2 KARAENG-KARAENG 2:23 - KITTA' MATANGKASA'

²³ Le'baki anjo a'lampami Elisa battu ri Yerikho mange ri Betel. Ri tangngana aganga nia'mo siapa are ana'-ana' assulu' battu ri kotaya ancau-caui. Akkio'-kioki ke'nanga angkana, “He, ulu pe'da', ulu pe'da', a'lampako anrinni!”

2 KARAENG-KARAENG 2:23 ပူးပေါင်းရင်းမြစ်များ

PA'JARIANG 21:9

Ri se'reang allo, anjo Ismael iamintu ana'na Abraham battua ri Hagar, anjo baine battua ri Mesir, sitabangi akkarek-karena siagang Ishak, ana'na Sara.

2 KARAENG-KARAENG 2:11

Lalang a'jappana ke'nanga, tuli sipa'bicarana. Ti'ring nia'mo se're kareta a'rinra nibeso' ri ruang kayu jarang a'rinra battu ampasisa'laki ke'nanga sipa'rua, nampa niangka' Elia nai' ri suruga ri anging barubu.

2 KARAENG-KARAENG 2:2

nampa ri tangngana aganga nakanamo Elia mae ri Elisa, “Ammantangko anrinni. Nasuroa' Batara a'lampa mange ri Betel.” Mingka appialimi Elisa angkana, “Lanri Batara mattallasaka siagang lanri nyawata bapa', tena nakuero' ambokoiki'.” Jari siagammi ke'nanga ampatulusuki lampana sa'genna mange ri Betel.

2 KARAENG-KARAENG 2:22

Appakkaramula anjo wattua baji'mi anjo je'neka situru' kana napaua Elisa.

2 PATTOTTORANG 36:16

Mingka napare' karek-karenanji anjo sikamma tunisuroNa Allata'ala, siagang nakakkali na'bi-na'biNa, kammayatompa tena najampangi kana-kananNa. Kale'bakkanna sanna'mi larrona Batara mae ri ke'nanga, siagang takkulleami ke'nanga ta'lappasa' battu ri hukkunganNa Batara.

AYUB 19:18

Nihina' ri ana'-anaka ri aganga; punna ammentenga', nakakkalia' ke'nanga.

AYUB 30:1

“Mingka anne kamma nicau-cauma' ri tau la'bi rungkaya. Riolo manggena ke'nanga sanna' kucini' irawana untu' anjagai gimbalakku siagang kongkong pakalawaki.

PAMMUJI 31:17

Poro nia' pangngellainTa mae ri atanTa; pasalama' laloa' lanri pangngamaseanTa.

PAMMUJI 31:18

TeaKi' balang parekangia' nipakasiri', o, Batara, saba' akkioka' mae ri Katte. Lappassammi nipakasiri' tu ja'dalaka, na'mereki naung ri linona tu matea.

PAMMUJI 35:15

Mingka ri wattungku susa, sannangi pa'mai'na ke'nanga, siagang a'rappungammi ambalianga'. A'jappa keppang-keppangi ke'nanga untu' ancau-caua'.

PANGNGEBARANG 20:11

Battu ri panggaukanna anaka nakkulle niasseng apaka bajiki siagang lambusuki gau'na.

PANGNGEBARANG 22:15

Siratangi ana'-anaka anggaukangi katoloanga, mingka raukanga akkulle angngajaraki ke'nanga sollanna napinra panggaukanna.

PANGNGEBARANG 22:6

Ajaraki se'rea ana' antekamma batena siratang attallasa', na sa'genna toa tuli lakammana batena attallasa'.

KATO'BA 11:10

Pelaki ranggaselaya siagang susaya battu ri pa'mai'nu, saba' sinampe'ji allalo wattu rungkanu.

YESAYA 1:4

Cilakako kau bansa dorakaya, tau panraka siagang ja'dalaka! Ta'loposo' ngaseng mako lanri dosa-dosanu. Nutollaki Batara siagang nubokoi Allata'ala Kaminang Matangkasaka, siratanga musti nusomba.

YESAYA 3:5

Lamassing sijalla'-jallakkangi taua. Tau rungkaya tanajampangiai tau toaya, siagang tau ca'dia tanajampangiai tau lompoa.

YEREMIA 20:7

Batara, iKatte anynyonyokka' siagang inakke le'ba'ma' ninyonyo'. IKatte la'bi gassingKi' nainakke siagang le'ba'ma Kipadundu. Nicau-caua' ri tunggala' taua, nihina battu ri bari'basa' sa'genna karueng.

YEREMIA 20:8

Punna kua'bicara, musti ammarranga' sigassing-gassingku, angkana, “Kapallakkang! Bala!” O Batara, Nicau-caua' ri kere-kere wattu, lanri kupabattuna pasanTa.

YEREMIA 7:18

Ana'-anaka appasse'rei kayu tunuang, tubura'-bura'nea apparinra pepe', siagang tubai'-bainea alleo' labu' untu' appare' kanrejawa lanapassareanga ke'nanga mae ri rewata baine, ia naarenga ke'nanga Ratu Suruga. Siagang untu' ampakapa'risiki atingKu assare tongi ke'nanga anggoro' mae ri rewata-rewata maraenga.

HOSEA 10:15

Iami anjo apa lakajarianga mae ri kau ngaseng, he pandudu'na Betel, lanri le'ba'na nugaukang kaja'dallang lompoa. Ri wattu ammumbana alloa ri bari'basaka, tasalloapi appakkaramulana bunduka, nalamatemo karaennu.”

HOSEA 10:5

Pandudu'na Samaria lamallaki; ke'nanga siagang imang-imanna ke'nanga allayania ri anjo sapi bulaenga ri Betel lasi'nai siagang langngarruki lanri lanynya'mi sikontu kalompoanna anjo barhalana ke'nanga.

HOSEA 4:15

He ikau ngaseng tu Israel, tena namajarre' pa'mai'nu mae ri Nakke! Mingka, Kurannuangi Yehuda natenaja nagaukang tongi kasalang kammaya! Teako mangei anggaukangi ibadanu ri Gilgal yareka ri Betel. Teako assumpai anjoreng lanri arenNa Batara mattallasaka.

KAIMANGNGANG 13:40

Punna nia' tu bura'ne appe'da' bageang ri boko ulunna yareka bageang ri dallekanna ulunna, tenaja nara'masa' anjo taua passabakkang anjo pe'da'na.

AMOS 3:14

Ri allo Kuhukkunna tu Israel lanri dosana, laKuputtai tampa'-tampa' pakkoro'bangnganga ri Betel. Tunggala' tampa' pakkoro'bangnganga lanitepoki cappa'-cappa'na sa'genna tu'guru' naung ri buttaya.

AMOS 4:4

Nakana Batara Kaminang Tinggia, “He umma' Israel! A'lampa lalo mako mange ri tampa' ibadaya ri Betel, siagang gaukammi dosaya anjoreng! A'lampako mange ri Gilgal siagang gaukammi dosaya situru' pangngainnu! Assare mako koro'bang tunggala' bari'basa', siagang angngerang bage sampulona battu ri sikontu alle polenu lalang tunggala' tallungalloa!

AMOS 5:5

Teako a'lampai mange ri Bersyeba untu' anynyomba. Teako boyaiA' ri Betel, nasaba' lalanynyaki Betel. Tea tongko a'lampai mange ri Gilgal, nasaba' pandudu'na anjo kotaya laniengkaki mange ri pammelakkanga.”

AMOS 7:13

Tea' mako akkato'bai pole ri Betel. Anne kotaya nisa'laki untu' kalenna karaenga, siagang tampa' ibadana sikontu ra'yaka!”

GALATIA 4:29

Anjo wattua, anjo ana' nilassukanga lanri ero'Na RohNa Allata'ala lanisessai ri ana' nilassukanga lanri ero'na rupataua. Kamma tomminjo ri kamma-kammaya anne.

IBRANI 11:36

Nia' nicau-cau, nicambo', nisikko' rante nampa nipantama' ri tarungkua.