalang ri pa'rasangannu.

AMOS 7:17

Nakana Batara angkanaya la'jari pasundalaki bainennu ri agang-agang kotaya, siagang sikamma ana'nu lanibunoi lalang pa'bundukang. Buttanu lanipa'bage-bageangi mae ri tau maraenga, nampa ikau kalennu lamateko ri pa'rasanganna tau tenaya natappa' ri Batara. Pandudu'na Israel ma'nassa laniengkaki mange ri pammelakkanga, bella battu ri pa'rasangang kalenna.”

MARKUS 11:14

Nakanamo Isa ri anjo poko' araya, “Appakkaramula ri kamma-kammaya anne, tenanniakkamo manna sitau langkanrei rapponnu!” Nalangngereki ana'-ana' gurunNa anjo apa Napaua Isa.

MARKUS 11:21

Nau'rangimi Petrus apa le'baka kajariang ri subangngi. Jari akkuta'nammi Petrus ri Isa nakana, “O Bapa' Guru, Kicini' sai! Matemi anjo poko' ara le'baka Kitunrai!”

LAMPA-LAMPANA 5:5

Kamma nalangngere'na Ananias anjo kana-kana napaua Petrus, tu'guru'mi, namate. Sikontu tau allangngerekai anjo apa kajarianga, a'jari malla' ngasemmi.

LAMPA-LAMPANA 5:9

Nakanamo Petrus ri ia, “Angngapa nusikongkolo' siagang bura'nennu ero' ancobai RohNa Batara? Pilangngerimi! Ammotere'mi tau mangea antarawangi bura'nennu. Lanaerang tongko ke'nanga assulu'.”

LAMPA-LAMPANA 8:20

Mingka appialimi Petrus nakana, “Cilaka mako ikau siagang doe'nu! Nukana lakkullei niballi passareNa Allata'ala siagang doe'?

2 KORINTUS 10:6

Na punna amminawang turu' ngaseng mako, sadiami ikambe untu' anghukkungi sikamma tau tenaya namminawang turu'.

HAKING-HAKING 9:20

Mingka punna tena nakamma, poro assulu' laloi pepeka battu ri Abimelekh, na natunu ngaseng sa'genna la'busu' nakanre tau ammantanga ri Sikhem siagang Bet-Milo. Kammayatompa poro assulu' lalo tongi pepeka battu ri tau ammantanga ri Sikhem siagang Bet-Milo na nakanre sa'genna la'busu' Abimelekh.”

HAKING-HAKING 9:57

Na Nahukkung tommo taua ri Sikhem lanri kaja'dallanna ke'nanga. Yangasenna anjo kajarianga sicoco' le'baki apa le'baka napau Yotam, ana'na Gideon, ri wattunna nasumpai ke'nanga.